General Superintendent Rev. Ngurthanpara Sailo chuan vawiin Inrinni November ni 21 hian ITI kohhran Biak In thar Pathian hnenah hlanin a hawng ang.
General Treasurer Rev. Rokhuma chu November ni 20 Zirtawpni khan North Vanlaiphai Bial South Chawngtui kohhran Biak In thar Pathian hnena hlanna leh hawnna nei turin a zin chhuak a. General Treasurer hi Pathianni thleng a cham ang a. Thawhtanni khian Aizawl a lo let leh dawn a ni.
Rev. Lalngaizuala Secretary, General SS Dept chu November ni 20 Zirtawpni khan Khawbung Bial a Vaphai kohhran SS Dept.-te seminar neih pui turin a zin chhuak a, Thawhtanni khian Aizawl a lo let leh ang.
Rev. Gospelthanga Secretary, Southern Zone chuan November ni 18 Nilaini zan khan Laisawral kohhran tlawhin thuhril rawngbawlna a nei a, Lunglei atangin T. Upa C Lalawmpuia leh unaupa John Daniala ten an tawiawm a ni.
Rev. Thangliansanga ATI Principal chuan November ni 22 Pathianni hian Headquarters Bial-in Lungleng hmuna mual inkhawm an buatsaihah thuhril rawngbawlna a nei ang.
General SS
General SS Dept buatsaih Doctrine Department Quiz chu November ni 19 zan khan Last 16 round neih zawh a ni a. Tualchhung 16 in lan zingah Quarter Final a in hlang kai Tualchhung 8 te chuanNovember ni 24 Thawlehni zan khian intihsiakna an neih chhunzawm ang.


Quarter Final-ah hian Chanmari West leh Samtlang Doctrine Dept an in el ang a, Zonuam leh Nursery veng, Kolasib Venglai leh Bethlehem Vengthlang an in tum bakah Heaquarters leh Venghlui te an in hmachhawn bawk dawn a ni.
Doctrine Department Quiz 2026 hi November ni 26 Ningani zanah Semi Final neih a ni ang a, December ni 1 Thawhlehni zanah Final neiha ni bawk ang.
Quiz intihsiakna hi Pentecost Media YouTube Channel-ah zan dar 7:30 atangin Live a pek chhuah thin a ni.
General News
Kum 2026 General Assembly a All India Oneness Meeting lo awm tur atan, Kohhran Puipa te leh General PYD hruaitute chuan Aizawl khawpui chhunga Bial PYD OB te leh Tualchhung tin OB te chu November ni 19 Ningani zan khan Headquarters kohhran Biak In ah koh khawmin, inkawmhona an nei a,he hunah hian mi 150 chuang an tel thei a.

December ni 11 Zirtawpni zana All India Oneness Meeting, General Assembly a awm tur atan a tul leh pawimawhte inhrilh hriat niin, Pastor Bial 12 atangin thalai hruaitute hi an kal khawm a ni.