OFFICE OF THE UNITED PENTECOSTAL CHURCH OF MIZORAM GENERAL SUNDAY SCHOOL DEPARTMENT GENERAL HEADQUARTERS, AIZAWL.
KUM 2020 SUNDAY SCHOOL DAY THUCHAH
Aw le, vawiin ni ropui leh lawmawm tak min hruai thlengtu Lalpa Isua hming thianghlim chu fakin awm rawh se. Sunday School Day hmangtute zawng zawng General Sunday School Department chuan chibai a buk che uin, duhsakna sang ber a hlan a che u. Vawiin hi Sunday School Day a nih ang takin Mizoram UPC chuan Pathian thutak inzirtirna kawngah hlawk taka kan hman theih nan, he ni hi urhsun taka hmang \heuh turin min duh a, programme pawh uluk taka duang a, hlawk taka hmang \heuh turin duhsakna min hlan a ni.
1. Day thawhlawm: Vawiina thawhlawm hi General-a thleng turin a bik taka ruahmanna siam a niin, budget head hrana siam a ni a, \hahnem a ngaihawm hle mai. Chumi kan beiseina tih hlawhtlin a nih theih nan, Day thawhlawmah \hahnemngai \heuh turin kan rawn ngen tak meuh meuh che u a ni.
2. Sunday School lo din chhuah dan:
1) Khawvelah: A din kum - Kum 1735 July. A dintu - Robert Raikes-a. Zirtirtu hmasa ber - Pi Merredith-i SS Hall hmasa ber - Pi King-i inah an zir \hin.
2) India ramah: A din kum - Kum 1876. President hmasa ber - Ralla Ram Secretary hmasa ber - VM Koshy
3) Mizoramah: A din kum - Kum 1898 A dintu - Zosaphluia (Rev. D.E. Jones-a)
4) UPC Kohhranah: A din kum - Kum 1950 Superintendent hmasa ber - Rev. Saizinga (thla khatah Rs.30/- a hlawh \hin)
3. Sunday School thil tum te
1) Pathian thua ringtute chawm puitlin.
2) Isua hnena mite hruai zel
3) Rawng bawl tura mite chher chhuah
4) Mi dangte hnena chanchin \ha puan darh.
5) Pathian thu hmanga kristian zirtirna pek chhuah.
4. Sunday School pawimawhna:
1) Zirtirna dik lo laka kohhrante humhimtu a ni.
2) Rawng bawl tura mite chher chhuaktu ber a ni.
3) Kristian nun sawizawina a ni.
4) Kohhran inpumkhatna hmanraw \ha tak a ni.
5) Kohhran tan thlarau lam chaw buatsaihtu a ni.
5. Hming ziak tura ngenna: Sunday School hi mi nawlpuiin Pathian thu kan zir tlan theihna Bible Sikul a ni tih hriaa hming ziak vek turin kan inchah tak meuh a ni.
6. Correspondence: Bial leh General lamte nena indawr tawnna (correspondence)hi ngaih pawimawh \heuh ni se. Ziak, Phone call, Whatsapp, Facebook leh Internet hmanraw hrang hrangte hmang lo chuan thawh honain hma a sawn thei tak tak lo va. Chu vang chuan heng hmanruate hmanga inzawh fiah chi emaw, chhanna emaw, hriattirna ang chi eng pawh hmang \angkai \heuh turin kan inngen a ni.
7. Hruaitu ruat chungchang: Kum hnih danah hruaitu inthlak \hin kan ni a. Bial leh tualchhung Sunday School hruaitu leh zirtirtu kan inruat dawn reng rengin hei hi hre reng ila kan duh a ni: Sunday School-a hruaitu leh mawh phurtute hi Department dang zawng zawng hruaitu ruat zawh hnuah ruat ngawt \hin lovin, Sunday School hian kan ngaihtuahna lai lum luah se, mi fel leh kohhran hmangaih tak takte kan ruat thin theih nan kan ngaihtuahna luah hmasatu te pawh ni \hin se kan ti a ni. Zirtirtu pawh kohhranin kalphung kan neih ang chite zawm mi ngei ni thei se, Pathian thuthlung leh a thu thianghlim zirtirtu tur leh, zirlaite entawn tura an hmaa chhawp chhuah tur an nih avangin, kohhran dan leh hrai zawm thei lo mi chu zirtirtu atan an tling lo a ni tih kan hriat tlan \heuh a pawimawh a ni. Chuvangin, Sunday School zirtirtu atan pawh kohhrana mi ngelnghet, thuthlunga chhum hmin, kohhranin dan leh hrai a neihte \ha taka zawm mi kan indah hram hram \hin kan duh tak zet a ni.
A tawp berah chuan, vawiina Sunday School hi naktuka kan kohhran tur a ni tih hriain, theih tawp chhuah \heuh ila; chhandamna kawng min kawh hmuh a, ringtu nun puitlinga min siamtu Sunday School Department kan nei hi lawm ila; chawi nung zel turin kan theihna zawn \heuhvah theih tawp i chhuah sauh sauh ang u. Lalpa’n tam takin mal sawm che u rawh se.
General Sunday School Department Mizoram UPC
