United Pentecostal Church
of Mizoram

General Secretary Rev. C. Lalawmpuia chu October ni 2 Zirtawpni khan, Saikot Bial Seminar cum revival hmanpui turin a zin chhuak a. Thawhtanni hian Rengkai Bialah Preaching Point thar a hawng bawk ang. General Secretary hi October ni 6 Thawhlehni hian Aizawl a lo let leh dawn a ni.

Upa Lalzirliana, Chairman General Missions Dept chu Hnahthial Bial Missions Dept revival programme hmanpui turin October ni 2 Zirtawpni khan a zin chhuak a, Thawhtanni ah Aizawl a lo let leh ang.

Rev. Lalngaizuala Secretary, General SS Dept. chuan October ni 4 Pathianni chawhma leh zan hmang hian Sihhmui kohhran Sairang Bialah hun a hmang ang.

Rev. Thangliansanga, Principal ATI chu October ni 3 Inrinni zan aṭang hian Bawngkawn Bial Missions revival programme Bawngkawn kohhran biak in a neih turah speaker a ni dawn a. Pathianni zan thleng hian rawngbawlna a nei ang.

General PYD

PYD GENERAL BOARD tluang taka neih zawh a ni a.

Kum 2029 inkhawmpui Champhai Bial ah nghah a ni. September ni 26 Inrinni khan General PYD inkhawmpui hman loh kum a neih thin General Board ro rel inkhawm chu Conference Hall, GHQ, Zonuam-ah neih a ni a. He hunah hian rorel palai mi 112 an tel a, Mizoram UPC Puipa te leh General LAD hruaituten an telpui bawk a ni. PYD General Board chuan Kum 2029 atang chuan hun bi nghet neia inkhawmpui hman an rel a, a hun atan November Pathianni hmasa ber an ruat. Kum 2029 PYD General Inkhawmpui chu Champhai Bialah nghah niin, Kum 2031 ah Bairabi Bialin an thleng thung dawn a ni.

PYD General Board chuan Kum 2027 - 2028 General PYD kum puan thupui atan "I rawngbawlna kha hlen rawh" (ll Timothea 4 : 5) tih chu an pawm a, PYD General Inkhawmpui thlengtu puihna tih san an rel bawk. Kum 2027 PYD General Inkhawmpuiah Thlarau Thianghlim la chang lo leh Thlarauva siam thar ngaite puala vawikhat tal inkhawmna neihte, Kum 2027 ah Bial leh Tualchhung tinah Membership drive neihte, Mizoram UPC Website changtlung zawk a thuam chak tura hmalakte, Țhalaite zingah Print Media-in ngaih hlut a hlawh leh zual theih nan a hma lakte, Mizoram UPC General Headquarters Office- ah General PYD room tur sak nan a Budget ruahmante chu PYD General Board thu rel langsar zualte an ni a, Hyssop Recreation Centre pual atan Rs. 1Lakh Budget an dah bawk a ni.

Foreign Missions Board

Mizoram UPC Foreign Missions Board chu October ni 1, Ningani khan Committee Room General Headquarters Office-ah an thu khawm a. Puipa ten hoin, Chairman Tirhkoh Lalramchhuanga’n a kaihruai. Foreign Missions Board chuan Foreign Field-a hmalakna tur pawimawh tak tak an sawiho va. Chung zingah chuan Nepal Field-a biakin ram hungna tur leh Quarters tih changtlunna atan a sum sanction-te, Bangladesh field-a Rangamati Quarters sak mek chhunzawmna atana Rs. Nuai 3 leh Bangladesh Field Crusade buatsaihna tur sum pekte an rel a, heng bakah hian Kum 2027 Budget Draft thlir hovin, Bangladesh field atanga Ministerial License dilna an pawmpui bawk a ni.

HMARCHHAK AREA

Hmarchhak Area hruaitu te chuan kum 2026 Area Inkhawmpui an hmanna tur Sakawrdai Bial an tlawh.

Sep ni 26 & 27 Pathianni hmang khan Hmarchhak Area hruaitute, Chairman Upa Vanlaldinthara, Secretary Upa C. Laldinsanga leh Treasurer Pastor Lalawmpuia Darlawn bialtu te chuan Hmachhak Area inkhawmpui nghahna hmun Sakawrdai Bial an tlawh a. Inrinni zan ah Vaitin Kohhran ah inkhawmin, Pastor Lalawmpuia'n thuhril rawngbawlna a nei a, Pathianni ah Sakawrdai Headquarters kohhran ah inkhawm velehin Sunday Sikul Zirtirna leh thuhril rawngbawlna Upa C. Laldingsanga'n a nei bawk a ni. Pathianni zan ah Area inkhawmpui neihna hmun tur Hmarveng Biakin ah Area hruaitute hi inkhawm velehin, Chairman Upa Vanlaldinthara'n thu hril rawngbawlna a nei a ni.

Hmarchhak Area hruaitute hian Pathianni zingah Sakawrdai Bial hruaitute, Organising hruaitute leh Sakawrdai Bial chhunga Upa te nen inkhawmpui hmanna hmun tur en hovin, Pandal sak dan turte an sawihova, inkawmna hun tha tak an nei zui bawk a ni.