United Pentecostal Church
of Mizoram

HRUAITUTE PROGRAMME

General Superintendent Rev. Ngurthanpara Sailo leh General Secretary Rev. C. Lalawmpuia te chu September Ni 21 khan Guwahati leh a chheh vel a kohhrante tlawhin an zin chhuak a, September ni 25 Zirtawpni khan Aizawl an lo let leh a ni.

Rev. Lalngaizuala Secretary, General SS Dept. chu September ni 25 Zirtawp zan atang khan Chaltlang kohhrana Pathian chawimawina programme-ah speaker a ni a, Pathianni zan thleng hian rawngbawlna a nei ang.

Rev. Gospelthanga Secretary, Southern Zone chuan Spetmber ni 27 Pathianni hmang hian Kanghmun S Kohhran a tlawh dawn a, Pastor K. Rohmingthanga Mualthuam N bialtu Pastor te nupa leh T. Upa C Lalawmpuia leh Tiehkoh T. Lawmsanga Electric veng te chuan an tawiawm ang. Rev. Gospelthanga hian September ni 28 Thawhtanni hian Lunglei a let leh dawn a ni.

General Missions Dept.

Upa Lalzirliana’n Bihar Field-ah mi thar 225 Mizoram UPC ah a lawm lut.

September ni 23 leh ni 24 chhung khan Bihar khawpui Patna leh Nadaul hmunah Crusade neih a ni a, he hunah hian General Missions Dept. Chairman Upa Lalzirliana chuan Jeevan Nirman Missions Independent Church Trinitarian Kohhran pali te chu Mizoram UPC ah a lawm lut a, Eastern India Area Supervisor Rev. Vanlalchama, Bihar Field Pastor Romeo L Kipgen leh T. Upa VL Khawngaihzaula ten an tawiawm a ni. Crusade thawhkhatna hi September ni 23 Nilaini khan Patna aṭanga km 50 a hla Nadaul hmunah neih a ni a, a tuk ni 24 Ningani khan Patna hmunah neih a ni ve leh thung a ni. Hun engemaw chen atang khan Jeevan Nirman Missions Church a an hotupa Pastor Rousan Kumar leh Bihar Field a kan thawktu Pastor Romeo L Kipgen te chuan Pathian thuthlung sawihona te an nei thin a, Pastor Rousan Kumar te nupa hian Lalpa Isua hminga Baptisma an chan hnuah an din hmun te zir chiangin Missionary Pastor Romeo L Kipgen chu Patna ah ni engemaw zat a cham a. Jeevan Mirma Missions hnuaia member te hi Pathian thuthlungte zirtirin, Lalpa Isua hminga Baptisma chan belh thahnem tak an awm belh zel a, Jeevan Nirma Missions, Pastor Rousan Kumar –a enkawl kohhran palite chu Mizoram UPC ah lawm luh an ni ta a ni. Bihar State-ah hian BJP an hran tak zel avanga rawngbawlna a harsat chhoh laia, rawngbawlpui tur member thahnem tak Lalpan min pe zel hi Bihar Field-a kohhrante chu an lawm hle a ni.

General SS Dept.

General SS Dept. Executive Board chu September ni 22 Thawhlehni khan Committee Room General Headquarters Office-ah an thu khawm a, Chairman Upa Lalnuntluanga Sailo chuan kaihruaiin October ni 7 a General board an neih tur atana Agenda turte an ngaihtuah a, bial aṭanga agenda lutte an thlir ho bawk. Heng bakah hian Kum 2027 budget ruahman chu thlir hovin, SS in a tih chhuah lehkhabu man te an bithliah a, General SS Secretary Quarters leh Office chei ṭhat an rel bawk a ni.

General PYD

General PYD chuan September ni 26 Inrinni hian GENERAL BOARD MEETING Conference Hall, General Headquarters Office, Zonuamah a kova, Bial tin aṭangin President leh bial aiawh ruat bik member pakhat te chu board member an ni. PYD General Board-ah hian Bial PYD President aiawh a intirh theih dawn lo va, bial aiawh atana ruat pawh hi PYD member a ni ngei tur a ni.

North Mizoram Area

North Mizoram Area hruaitute chuan September ni 27 Pathianni hmang hian kum 2026 Area inkhawmpui hmanna tur Kanghmun kohhran an tlawh dawn a, Pathianni chhunah - Tk H. Lalawmpuia, Area Chairman in thuhril rawngbawlna a nei ang a, Pathianni zanah Pastor C. Lalramnghaka, Area Superintendent-in hun a hmang bawk ang.