United Pentecostal Church
of Mizoram

General Superintendent Rev. Ngurthanpara Sailo chu September ni 17 Ningani khan N. Khawlek Bial tlawhin a zin chhuak a. A cham chhung hian N. Khawlek kohhran Biak In thawm that ngaite a hmunah kalin a enfiah bawk. General Superintendent hi September ni 18 Zirtawpni khan Aizawl a lo let leh a ni.

General Secretary Rev. C. Lalawmpuia chu September ni 18 Zirtawpni zan atang hian Headquarter’s kohhran a Pathian chawimawina ah Speaker a ni dawn a.Pathianni zan thleng hian rawngbawlna a nei ang.

General SS Dept. Secretary Rev. Lalngaizuala chuan Chaltlang kohhran a Pathian chawimawina inkhawmah Sept. ni 18 zan atang hian thuhril rawngbawlna a nei ang a, Pathianni zan thleng hian rawng a bawl ang.

General Missions Dept.

September ni 16 Nilaini khan General Missions Department chuan Chairman Upa Lalzirliana kaihhruaina hnuaiah General Board Meeting vawi 6-na Mizoram UPC Office Conference Hall, Zonuamah an nei a, Puipa ten he hun hi hovin, Rev. Ngurthanpara Sailo, General Superintendent chuan ro rel inkhawm hlanna a nei. General Board chuan bawhzui atan Agenda 19 an pawm a. A langsar zual zingah Kum 2027 General Conference, Ocotber thla a Bawngkawn Bial a neihte, Kum 2027 ah Missions Field biak in sak tanpuina atan kohhran Chhungkaw tinah cheng 100 khawnte, Missionary Chart siamte, Field lama thawktu ten Pathian thu Hindi tawng ngei hmanga an zir theihna tur ngaihtuah sak tura rorelna sanga thlente a tel a, Heng bakah hian General Missions Manual Bu Revised and enlarged 2026 an pawm bawk a ni. Missions Dept General Board chuan Kum 2027 Budget atan cheng Vaibelchhe Li nuai sawmhnih pasarh leh singruk (4,27,60,000) an pawm a,  hei hi Kum 2026 aiin za zelah 6.50% in a pung a ni. General Missions Dept. inkhawmpui hi kum khat dana neih thin anih angin, Kum 2025 khan General Missions Conference chuan inkhawmpui Aizawl khawpui chhunga thlen dan tur rotation hetiang hian a lo ruahman tawh a. Kum 2029 - Chawlhmun Bial Kum 2031 - Headquarters Bial. Kum 2033 - Chaltlang Bial te chuan an thleng ang. General Missions Department hnuaiah hian Area 5, Field 18 awm mekin, Kohhran 103 a ding mek a ni.

Live Crusade

LAWNGTLAI AH LIVE CRUSADE NEIH A NI.

Lawngtlai New Vengpui Biak In a General Headquarters buatsaih Live Crusade chu tluang taka neih zawh a ni. Live Crusade hi September ni 12 leh 13 Pathianni hmang khan neih a ni a, Upa F. Lalremmawia, Executive Chairman leh Rev. Ngurthanpara Sailo, General Superintendent te chuan rawngbawlna an nei. Inrinni zan aṭanga hman ṭan niin Speaker ten rawngbawlna nung tak an nei a, Lawngtlai bial chhunga zai mi ten fakna hla he hunah hian an sa ṭhin bawk a ni. Live Crusade hi Rev. Gospelthanga, Southern zone Secretary leh Lawngtlai Area hruaituten an telpui bakah Southern zone huam chhunga Kohhrante an kal khawm tha hle a, Pathian awmpuina nen hlim taka hun hman thin a ni. Live Crusade hi Pentecost Media Youtube Channel-ah Live a pek chhuah a ni a, Pentecost Media Channel-ah en theih a chhawpchhuah a ni.

ADVERTISEMENT

Pastoral Board chuan Fixed Pay Pastor 2 (pahnih) a la thar dawn a. Dilna hi October ni 31 thleng hun hawn a ni.

Diltu chuan Mizoram UPC Common Application Form hmangin dilna General Secretary hnenah thehluh tur a ni a, diltu chu kum 25 aia naupang lo leh kum 45 aia upa lo, Ministerial Licence chawl lova kum 3 tal kawl tawh a ni tur a ni. November ni 18 ah hna lakna Written Examination neih tur a ni a, Personal Interview hi December ni 8, kum tawp Pastoral Board thut khawmah neih a ni ang.

General SS

General SS Dept chuan DOCTRINE QUIZ November ni 16 atang hian a buatsaih leh dawn a, Tualchhung tin aiawhin Team pakhat zel tel theih a ni a,

Team pakhat-ah hian member 2 awm tur a ni. Quiz hi Doctrine zirlaibu kum 2-na hmanga neih tur a ni a, tel tumte tan September thla chhung, in report-na hun hawn a ni a, Tualchhugn tinte Quiz Competition-a tel theuh turin General SS Dept. chuan min sawm a ni.

General LAD

General LAD kum 2026 inkhawmpui chu October ni 23-25 chhung hian UPC Multipurpose Hall, Farm veng Lunglei-ah hman a ni dawn a. Inkhawmpui a thuhriltu atan heng mite hi ruat an ni. Zirtawp zanah – Unaunu Remlalthari, Bawngkawn Inrinni chhun ro rello inkhawmah – Tirhkoh Lalrosanga Inrinni zanah – Upa F. Lalremmawia, Executive Chairman Pathhianni chawhmaah – Rev. Ngurthanpara Sailo, General Superintendent Pathianni chawhnuah – Unaunu C. Renghlupuii, President Gen LAD Pathianni zanah – Rev. Thangliansanga, Principal ATI General LAD inkhawmpuiah hian Zirtawp zanah Buhfaitham lawman sem a ni ang a, Inrinni zan inkhawmah palai Kum 75 chin te chawimawina hun hman a ni bawk ang.

General PYD

General PYD chuan September ni 26 Inrinni hian GENERAL BOARD MEETING Conference Hall, General Headquarters Office, Zonuamah a kova, Bial tin aṭangin President leh bial aiawh ruat bik member pakhat te chu board member an ni. PYD General Board-ah hian Bial PYD President aiawh a intirh theih dawn lo va, bial aiawh atana ruat pawh hi PYD member a ni ngei tur a ni.

Lunglei Area

Committee Lunglei Area Committee, September ni 11 Zirtawpni a Electric veng kohhran Biak In a thu khawm chuan kumin Area inkhamwpui, Lunglei South bial a neih tur a hun hmangtu turte an ruat. Zirtawp Zan inkhawmah Upa K.Lalzarliana Chairman, Lunglei Area Inrinni Chhun ro rello inkhawmah Tk.Zion Ramngaihzuala, Tuipui South Inrinni Zan inkhawmah Rev. Gospelthanga, Secretary Southern Zone Pathianni Chawhmaah Rev.Thangliansanga, Principal ATI Pathianni Chawhnuah Rev.Lalruatkima, Thingfal Bialtu leh Pathianni Zan inkhawmah Rev.HV.Lalzuithanga, Superintendent Lunglei Area te chuan thuhril rawngbawlna an nei ang. Lunglei Area Committee hi Upa K.Lalzarliana, Area Chairman chuan a kaihruaia. Rev.Gospelthanga, Southern Zone Secretary in a ho a ni.

Siaha Area

SIAHA AREA PYD JOINT REVIVAL & SEMINAR HLIM TAKA HMAN A NI.

September ni 11-13 Pathianni hmang khan Siaha Area chhunga Bial thum PYD te chuan joint revival leh seminar, Lungzarhtum Biak in Niawhtlang Bialah an hmang a. He hun hi General PYD hruaitute'n hmanpuiin President Upa Dr. Zonunmawia, EBM Vanlalchhuanga, Upa Lalrinmuana leh unaunu Lalremchhungi te an kal a SWC atangin Lallawmsanga’n a tawiawm bawk a ni. Zirtawp zan inkhawm leh inrinni Seminar-ah Unaupa Vanlalchhuanga, EBM in hun a hmang a, Inrinni zan leh Pathianni zanah Upa Dr Zonunmawia, President GPYD chuan Pathian thu hril rawngbawlna nei velehin Pathianni zing inkhawmah Upa R Lalrinmuana, EBM hnen atangin Pathian thu chah ngaihthlak a ni bawk a, Pathianni chawhnu inkhawmah Unaunu Lalremchhungi, EBM in hun hmangin Unaupa Lallawmsanga, Social Wing Committee member chuan hun hmasa a hmang bawk. Siaha Area chhunga Bial thum PYD joint revival hi Pathianni zan khan hlim tak a hmanz awh a ni.