United Pentecostal Church
of Mizoram

October ni 16-18 Pathianni hmang khan PMS Campus, Mechuadhura North Bengal Field ah Eastern India Area Conference vawi 3 na hi hman a ni a, General Missions Dept hruaitute Secretary Rev. Andrew L. Singson, Upa Lalthlamuana Treasurer te chuan an hmanpui a ni. Eastern India Area Conference hi COVID 19 hripui lên hnuah mumal taka hman leh hmasak ber a ni a, kohhran hoten an hlutin palai kal an thahnem hle a ni. Eastern India Area chhunga Mission Field hrang hrang Kolkata Field, Bihar Field, Chhattisgarh Field, North Bengal Field, Sikkim Field, Jalpaiguri Field leh Siliguri atangin palai riak lut mi 225 bawr vel an awm a, Northeast India Area Lower Assam Field atangin hmanpuitu an awm bawk a, He conference-ah hian mi 500 dawn an kalkhawm a ni. Area Conference an hman chhung hian Area Workers Seminar Oct ni 17 Inrinni khan an nei bawk a, rawngbawlna kawnga hriat tur pawimawh hrang hrang Hindi leh English in Rev Andrew L Singson chuan zirtirna a pe a, thawk tuten an hlawkpui hle a ni. Eastern India Area Conference-ah hian Ministerial License diltu Unaupa Daniel Lama, Sikkim Field chuan Exam hmachhawnin, Area Board hmaah Personal interview a nei a. General Mission Dept. Executive Board ah recommend an rel a, Pentecost Mission School hmasawn zelna turte an sawiho bawk a ni. Conference-ah hian kum thum chhung Oneness Zirtirna lo zirchiang tawh Trinitarian Pastor Binod Kumar Gurung te nupa chuan Lalpa Isua hmingin Rev. Andrew L Singson-a kutah Baptisma an chang a, Siliguri a rawng bawlna zau zawk a awm theih rinna a lian hle a ni.