United Pentecostal Church
of Mizoram

Mizoram UPC Tanpuitu Hmeichhe Pawl inkhawmpui lian, kum khat dana neih thin chu Zirtawpni zan (23rd October) atang khan Lunglei Farm Veng UPC Mutipurpose Centre-ah hman tan a ni.

Inkhawmpui vawi 29-na hi unaunu C. Renghlupuii, President General LAD chuan a kaihruai a, palai lawmna leh inkhawmpui hlanna Rev. Lalruatfela, Lunglei South Bialtu chuan a nei a, inkhawmpui tan zan hian unaunu Remlalthari Bawngkawn hnen atangin Pathian thu ngaihthlak a ni a, Buhfaitham lawmman sem a ni bawk a ni.

Vawiin nilengin President C. Renghlupuii kaihhruaina hnuaiah ro rel inkhawm neih a ni a, kum 2027 LAD General Board chu Bazar Bial Armed Veng South kohhranah nghah a ni.

Inkhawmpui ro rel langsar zualte:

1. Cancer Hospital Zemabawk a General LAD hminga Rs. 50,000/- a luan chhuah.

2. Hyssop Recreation Centre (Ruihhlo ngai enkawlna hmun) dinna atana Budget-ah Rs. 1 Lakh (Nuai khat) dah leh member tinah Rs. 50 khawn.

3. Mission Field-a Biak In sakna atan LAD Day Ip atanga sum lut hman.

4. Chhungkaw Maicham Bu thar buatsaih.

5. Zuk leh hmuama fihlimna kawngah nasa zawk a hmalak.

6. Inkhawmpui thlengtu puih nana member tinah Rs.50 kumtin khawn.

7. Project 2030 (Crusade & Evangelism) puala Rs.50 member tinah Kum 2027 chhunga khawn.

8. Ruihhlo ngaite puala Ram pum huap Tawngtaina thla khatah vawi khat tal neih.

9. General hruaitute hi bial leh tualchhunga OB lo ni tawhte chauh ruat ni tawh rawh se. (2/3 Majority a phar thluk a ni) General Assembly-ah thlen tur.

10. Kum 2027 Budget Rs. 4,750,000/-

Inrinni zan atang hian Revival inkhawm hman chhunzawm a ni ang a, kohhran YouTube channel Pentecost Media-ah Live a pek chhuah thin niin, General LAD inkhawmpui hi Pathianni zan hian a tiak ang.