Rev C.Ramsangvawra Secretary, General SS Department chu ni 12 Pathianni hian Headquarters Kohhranah Sunday School Day a hmanpui dawn a, Pathianni zanah thuhril rawngbawlna a nei ang.
Mizoram UPC General Headquarters Office chu January ni 7 khan
kumin 2020 atan hawn a ni.
Mizoram UPC Office hawn ni hian kum 2020-2021 chhung atana hruaitu tharte hnena charge hlanna inkhawm neih nghal a ni a, he Programme hi chawhma dar 11 khan Conference Hall, General Headquarters Office-ah neih a ni.
Inkhawm hi Upa Andrew Laldingliana, Executive Chairman chuan a kaihruai a, Rev C.Ramsangvawra Secretary, General SS Department chuan hunserh hmangin, Rev Vanlalsipaia, General Superintendent kalchhuak turin thusawina hun a nei bawk.
Rev H.Lalrawnkiman Charge inhlanna hi kaihruaiin, Puipa kalchhuak tur leh thlan thar ten charge an inhlan a, Mizoram UPC General Superintendent thar Rev C.Lalremsanga chuan General Superintendent kal chhuak tur Rev Vanlalsipaia hnen atangin charge a la a ni.
Rev Hc.Lalthlamuana chuan General Secretary kalchhuak tur Rev H.Lalrawnkima hnen atangin charge a la a, Southern Zone Area Secretary kal chhuak tur Rev V.Rothuamluaia’n, Secretary thar Rev Dr.Ngurthanpara Sailo hnenah charge a hlan bawk.
Heng bakah hian General Missions Department, Literature & Publication Board leh Media & Publicity Board hruaitu thlan tharten hruaitu hluite hnen atangin charge an la bawk a ni.
He inkhawm hi Rev C.Lalremsanga, Mizoram UPC General Superintendent thar chuan tawngtai nain a ti tawp a ni.
LUNGPHO BIAL
Lungpho Kohhran kum 50 a tling ta.
Lungpho kohhran chuan December ni 20, 2019 khan Kohhran kum 50 tlin lawmna an nei a, Jubilee lung phun hawnna neiin, he Golden Jubilee inkhawm hi December ni 20 Zirtawpni zan atang khan hman tan a ni.
Jubilee Lung phun hi Rev.Chalhuaian December ni 21 Inrinni khan a hawng a, revival inkhawm an nei chhunzawm nghal a, ni 22 Pathianni thleng hman chhunzawm ani.
Lungpho Bial chhunga Ngentiang kohhran ah Upa Remlalawia te chhungkua chuan December ni 28 2019 khan Pathian chawimawina an nei bawk a, Pastor Vanlalruata Lungpho Bialtu chu Speaker-ah hman a ni.
Hmunzawl Kohhranah pawh kum hlui December ni 30 Thawhtanni khan unaupa Lalzela te chhungkua chuan Pathian chawimawina an nei bawk a, Bialtu Pastor chuan thuhril rawngbawlna a nei bawk.
Hmunzawl kohhranah vek hian January ni 4 Inrinni khan unaunu Thangzuali te chhungkua chuan Pathian chawimawina an nei bawk a, Pastor Vanlalruata, Lungpho Bialtu chu Speaker-ah hman chhunzawm a ni.
Khawbung bial
December ni 30, 2019 khan Khawbung bial Committee chu Dungtlang Kohhran Sunday School Hall-ah an thukhawm a,
Khawbung Bial chhungah a tulna hmun apianga rawngbawl tur Tirhkoh rawih chhunzawm zel nise tih leh Pastor Quarters thawm thatte chu thurel langsar zualte an ni a, meeting-ah hian General Budget Khawbung Bial in an neihte, Tualchhung tinah semdarh a ni bawk.
Kum 2020 Tuichangral District inkhawmpui, Khawbung Bial hian an thleng dawn a, Dungtlang Kohhranah nghah a ni ang.
December ni 31, 2019 Thawhlehni khan Dungtlang LAD te chuan kum 2019 Budget lakkhawmna leh intihhlimna hun Naupang sunday school hall-ah an hmang.
Dungtlang LAD member te hi Group 5 ah inthenin, he mi ni hian mi 50 chuang an kalkhawm a, Recitation, Solo, Bible thu leh Thuthlung hla hmangin intihsiakna an nei a ni.
Heng bakah hian Group leh mimal atangin special item thahnem tak thlirho a ni a, kalkhawmten tlai lamah zan riah an kilho bawk.
Kum 2020 Budget atan Rs 24,000 chu lungrual takin an pawm a ni.
Jiri Bial
Jiri Phaitol kohhranah January Ni 2 khan Baptisma rawngbawlna neih a ni a, mi parukin sual ngaihdamna tui baptisma an chang a ni.
He rawngbawlna kaltlang hian unau naupang pahnih, natna in a tihbuai mekte chuan damna an chang bawk.
Phaitol kohhranah kumhlui ni 31 khan unaupa Heltinlal te chhungkua chuan Pathian chawimawina an nei a, kumthar ni 2 Ningani khan kohhran chairman Up.Jhangkholen te chhungkua chuan Pathian hnena lawmthu sawina an nei bawk a ni.
He chawimawina kaltlang hian baptisma khur hawn niin, rawngbawlna hi neih ani.
Jiri bial chhungah hian kohhran pariat, 1.Phaitol 2.Phaijol 3.Sezang 4.Mawngbung 5.Zoar 6.Bethel 7.Kaimai leh 8.Maukot te an awm a, heng Kohhran pariat te hian Krismas hlim tak a hmangin, ruai vawi 2 theuh an theh a ni.
Kumthar lawmna pawh hlim tak a hmangin, ruai vawi nga lai thehte an awm bawk.
NIAWHTLANG BIAL
Niawhtlang kohhrante chuan T.Upa N.tinsanga te chenna in ah Krismas an hmang a,
hunpui hi Bialtu Pastor C.Lalhmingsangan hmanpuiin, thuhril rawngbawlna a nei a ni.
Lungzarhtum kohhran te chuan Upa Hmingdailova te chenna in ah an hmang thung a, kohhran hote tan ruai an buatsaih a ni.
Niawhtlang III (10KM) Kohhran te chuan Krismas hlim takin an hmang a, Upa Hc.Hmingsanga Bial Chairman chuan telpuiin, thuhril rawngbawlna a nei a ni.
Kum hlui December ni 28-30 chhung khan Niawhtlang kohhrante chuan Pu Lengkara In tur sa in an hnatlang a, a chak tur Ramhnuai ah thing leh hmanrua te dap khawmin In hi sak a ni.
He in sak nan hian Tha 92 sen niin, mi tlawmngai ten pawisa fai thahnemtak, hnatlang thingpui lum na tur an thawhkhawm bawk a ni.
Zemabawk Bial
Zemabawk Bial a Falkland Preaching station chu December Ni 31 khan Kohhranpuiah hlan kai ani a, Kohhran Committee leh LAD hruaitu turte ruat nghal an ni.
Chairman: Upa PC Lalnuntluanga
Secretary: T.Upa Hudson L Hmar
Treasurer: Upa J Lalramzaua te chu Falkland kohhran hruaitu thar a atan thlan an ni a,
Missions Department hruaitu atan
Chairman: Tk Lalnunthara
Secretary: Lalrinsanga
Treasurer: Lalbiakzuali
Fin Secy: Lalrinnungi te chu ruat an ni a,
LAD hruaitu atan
President: Lalrinmawii
V.President: Laltanpuii
Secretary: Zoramthari
Asst Sect: Lalruati
Treasurer: Laltleipuii
leh Fin.Secy: Lalengpuii te chu ruat an ni bawk.
PYD hruaitute ruat an ni bawk a
President : Samuel Lalrinkima
V.President: Lalchhuanmawia Sailo
Secretary : Lalliankhuma
Asst Secy: Helen Lalramsiami
Treasurer : Rodingpuii
Fin Secy: Lalruatkimi te chu ruat an ni.
Falkland Kohhran Sunday School Department hruaitute hetiang hian ruat an ni bawk,
Superintendent: Upa J Lalramzaua
Secretary: Lalnunmawii
Treasurer: Tk Lalnunthara
Falkland Preaching Station hi Zemabawk Bialtu Rev Rokhuma chuan Kohhranpuiah a hlangkai a ni.
CHURACHANDPUR BIAL
Rengkai Kohhran, Churachandpur Bial ah December ni 30 Thawhtanni khan,
Unaupa Lalruotlien Zote, te Chhungkua chuan
Pathian Chawimawina an nei a,
Pastor K. Lalhmingsangzuala Bialtu Pastor chuan thuhril rawngbawlna a nei a ni.
Zan inkhawmah Pastor Lalnunzama, Saikawt Bialtu Pastor chuan hun a hmang thung a ni.
He chawimawina naah hian, Imphal bial, Saikawt Bial leh Churachandpur Bial atangin kohhran mi thanemtak an kalkhawm a ni.
N.Vanlaiphai Bial
N.Vanlaiphai Bial chhung a Kohhran hrang hrang te chuan hlim takin Krismas leh kumthar an hmang.
N.Vanlaiphai kohhrante Pastor Hv.Lalzuithanga’n Krismass hmanpuii, thuhril rawngbawlna a nei a, kohhran hoten hlim takin hun an hmang a ni.
Kumhlui December ni 27 khan Unaupa J.Hmingthangzuala te chhungkua chuan Pathian chawimawina an nei a, Pastor Hv.Lalzuithanga’n rawngbawlna neih chhunzawmin, Kumthar pawh hlim takin Kohhran hoten an hmang a ni.
Khawlailung Dinthar Kohhran te pawh Krismass leh kumthar lawmna Unaupa Thartea Tualbung chuan hmanpuiin, kohhran hote an hlim hle a, thlarau malsawmna tam tak an dawng bawk.
Chawngtui 's' Kohhran ah pawh Krismass leh kumthar hlim takin an hmang a, unaunu Ramtharnghaki Leilet chuan a hmanpui a ni.
KOLASIB VENGLAI BIAL
Kolasib Venglai kohhran te chuan Krismas niah Chhangban ruai siamin a tuk-ah sa ruai an buatsaih thung a ni.
Venglai kohhran te hian zanlai inkhawmah, member thi tate pualin hun an hmang a, kohhran a boral mi pangate sunna hun an hmang a ni.
January Ni 11 Inrinni hian, Unaunu Lalnunzami te chhungkua Venglai kohhran a lawite chuan Pathian hnen a lawmthu sawina an nei dawn a, Rev.Thangliansanga chu Speaker-ah hman a ni ang.
Tumpui kohhrante chuan Krismas pualin zantin Biakinah tawngtaina an nei thin a, Pathian malsawmna nasa tak dawngin Krismas hlim takin an hmang a, thlarau thianghlim dawng thar mi engemawzat an awm a ni. Tumpui kohhrante hian Chhangban ruai nen Krismas an hmang a, a tukah sa ruai an kilho bawk.
December Ni 30 khan Upa Rualthankhuma te chhungkua chuan Tumpui kohhranah Pathian Chawimawina an nei a, Rev V.Rothuamluaia Area Secretary, Southern Zone chuan thuhril rawngbawlna a nei a ni.
Kumhlui thlah zan ah kohhran hoten hlimtakin inkhawmna an nei a, kumthar ni ah Bialtu Pastor Rev P.Lalrinawma’n hmanpuiin, kumthar lawmna ruai an kilho a ni.
Tumpui kohhranah hian Ni 4 (Inrinni) khan Upa Laltanpuia te chhungkua chuan Pathian chawimawina an nei a, Rev Saienga Sailo, Khawzawl Vengthar bialtu chu Speaker-ah hman a ni.
Mamit Bial
January ni 2 zan khan Mamit Bial Damdiai ah Member thar chhungkawhnih mi sawm awmna chu kohhran dang atangin lawmluh an ni a, inkhawm banah Mi 11 te hian Sual ngaihdamna Baptisma an chang nghal a ni.
Damdiai kohhrante hi Unaupa HL Remruatpuia, Mamit, Lalthlengliana Kolasib leh Vanlalpeka Bilkhawthlir te chuan Krismas leh Kumthar an hmanpui a, Unaunu Lalramnunmawii leh Lalramhlui Mamit Headquarters-te chuan Kumthar ni an hmanpui bawk.
Hnahthial Bial
Hnahthial Bial chhung a kohhran hrang hrangte chuan christmas leh kumthar lawmna tluang takin an hmang a,
Electric veng Kohhranhte Tirkhoh Sawmtea Hnahlan khua chuan hmanpuiin, a rawngbawlna kal zelah, December ni 29 Pathianni khan mithar pathum kohhran dang atangin Bialtu Pastor Rualthanmawia’n Mizoram UPC ah a lawmlut a ni.
Kum thar lawmna pawh tluang tak a neiin, ni 2 khan ruai nen a nawn a ni a, January ni 4 Inrinni khan kohhran a mi inphalte kaltlangin Pathian chawimawina Electric Veng Kohhranah hian a awm bawk a ni.
Chanmari kohhran te pawhin hlim takin christmas leh kum thar an hmang a, Kum thar hi ni 3 Zirtawpni thleng khan ruai nen a lawmna hun an hmang a ni.
Thiltlang kohhrante Bialtu Pastor Rualthanmawia’n Krismas a hmanpui a, kohhran hote an lawm hle a, Pangzawl kohhrante pawhin christmas leh kumthar lawmna, ruai nen hlim takin an hmang bawk.
Kawnpui Bial
Ni 4 Inrinni zan khan Kawnpui Venglaiah Kohhranah member thar lawmluh an ni.
Member lawmluhte hi mi pathum an ni a, kohhran dang niin bialtu Pastor in Mizoram UPC ah a lawmlut a ni.
Siaha Bial
SIAHA BIAL CHHUNGHAH PAWH CHRISMAS LEH KUMTHAR LAWMNA TLUANG TAK A HMAN ZAWH A NI.
New Siaha Kohhrante chuan Krismas lawmna ruai vawihnih thehin, kohhran hoten hlim takin zaikhawmna hun an hmang thin a ni.
Kum thar lawmna pawh tluang tak a hmangin, Bialtu Pastor HC Lalthlamuana chu Speaker-ah hman a ni a, thuhril rawngbawlna a nei a ni.
Kum thar lawmna kal zelah hian, Upa.C Lalropuia te chhungkua bul tumin mithahnemngaite nen kohhran te tan ruai buatsaih a ni a, Tk.Lalnunthara Thuampui chu Speaker-ah hmangin, rawngbawlna nung tak a nei a ni.
Hlimna kal zelah Adulam Ministry kal tlangin Pathian chawimawina nei turin Kohhran hote an inbuatsaih mek bawk.
New Siaha East II Preaching point-ah pawh Krismas hlim takin an hmang a, nausen piang lawmna ni hnih chhung ruai nen an hmang a ni. Bialtu Pastor te nupa chuan Krismas an hmanpui bawk a, kohhran hote an lawm hle a ni.
Kumthar lawmna pawh ni hnih ruai siamin hlim takin an hmang bawk. New Siaha preaching point hi Tk.Lalnuntharan a thutchilh mek a ni.
Thiahra Kohhran te chuan Krismas chu T.Upa V Lalramthara te chhenna in ah an hmang a, Krismas ni hian sa ruai buatsaih niin, ni 26 ah inkhawmna an neih chhunzawm a, kohhran hoten chhang ruai an kilho bawk.
Kum 2020 Krismas chu Upa.Beichhua ten Sadar la in an thleng thung ang.
Thiahra kohhrante chuan Kumthar lawmna ni hnih ruai nen an hmang a, Unaupa Chingkiman hman puiin, kohhran hote an hlim hle a ni.
Phura kohhranah pawh Krismas ni, sa ruai nen hman a ni a, Kum 2020 Krismas lo awm tur chu Unaupa Huapzau te chhungkuain Sadar la in an thleng dawn a ni.
Kumthar lawmna pawh ruai nen hlim takin an hmang a, Tk.Laldingheta N.Vanlaiphai chuan Krisma leh kumthar a hmanpui bawk.
Phura kohhran hi Tk.Lalthansangan a thut chilh mek a ni.
KHAWZAWL VENGPUI BIAL
Khawzawl vengpui Bial kohhran hrang hrang te chuan Kristmas leh Kumthar lawmna hun hlim tlang takin an hmang a, Tualpui Kohhranin Biak In thar luah lutin, Bialtu Pastor .J. Zothansanga'n a hmanpui a, Kumthar lawmna a hmanpui nghal bawk.
Ni 4 Inrinni khan Angela Lallawmkimi d/o Upa Buankhuma (Bka) Ramhlun south chuan Pathian chawimawinan, Vengpui Kohhranah hian ruai a buatsaih a, Pastor Lazuithanga N. Vanlaiphai bialtu chu Speaker-ah hmangin, thuhril rawngbawlna a nei a ni.
Speaker hi N.Vanlaiphai bial atangin thalai mi 11 ten an tawiawm bawk.
Bial chhung leh bial pawn atangin mi eng emaw zat chawimawina hmang tur hian an kalkhawm a, kohhran hoten hlawk takin hun an hmang a ni.
Angela Lallawmkimi D/o Upa Buankhuma (Bka) Ramhlun south hian Khawzawl Vengpui kohhranah Kristmas leh Kumthar hmangin, Pathian Chawimawina neih hi tul a tih avangin chawimawina inkhawm hi buatsaih a ni.
SAIRANG BIAL
Sairang Bial chhung kohhran te chuan Christmas leh Kumthar hlim takin an hmang a, ruai vawi hnih theh tlangpuiin, W. Serzawl kohhran te chuan kumthar lawmna ruai vawithum an theh bawk.
January Ni 4 Inrinnni khan Sairang kohhranah Unuanu Sappari Gen LAD Executive Board Member-te chhungkua chuan Pathian hnena lawmthusawina an nei a, Tirhkoh CH. Lalhmingmuana chu Speaker-ah hmangin thuhril rawngbawlna a nei a ni.
He chawimawina kal zelah member thar pahnih kohhran dang atangin lawmluh an ni a, Tirhkoh C. Malsawmsanga Bial Chairman chuan sual ngaihdamna tui baptisma a chantir nghal a ni.
Bialtu Pastor C. Lalrosiama'n nau hlan rawngbawlna neiin, nau pahnih Pathian hnenah a hlan bawk.
Ni 4 Inrinni zan inkhawmah Tirhkoh Lalrindika NEC a awm mek thlahna leh Tirhkoh Liansanglura rawngbawl chhunzawm tur a lakluhna inkhawm bial huap a hman a ni bawk a ni.
Ni 5 Pathianni khan Sihhmui preaching point-ah mi thar 11 lawmluh an ni a, August 2019 atang khan Tirhkoh Lalropuia chu rawngbawl turin dah a ni a, a rawngbawlna kal zelah kohhran dang atangin mitharte hi lawmluh an ni.
Tihian Pathian malsawmna zarah mi 17 lawmluh an ni tawh a ni.
Dilkawn bial
Dilkawn Kohhranah Unaunu Zonunthari chuan December ni 21, kum 2019 khan Pathian chawimawina a nei a, Speaker ah Upa Pc. Lalrempuia Sialhawk chu hman a ni.
Krismas tuk Ni 26 khan Pastor Lalhmachhuana te chhungkua chuan krismas nawn nan lawmthusawina ruai an buatsaih bawk a, Upa Pc. Lalrempuia Sialhawk chuan rawngbawlna a neih chhunzawm a ni.
Upa Pc. Lalrempuia hian krismas leh kumthar Dilkawn Kohhrante a hmanpui a, a rawngbawlna aṭang hian ruihhlo a tang mekte chhanchhuah an ni a, kum 10 chuang Pathian Biak In thleng tawh lo pawhin Biakbuk a thleng leh ta a ni.
Speaker rawngbawlna kal zelah January ni 5 Pathianni chawhma inkhawmah, mithar pakhat lawmluh a ni a, Upa H. Laldawngzuala kohhran Chairman chuan Mizoram UPC ah lawmlutin, inkhawm banah Tk. Hmingthanzuala'n Lalpa Isua hmingin Baptisma a chantir bawk.
Khawzawl Vengthar Bial
Khawzawl Vengthar bial chhungah Krismas leh Kumthar lawmna tluang tak leh hlim tak a hman a ni.
Neihdawn kohhrante chuan Krismas ah Ruai vawihnih thehin, kumthar lawmna ruai vawithum an theh bawk.
Dinthar kohhrante pawhin hlim takin hun an hmang a, Bialtu Pastor Rev.Saienga Sailo chuan mi pahnih sual ngaihdamna tui baptisma a chantir a ni.
Krismas ah ruai vawithum an theh a, kumthar lawmna ruai vawikhat kohhran hoten an theh bawk.
Bial PYD hruaitute chuan kum hlui December Ni 28-29 chhung khan Tualte PYD tlawhin hun an hmang a, kum 2019 chhungin Bial chhung an tlawhchhuak hman a ni.
Bial PYD Silver Jubilee lawmna tur atana budget ruahmante chu an siamrem nghal a ni.
Khawzawl Vengthat Bial chhung kohhran hrang hrangah Kum 2019 S.S kaikim leh Exam lawmman sem fel a ni tawh a, Kohhran thenkhatten chawhnu kaikim lawmman an sem tawh bawk.
Thuthlung lam hawi, lang Camp leh Zirtirtu te pual a Practical Training nei turin Bial chhung a Kohhrante an inbuatsaih mek bawk a ni.
SAKAWRDAI BIAL
Sakawrdai Bial chhungah Kum 2019 Christmass leh kum 2020 Kumthar lawmna Bialtu Pastor Lalhmangaihawma'n Bial chhung kohhran hrang hrang te a hmanpui a, kohhran te an lawm hle a ni.
Ni 4 Inrinni Khan Zohmun (Kawnzar) kohhranah Upa Lalringliana te chhungkua chuan Pathian Chawimawina an nei a, Bialtu Pastor Lalhmangaihawma chu Speaker-ah hman a ni.
Speaker rawngbawlna kaltlang hian mithar pakhat kohhran dang atangin lawmluh a ni bawk.
Mauchar atangin chawimawina hmang tur hian mi thahnemtak an kal a, Unaupa Lalzedinga Mauchar chuan Bialtu Pastor rawngbawlna a tawiawm bawk a ni.
RUANTLANG BIAL
Ruantlang Bial chhung a Kohhran hrang hrangte chuan Krismas leh kumthar hlim takin an hmang a,
Zokhawthar kohhran ah member thar mi 4 chhungkaw 1 chu lawm luh an ni bawk.
Melbuk kohhranah kum thar ni 2 khan Unaupa Lalremtluanga te chhungkua chuan Pathian chawimawina an nei a, Sr. Upa. Vanlalvena chu speaker-ah hmangin thuhril rawngbawlna a nei a ni.
Ruantlang kohhranah hian Upa. C. Rohmingthanga te chhungkua chuan Camping buatsaih nan ₹60,000 an pe a, December ni 16 kum 2019 khan camping buatsaih nghal a ni a, Pastor. J. Zothansanga Khawzawl Vengpui bialtu chu speaker-ah hman a ni a.
December ni 21 khan Upa. C. Rohmingthangate chhungkua chuan Pathian chawimawina nei lehin, he he chawimawina kaltlang hian mithar pathum Kohhran dang atangin lawmluh an ni a, Baptisma rawngbawlna buatsaih niin, mi 10 ten tui baptisma an chang bawk.
January ni 4 khan Upa. C. Thanngurate chhungkua chuan Pathian chawimawina an nei bawk a, ni 6 Thawhtanni khan kohhran hoten kuang awmin zaihona an nei a ni.
Upa BS Mawiate chhungkua Ruantlang chuan kum thar thilpek atan an ram ṭin khat hmun chu Missions Deptt pual atan Kohhranah an pe bawk a ni.
Ruantlang PYD te chuan January ni 3 (Zirtawpni) khan kum thar thutkhawm an nei a,
February ni 21 a Golden Jubilee an lawm tur pual a Jubilee Building sakte,
Jubilee pual a Music Video siam te chu an thurel langsar zualte a ni a, kum 2020 budget atan cheng nuaihnih singkhat sangthum zali (₹2,13,400) chu an pawm a ni.
PYD inkhawm kim zan chu January ni 6 Thawhtanni zan khan an nei a, member 64 chuang an kalkhawm a ni.
Bukpui Bial
Bukpui Bial chuan January ni 6 khan Bialtu Pastor W.Amenthanga thlahna hun Bial huapin an nei a, hemi ni hian Pastor W.Amenthanga te chhungkua chuan Pathian hnenah lawmthu sawina neiin, Bial chhung mipui thahnemtak an kalkhawm a ni.
Inkhawm banah Baptisma rawngbawlna neih a ni a, mi pakhatin sual ngaihdamna baptisma a chang ani.
Thingfal Bial
Thingfal Kohhranah January ni 3 khan Tk.K.Lallawmkima te chhungkua chuan lawmthu sawina an nei a, Pastor F.Lalthakima Bialtu chuan thuhril rawngbawlna a nei a, kohhran hoten hlim takin hun an hmang a ni.
CHALTLANG BIAL
Chaltlang Bial chhunga tualchhung hrang hrang 5 (panga) te chuan Krismas leh Kum thar hlim takin an hmang a, Speaker bik ruai lovin tualchhunga rawngbawltu ten hun an hmang thin a ni. Zaikhawm pawh an tui thin hle a, Krismas leh kum thar lawmna hi nihnih chhung hun an hmang a ni.
Ramhlun Sports Complex LAD leh Chaltlang LAD te chuan Krismas present atan an tualchhunga kum 70 chin chunglamte thilpek tha tak an hlan bawk.
Krismas leh kum thar hman zawh takah Ramhlun Sports Complex kohhran ah chuan hlimna boruak thar thlengin January ni 5, Pathianni zan thleng khan an zaikhawm a, zaikhawm an thahnem thin hle a ni.
Hlimna kal zelah January ni 11, Inrinni hian Unaupa K. Khawlliana h/o Unaunu Lalronungi te chhungkua chuan ran talhin Pathian chawimawina an nei dawn a, Upa David Lalpartlana chu Speaker ah hman a ni ang.
January ni 12, Pathianni zan hian Bialtu Pastor kalchhuak tur Rev. C. Lalremsanga chu Bial huapa thlahna hun Chaltlang Biak Inah an hmang dawn a, January ni 15, Nilai zanah Chaltlang Bialtu Pastor thar tur, Rev. B. Kapmawia lawmluhna hun Chaltlang Biak Inah bawk hman leh a ni ang.
January ni 12 a Sunday School Day lo thleng tur chu Bial chhunga tualchhung hrang hrang ten urhsun takin an hmang dawn a, Day thuchah chhiarchhuahna te neiin Thingpui ruai nen lawm an tum a ni.
January ni 6, Thawhtanni zan khan Pastor Quarters ah Chaltlang Bial chuan sum audit an nei a, He hunah hian Upa R. Lalropuia, Senior Auditor leh Upa RD.Rothanzauva, Junior Auditor te chuan audit hna thawkin, Bial sum chi hrang hrangte uluk taka endikna neiin sum leh pai enkawltu ten account felfai taka an vawn avangin Bial hruaitute an lawm hle a ni.
Chaltlang Bial chhunga Ramhlun Vengthar Kohhran chu kum 2019 General Assembly Vawi 25 na, rorel no. 7 na angin, 'Ramhlun Sports Complex Kohhran' ti a thlak a ni bawk.
Ramhlun Sports Complex Kohhran ti a lam tawh tur a ni ang.
KAWRTHAH BIAL
Kawrthah bial chhung ah Christmas leh kumthar thlarau boruak nuam tak hnuai ah hlim taka hman a ni a, W.Bunghmun, Kawrtethawveng, Tuidam leh Kawrthah kohhrante chuan Krismas ni leh a tukah ruai an theh a, Ni 1 (kumthar) ni chu ruai nen a lawmna hun an hmang bawk.
Kawrthah kohhrante Rev Dr Ngurthanpara Sailo chuan Kumthar a hmanpui a, Ni 4 (Inrinni) khan unaupa Lallenmawia te chhungkua chhuan Pathian chawimawina neiin, Rev Dr Ngurthanpara Sailo chu Speaker ah hman a ni.
Kawrthah Kohhran Biak in chu sak chhoh mek zel a ni a, Biak in hi chhawng thum a sak niin, Sunday school hall tur a chhuat chu slab chhun tawh a ni.
Biak in slab chhun hmabak mek a ni bawk.
Tuidam kohhranah December ni 17–21 chhung khan Camping buatsaih a ni a, Camper mi 16 awmin, Tirhkoh Lalbiaknia Tawizo chu Speaker-ah hman a ni a, he rawngbawlna kaltlang hian mipakhatin Baptisama a chang bawk ani.
Tuidam ah hian Tirhkoh J.Lalhmingmawia chu General in rawngbawl turin a ruai mek a ni.
Kawrtethawveng kohhranah ni 7 (Thawhlehni) khan Pathian chawimawina neih a ni a, Tirhkoh Zionramngaihzuala Venghlui chuan thurhil rawngbawlna a nei a ni.
Thlarau thianghlim chang thar mi eng emaw zat awmin, kohhran zing atangin mi 3 in tui Baptisma an chang bawk.
BUKPUI BIAL
December nni 9-21 kum hlui khan Lungmuat Kohhran ah Campping chhawnghnihna buatsaih a ni a,
Tk. Laltholeha, Tk. Joshua Lalhruaizela, Tk. Immanuel Lalrinawma leh unaupa Zodinsanga te chuan rawngbawlna an nei a ni.
Camping thawh hnihna ah hian mi 31 campers awmin,
Mi 12 in Sual ngaihdamna baptisma an chang bawk.
Rawngbawl tute hian Krismas leh kumthar hmanpuiin, an kaihhruaina hnuaiah
Mihlim kawngzawh vawi 1 neih a ni.
Thuthlung puanna mual inkhawm vawi 4 neih a ni bawk a ni.
Krismas leh kumthar vuakvetah hian unaute
Upa.Vl khroshlua, Zohmingthanga
Lungmuani leh Lianmawii te chuan Pathian chawimawina an nei a,
Lungmuat kohhran hlimna hian khawtlang a chiah hneh hle ani.
Bawngkawn
January ni 8 Nilaini zan khan Zuangtui kohhran Bawngkawn Bialah mithar chhungkaw 1 member panga awmna chu Rev.PB.Lalhmuliana Bialtu Pastor chuan Mizoram UPC-ah a lawmlut a ni.
THENZAWL BIAL
Thenzawl Bial chhunga Kohhran pali (Vengpui Kohhran, PTS Kohhran, Kanan Kohhran, Tualvungi Veng Kohhran) te chuan Krismas leh Kumthar hlim takin an hmang.
Kohhran hrang hrang te hian Krismas ni ah hian Mizo Chhangban nen ruai an buatsaih a, a tuk ni 26-ah sa ruai an kilho a ni.
Kumthar lawmna pawh chhang Ruai nen an hmang a, January ni 2 ah kohhran tinten sa ruai an buatsaih thung a ni.
Kumthar lawmna Ruai hi Vengpui Kohhran chuan Vawi ruk ṭheh tawhin ni 8 Nialaini thleng khan kumthar lawmna inkhawm an la neih chhunzawm a ni.
Nilaini zan Inkhawmah hian Vengpui Kohhrana lawi turin Unaupa Lalrinsanga chu Bialtu Pastor Rev PC.Vanlalruatan Mizoram UPC-ah a lawmlut bawk a ni.
Ni 11 Inrinni hian Unaupa Vanlalchamate chhungkua chuan Kohhrnah Pathgian chawimawina an nei bawk ang.
GENERAL HEADQUARTERS THU THAR| 5TH OCTOBER 2024
04 Oct, 2024
GENERAL HEADQUARTERS THU THAR | 27TH SEP 2024
27 Sep, 2024
