Rev. Andrew L. Singson Secretary, General Missions Dept. chu October ni 15 Ningani khan
Eastern India & N. Bengal Area Conference hmanpui turin a zin chhuak a, Conference hi Pathianni hmang hian PMS compound ah hman a ni ang.
General Missions Dept Secretary chuan a cham chhung hian PMS school Management Board meeting a telpui bawk dawn a, October 21, Nilaini hian Aizawla lo let leh ang.
Rev. Andrew L. Singson hi Upa Lalthlamuana, Treasurer General Missions Dept leh Tirhkoh Marshal Manghmingthang te chuan an tawiawm a ni.
Rev. Lalngaizuala Secretary, General SS Dept. chu Zirtawp zan atang hian Saikhamakawn Kohhran, Headquarters Bial-a Pathian chawimawina ah Speaker a ni a, Octpber ni 18 Pathianni zan thleng hian rawngbawlna a nei dawn a ni.
L&PB
Literature & Publication Board buatsaih Upa Rodingliana Nite chu October ni 15 Ningani zan khan General Headquarters Office Conference Hall-ah hlawhtling taka hman a ni.
Upa Rodingliana Nite hi hneh takin unaunu Lalrindiki, Bawngkawn West chuan a kaihruai a, Programme hlanna Rev. HC Lalthlamuana Chairman, L&PB chuan neiin, Upa Rodingliana chanchin Video a siam chu tihchhuah a ni a, chhungkaw lam atangin a fapa Upa Zairemmawia’n thu a sawi bawk a ni.
He hunah hian zaithiam unaunu Lalhmudiki, unaunu C. Lalruatsangi, Unaunu Rochanhlui leh Tirhkoh H. Lalrinawma te chuan Upa Rodingliana hla thiam takin an sa a, mipui lam atanga Hla an thlan chu sak ho thin a ni bawk a, Upa Rodingliana Nite hmang tura kal mipui an thahnem hle a ni.
EDUCATION BOARD
EDUCATION BOARD October ni 13 a thu khawm chuan Zirtirtu pakhat lak belh an rel.
Mizoram UPC Education Board chu an Chairman Upa Lalnuntluanga Chhangte kaihhruiana hnuaiah October ni 13 Thawhlehni khan General Headquarters Office General Secretary Room-ah an thu khawm a, kum 2027 Academic Session atanga BEREMS a thawk turin Zirtirtu pakhat lak an rel.
Education Board chuan zirtirtu lakna hi Written Exam leh Personal Interview hmanga lak an rel a, Exam hun atan November ni 12, 2026 chu an ruat a, dilna hi November ni 10, 2026 ai tlai lovah Board Secretary Upa Robert Lalramchuana hnenah thehluh tur a ni a, hna lakna hi General Headquarters Office, Zonuam-ah chawhma dar 10 atanga neih tur a ni.
Zirtirtu hna diltu chu kum 18-40 inkar, HSSLC a (Marks 50% hmu chin) emaw Graduate leh a chunglam, Diploma in Elementary Education (D.El.Ed), University emaw NCTE recognised atanga zir chhuak te tan dil theih a ni a, zuk leh hmuam a fihlim lo tan dil theih a ni lo.
Zawhfiah duh nei chuan Education Board hruaitute hnenah engtiklai pawhin zawh fiah theih reng a ni.
Thawhlehni a thu khawm Education Board chuan Dumzau a kohhran School Building sak mek chu a hmunah kal a enfiah an rel bawk a, BEREMS Building sak chhunzawm mek pawh a rang lama bawhzui zel tha an ti a ni.
Education Board thutkhawm hi Puipa General Superintendent Rev. Ngurthanpara Sailo leh General Treasurer Rev. Rokhuma ten an ho a ni.
Mizoram UPC enkawl School 4 awm mekin, Sihhmui Sairang, Dumzau, Naisingpara leh Khasnampara ah te School hi din a ni.
Bookroom Board
Mizoram UPC Bookroom Board chuan inkhawmpui lianahte Lehkhabu zawrh chhuah an rel a, kohhran mipui te Bookroom dawr uar turin a ngen.
Bookroom Board chuan kumin Area inkhawmpui, General LAD inkhawmpui leh General Assembly-ah te
Lekhabu man man zawk a zawrh chhuah an tum a, he hun hi remchanga hmang a, Kohhran mipui a tam thei ang berin Lehkhabu lei a, Book room dawr theuh turin min ngen a,
Mizoram UPC Book Room page Instagram chu Kohhran mipui ten ngaihlu a follow theuh turin min ngen bawk a ni.
Heng bakah hian kum 2027 Budget an ruahman a, General level Department leh Board ten lehkhabu an ti chhuahte Book Room kal tlang chauh a zawrh chhuah a nih theih nan, ro relna sangah rawtna thlen an rel bawk a ni.
ATI
Apostolic Theological Institute chuan October Ni 19 atang hian Third Terminal Examination an nei tan dawn a. Ni 29 Ningani ah Graduation Day an hmang ang.
