United Pentecostal Church
of Mizoram

Upa Andrew Laldingliana Executive Chairman chuan February Ni 2 Pathianni hmang a Chawlhhmun Bial Missions Department inkhawmpui Zonuam Kohhran a neih tur chu a telpui ang.

Rev C.Lalremsanga General Superintendent chuan ni 25 Inrinni hian Chaltlang Bial PYD Silver Jubillee hawnna a nei anga, Bial PYD inkhawmpui a hmanpui bawk ang.

Rev C.Ramsangvawra Secretary, General SS Department chuan Headquarters Bial PYD inkhawmpui Bungkawn kohhran a neih tur chu a hmanpui dawn a, February ni 2 Pathianni chawhma inkhawmah member kal tate sunna hun a hmang dawn a ni.

Fixed Pay Pastor Seminar cum Training

January ni 29 Nilaini khan Conference Hall, General Headquarters Office ah Fixed Pay Pastor lak tharte pualin Seminar neih a ni a, Rev C.Lalremsanga General Superintendent leh Rev. Hc. Lalthlamuana General Secretary te chuan zirtirna an pe.

Pastoral Ministry, Puithiam rawngbawlna Serh leh sang, Administration chungchang a hriat tur awmte General Superintendent hnen atangin nagihthlak a ni a, General Secretary in Monthly report leh Financial chungchang a hriat tur thil pawimawh tak takte zirtirna a pe bawk.

He Seminar-ah hian Fixed Pay Pastor lak tharte, Pastor A.Lalhmingsanga Bukpui Bialtu, Pastor Vanlalduhsaka Vathuampui Bialtu, Pastor F.Lalnienga Hmawngbu Bialtu leh Pastor Ramdinsanga Senvon Bialtute chu an kalkim a ni.

ATI

Mizoram UPC hnuai a Bible zirna Apostolic Theological Institute Durtlang a lut tur lakna interview chu ni 31 Zirtawpni chawhma dar 11 hian Conference Hall, General Headquarters Office-ah neih a ni dawn a, diltu mi 29 awmin, First year zirlai thar tur hi mi 15 lak an ni ang.

ATI ah hian 2^nd year zirlai mi 13 an awm mek a, 3^rd year-ah zirlai mi 20 an awm bawk.

February ni 3 Thawhtanni hian ATI, Durtlangah Registration Day hman a ni bawk ang.

Tripura District

Tripura District chhungah mithar lawmluh an ni.

January ni 19 khan Tripura District chhung a Naisingpara ah Hindu sakhua atangin mi 2 leh

Hazachera ah mi 7 te chu Kanchanpur bialtu Pastor Biakhmunreman Mizoram UPC ah a lawmlut a,

Ni 19 ni vek khan Agartala bial Gamchakobra ah ringlo mi pakhat baptisma chantir a Mizoram UPC ah lawmluh a ni.

Barak Valley Bial

January ni 23-26 chhung khan Barak Valley Bial a Naupang SS Dept., PYD le LAD te chuan a rualin inkhawmpui an hmang.

Barak Valley Bial hian Department hrang hrang pual hian inkhawmpui a nei thin a, kumin hi a vawi 18-na niin, Khangbor, Manipur-ah inkhawmpui hi neih a ni.

He inkhawmpui hi Bialtu Pastor leh Bial hruaitute bakah Bial chhung a General in a rawih mek rawngbawltu pathum Tirhkoh Josepha (Pailapool), Tk. Abrahama (Dolakhal), Tk Lalthuthlunga (Kangrengdor) te chuan an hmanpui bawk.

Ni 25 Inrinni khan Bial Board an thukhawm a, Bial Chairman TK Lianvelan meeting hi kaihruaiin, Thingpuikual Biak In sak tur chu a hmun ah ngei enfiah nise an ti a, Bialtu Pastor Amenthanga, Bial Chairman Tk Lallianvela, Tk Josepha (Pailapool) leh Tk Lalthuthlunga (Kangrengdor) te chu meeting chuan ruatin, ni 28 Thawhlehni khan hma an la nghal a ni.

Kum 2021 Barak Valley Bial Department inkhawmpui chu Hmarkhawlian, Barak Valley Bial Headquarters-ah a hman a ni ang.

Ni 27 Thawtanni khan Khangbawr Kohhranah Unaunu Rami chuan an In thar lawmnan Pathian hnenah lawmthu sawina a nei a, kohhran hoten hlim takin hun an hmang bawk.

Khawhai Bial

Khawhai Bial PYD chuan ni 24-26 Pathianni hmang khan Bial inkhawmpui an nei.

Inkhawmpui hi Sialhawk kohhranah hman a ni a, Rev Thangliansanga Principal ATI chuan thuhril rawngbawlna a nei a ni.

Ni 24 Zirtawpni ah rorel inkhawm an nei a,

Kum 2021 PYD Inkhawmpui Biate ah an hmanmg dawn a,

Kum 2020 a bial chhung kohhran in tlawh tawn nise tihte

Kohhran tinten kum 2020 chhung ngei a, In tinah tawngtaina hman chhuah nise tihte, ATI tanpui nan Bial PYD in cheng sangthum (3000/-) pek nise tihte leh PYD Day March ni 4 chu Bial huap a Khawhai kohhranah hman nise tithe chu thurel langsar zualte an ni a,

Bial PYD rorel inkhawm chuan Kum 2020 chhung atan ₹ 5000/- Pastor Quarters budget ah dah nise a ti bawk.

Heng bakah hian Kum 2020 chhung ngei a ‘Takna leh Thianghlimna’ tih thupui hmang a kohhran tinah Seminar neih an rel bawk.

Khawhai Bial PYD inkhawmpui chuan Kum 2020 budget atan cheng singnga sanghnih zaruk sawmli panga (₹ 52,645/-) chu lungrual takin pawm ani.

Inkhawmpui rual hian ni 25 Inrinni khan Sialkawk Biakin hawn a ni a, Rev HC Lalthlamuana, General Secretary chuan Pathian hnenah hlanin a hawng a, thuhril rawngbawlna a nei bawk.

Zemabawk Bial

Zemabawk Bial PYD Inkhawmpui chu Ni 24-26 chhung khan Zemabawk North Biak In ah neih a ni.

He inkhawmpuiah hian Bialtu Pastor Rev.V.Rothuamluaia chu Speaker-ah hman a ni a, Pathian zan thleng thuhril rawngbawlna a nei a ni.

Ni 25 (Inrinni) khan Zemabawk North Biak In ah rorel inkhawm an nei a,

An thuhrel langsar zual zingah

Kum 2021 Bial PYD inkhawmpui Zemabawk Biak In a nghahte,

March ni 4 PYD Day chu Bial huap a hmante, Day pual a Thisen pek nise tihte,

Kum 2020 chhung a Bial PYD bul tumin bial huap a revival Zemabawk North Biak in a neihte,

Kum 2020 chhung a tanpui ngaite tuamhlawm nan a budget-ah Rs.5000 (Sangnga) dahte chu rorel langsar zualte an ni a,

Heng bakah hian Kum 2020 ngei a Bialtu Pastor Quarters a hman tur Washing Machine lei nan budget an ruahman bawk.

Zemabawk Bial PYD inkhawmpui chuan kum 2020 Budget atan cheng singkua sangruk zasarih (Rs.96,700/-) an pawm bawk a ni.

LUNGLEI NORTH BIAL

Lunglei North Bial a Pukpui kohhran ah Member thar lawmluh an ni.

Pukpui kohhran ah hian Unaunu Lalhmingliani te chhungkua chuan lawmthu sawina Kohhranah an nei a, Rev.Ngurthanpara Sailo Area Secretary chu Speaker-ah hman niin, he rawngbawlna kaltlang hian Ni 26 Pathianni khan Pukpui kohhranah mithar 6 te chu Kohhran dang atangin lawmluh an ni a, he lawmluhna inkhawm hi Rev.Ngurthanpara Sailo, Area secretary Southern zone chuan a kaihruai a, Lalpa Isua hmingin Mizoram UPC ah a lawmlut a ni.

Lunglei North Bial a kohhran ding thar Tleu Biak in sak mek chu chak tak a bawhzui a ni a,

General ațanga țanpuina an hmuh leh Bial Headquarters kohhran atanga mițhahnemngaite sum thawhkhawm hmangin sak a ni a,

Bialtu Pastor Zion Ramngaia, Pentecost Crusader Committee team-te leh Lunglei ațanga mi țhahnemngai ten karhnih chhung Tleu Kohhranah hian Work Camp an nei a, Biakin hi luah theihin peihfel a ni ta a ni.

BETHLEHEM BIAL

KUM 2020 chhung atan a Mualpui Preaching point hruaitu turte ruatfel a ni.

Ni 26 Pathianni khan Bethlehem Bialtu Pastor Rev PC Parliana ho in, Bial hruiatute leh Preaching Point bialtu Upa te chuan Mualpui Preaching Point Kohhran Hruaitu leh Department hrang hrang hruaitu tur ruatthar-na an nei a, meeting chuan heng mite hi a ruat a ni,

Kohhranpui hruaitu atan –

Chairman : Tk F Zaithanga, Secretary : T-Upa, Malsawmdawngliana, Treasurer : Upa, T. Vanlaltawka te ruat an ni a,

Sunday School Department-ah

Superintendent : Upa, T. Vanlaltawka

Secretary : T-Upa, Malsawmdawngliana

Treasurer : Kohhranpui Treasurer te chu ruat an ni bawk.

Heng bakah hian Meeting chuan PYD leh LAD hruiatu turte an ruat bawk a ni.

KANGHMUN BIAL

Kanghmun Bial Missions Department chuan ni 24-26 Pathianni hmang khan Bial inkhawmpui Lungphun Kohhranah an hmang.

Ni 25 Inrinni khan rorel inkhawm an nei a, Zirtawp zan atangin revival inkhawm neih tan niin,

Unaute TC Chhawntluanga, Kanghmun, Edenthara, Ramthar Hreichuk, Upa Chawngzidingliana, T.upa Laisiammawia leh Bialtu Pastor C. Lalawmpuia ten thuhril rawngbawlna an nei a ni.

He inkhawmpui hmang tur hian Bial chhung atangin member an kal tha hle a, inkhawmpui report a a landanin Kanghmun bialah hian member 315 an awm mek a ni.

KOLASIB DIAKKAWN BIAL

Kolasib Diakkawn Bial chuan ni 24 (Zirtawpni) zan atang khan Bial Missions inkhawmpui Thingdawl Kohhran Biak inah an hmang.

Inkhawmpui tan zan hian Upa T.Lalnunsanga, Kolasib Diakkawn Bial Chairman chuan inkhawmpui hawnna leh Pathian hnen a hlanna a nei a,

Bial chhung a Kohhran hrang hrang Missions Dept. Secretary atangin report ngaihthlak a ni bawk.

Inkhawmpuiah hian Bialtu Pastor leh ruat bik ten thuhril rawngbawlna an nei a ni.

Ni 25 Inrinni chhunah rorel inkhawm an nei a, Inrinni zan inkhawmah Upa C.Lalthanmawia, Diakkawn, Hmarthlang District Pastoral board member chuan thurhil rawngbawlna a nei a ni.

Pathianni chawhma inkhawmah hian Mission pual thawhlawm appeal-na neih a ni a, Rs. 6070/- lakkhawm a ni bawk.

Pathianni chawhma inkhawmah hian Bialtu Pastor Rev. R.Lalparvula hnen atangin Pathian thuchah ngaihthlak a ni a, Pathianni chawhnu-ah Unaupa Lalhruaitluanga, Diakkawn bial PYD Secretary chuan thuhril rawngbawlna a nei bawk.

Pathianni chawhnu hian inkhawmpui palaiten ruai an kilho bawk a ni.

Kolasib Diakkawn Bial Missions Dept. inkhawmpuiah hian

Unaunu Mimi Vanlalhriati, Unaunu Zorinfeli leh Unaunu Thaneihtlingi te chuan zai a rawngbawlna an nei a,

Pathianni zan inkhawmah hian Unaupa Lalchawimawia, Diakkawn bial PYD President chuan thuhril rawngbawlna a nei bawk.

Inkhawmpuiah hian Lengkhawm zai intihsiakna neih ani a, Tuithaveng kohhran chu pakhatna an ni a,

Kolasib Diakkawn bial Missions Dept. inkhawmpui chu Pathianni zan khan a tiak a ni.

Churachandpur Bial

Churachandpur Bial PYD te chuan January ni 24-26 Pathianni hmang khan Bial inkhawmpui vawi 14-na an hmang.

BIal PYD Inkhawmpui hi Venglai Kohhranah nghah a ni a, Inkhawmpui palai riak lut an thahnem hle a, langa kal engemaw zat an awm bawk.

Inkhawmpui chhung hian Tk Johnson K.Singson leh Bialtu, Pastor K. Lalhmingsangzuala ten thu hril rawngbawlna an nei a, T.Upa Lalthlamuon leh unaunu Lucy ten zaia rawngbawlna an nei bawk a ni.

Bial chhung a Kohhran hrang hrang PYD te chuan - Solo, Extempore Speech leh Lengkhawm zai hmangin intihsiakna an nei bawk.

Churachandpur BIal PYD inkhawmpui rorelna chuan

Kum 2021 Bial Inkhawmpui chu Leijangphaiah a nghat a,

PYD Day March ni 4 pual a Civil Hospital-a thisen pekte, Day pual a nileng tawngtaina neihte chu rorel langsar zualte an ni a,

Ni 26 Pathianni zan khan Churachandpur Bial PYD inkhawmpui chu a tiak ta a ni.

Serchhip Bial

January ni 25(Inrinni) khan Serchhip bial Zoar kohhranah, member-te thawhkhawmin ran talha Pathian chawimawina neih a ni a, Tk. Michael Lalramchhana, Tualbung chu Speaker-ah hman a ni a, thuhril rawngbawlna neiin, kohhran hote an hlim hle a ni.

Jannuary ni 26 Pathianni khan Serchhip bial Hebron PYD te chuan, Chhingchhip-a rawngbawltu rawih mek tlawhin an kal a, hemi ni hian Pastor Lalnghinglova'n kohhran dang atangin mithar pakhat, Isua hmingin baptisma a chantir a ni.

Chhingchhip khuaah hian kum 2019 may thla atang khan rawngbawltu, Unaupa Laltansiama, Khawlian khua chu Hebron kohhrante hian rawngbawlin an ruai a ni.

N.MUALCHENG BIAL

Ni 25 Inrinni khan Unaunu Lalthangpuii te chhungkua N.Mualcheng kohhran a lawi chuan ran talhin Pathian chawimawina an nei a, Tlang hrang hranga kohhran mipuite an kal khawm thain, tisa leh thlaraulam ruai hlim takin an kilho a ni.

He chawimawina ah hian Bialtu Pastor R.Chawngkhuma chu Speaker-atan hman a ni a, chawimawina chhimtu atangin Pathian thuchah kohhran hoten an ngaihthla bawk.

Rawngbawl hna thawktute Pathianin mal a sawm a, kohhranho hoten hlawk takin hun an hmang a ni.

Ni 27 Thawhtanni khan chawimawina kuangawm chhunzawm a ni a, kohhran hoten zaikhawmna nilengin an nei a, mikhual cham thahnemtak awmin, zan lam thlengin zaikhawm chhunzawm a ni.

N.Mualcheng kohhranah hian Pathian chawimawina neih chhunzawm a ni dawn a, Unaunu Khawlchungnungi te chhungkua chuan February Ni 1 Inrinni hian Pathian chawimawina an nei dawn a, Unaupa Vanlalruata Falkawn chu Speaker a ni ang.

RUANTLANG BIAL

Ruantlang Bial PYD te chuan January ni 24-26 Pathianni hmang khan Melbuk Biak In ah BIal Inkhawmpui an hmang a, GPYD aṭangin T.Upa. Laroenga. Vice president

T.Upa. Lalbiaksanga. Social wing Committee Chairman leh Unaunu. R. Lalṭhazuali. EBM te chuan an hmanpui.

Inkhawmpui chhung hian heng mite hian thuhril rawngbawlna an nei a,

1. Zirtawp zanah T.Upa. Vanlalhmuaka. Ruantlang PYD Adviser

2. Inrinni zanah Upa. Ms. Dawngzela. Ruantlang Bial Secretary.

3. Pathianni chawhmaah T.Upa. Lalbiaksanga. GPYD Chairman Social Wing Committee

4. Pathianni chawhnuah T.Upa. Lalroenga. GPYD Vice President leh

5. Pathianni zanah Tk. R. Lalsangzela. President Ruantlang bial PYD te an ni.

Inrinni ni 25 khan rorel inkhawm an nei a, rorel palai mi 38 kalkhawmin, Upa. S. Lalramliana'n rorel palaite fuihna thu ṭha tak tak a sawi bakah, Rorel inkhawm hlanna hunserh a hmang bawk.

Bial huap a seminar cum revival neih chu inkhawmpui rorel langsar zual a ni.

Ruantlang Kohhran chuan January Ni 29 (Nilaini) zan aṭang khan crusade a buatsaih a, Dilkawn bial Bialtu, Pastor Lalhmachhuana chu Speaker-ah hmangin thuhril rawngbawlna a nei a ni.

Februay Ni 1 Inrinni hian Unaupa. C. Biakhlirate chhungkua chuan Pathian chawimawina an nei bawk ang.

NI 1 (Inrinni) vek hian Ruantlang Bial a Zokhawthar kohhranah Unaupa. Lalrochharate chhungkua chuan Pathian chawimawina an nei bawk anga, Pastor. Lalhmunsiama Rengdil bial Bialtu chuan thuhril rawngbawlna a nei dawn a ni.

DILKAWN BIAL

Dilkawn bial Missions Dept. inkhawmpui vawi 12-na chu ni 26 Pathianni hmang khan Buang kohhranah neih a ni.

He inkhawmpui hi ni 24 Zirtawp zan atang khan neih tan a ni a, Rev. Pc. Lalṭanpuia Secretary Gen. Missions Dept. chu Speaker ah hman a ni a, Pastor C. Lalramnghaka Keifang bialtu leh T. Upa Lalrinmawia Tualbung te chuan Speaker hi an ṭawiawm a ni.

Ni 27 Thawhṭanni khan Unaunu K. Lalrinmawii VCP Buang te chuan Vawk 2 talh in Pathian chawimawina a nei a, Pastor C. Lalramnghaka Keifang bialtu chuan thuhril rawngbawlna a nei a, Pathian thlarau awmpuina hnuaiah kohhran hoten hlim takin hun an hmang.

Bial Missions Dept. Inkhawmpui leh chawimawina hi Khawbung bial leh Ruantlang bial aṭangin mi thahnemtakin an tawiawm bawk.

Dilkawn Bial Missions Department Inkhawmpui rorelna chuan

Kum 2021 inkhawmpui Lianpui kohhranah a nghat a,

Nomination Committee a din nghal bawk.

Kumin chhung a Sazep leh Sesih khuaah mual inkhawm neih nise tih leh

Missions sum tuak nan kohhran in tinah rinna thutiam neih nise tihte chu rorel langsar zualte an ni a,

Dilkawn Bial Missions Dept. rorelna chuan Pastor Quarters fund ah ₹.4000 a dah bawk.

Kum 2020 Budget atan Rorel palaite chuan ₹. 36,600 an pawm bawk a ni.

KOLASIB VENGLAI BIAL

Ni 24 Zirtawpni atang khan Kolasib Venglai Bial Missions Department Inkhawmpui neih ani a, John Zothansanga chu Speaker-ah hman ani.

Venglai Bial Missions Department inkhawmpui hi Venglai Kohhran in an thlenga, inkhawmpui tluang a neih niin, ni 26 Pathianni zan khan a tiak ani.

Kum 2021 Venglai Bial Missions Department inkhawmpui January Pathianni vawi 4 na hmang a Tumpui Kohhran a nghahte,

Kum 2020 Chhung a Home leh Foreign Missionary-te Support nan a Rs 5000 ve ve (Avaiin Rs.10000) dahte chu rorel langsar zualte an ni a,

Kum 2020 leh 2021 Budget atan Rs.3,28,758 (Cheng nuai thum sing hnih sangriat zasarih sawmnga pariat) rorel paliten an pawm bawk.

Heng bakah hian Kum 2020 March thla atangin, North Thinglian ah Tirhkoh rawih nise an ti bawk a, rawngbawltu rawih nan hian Pathianni chawhma inkhawm ah Rev.P.Lalrinawma Bialtu chuan Appeal-na a nei a, Rs.1,66,500 a tling khawm a ni.

Bial Missions Dept rorelna chuan Kum 2020 chhungin Hmarveng Kohhranah bial Ramthim Revival neih nise an ti bawk.

Inhawmpui ah hian

General Missions Dept pualin thawhlawm Rs.12,010 hmuh a ni.

RENGDIL BIAL

January ni 24-26 chhung khan Rengdil bial PYD chuan inkhawmpui vawi 8-na an hmang a, General PYD hruaitute unaupa F. Lalnutluanga Treasurer General PYD, T upa Lalropuia Managing Editor Pentecost Meichher, T upa Gideon Vanlalhnehsaka EBM, unaupa K. Lalthanpuia EBM ten an hmanpui a ni.

Inkhawmpui chhung hian General PYD hruaitute chuan thuhril rawngbawlna an nei a, Pathian thlarau awmpuina hnuaiah ni 26 Pathianni zan khan Rengdil Bial PYD inkhawmpui chu a tiak ani.

Rengdil bial chhungah hian PYD dinna Kohhran 5 awmin, Kum 2020 a PYD membership fee pe zat mi 60 an awm ani.

Inkhawmpui chhung hian Kohhran hrang hrang PYD te atangin special items thlir ho thin a ni a ni a,

Bial pawn Tripura atangin Darchawi PYD member mi 12 te chuan an telpui bawk.

Rengdil BIal PYD inkhawmpui rorelna chuan

General PYD Inkhawmpui neih loh Kum ah hian General Board nilovin General PYD rorel inkhawm neih nise tih chu General PYD Executive Board-ah thlen nise an ti a,

Pastor Quarters a tul leh mamawh lei nan sum thahnem tak dah nise an ti bawk.

Kum 2021 Rengdil Bial PYD inkhawmpui chu Sihthiang kohhranah an hmang ang.

Rengdil Bialah hian Kum 2019 chhungin member thar mi 15 lawmluh an ni a, sawmapakhat cheng nuai hnih singhnih sangruk zanga sawmsarih (Rs.2,26,570/-) chuangin an khum bawk a ni.

JIRI BIAL

NI 26 Pathianni hmang khan Jiri Bialtu, Pastor K.Rohmingthanga chu bial fangin Zoar kohhran a tlawh a, hemi ni hian member thar mi 10 lawm luh an ni a, nupa tuak khat Pathian hmingin a inneih tir bawk.

NI 29 Nilai zan khan kohhran dang atangin Unaupa Soikhohen te chhungkua member 11 awmna chu Mizoram UPC ah lawmluh an ni bawk a ni.

Jiri Bial hian ni 31 atang a February ni 2 Pathianni hmang hian Bial inkhawmpui Mongbung kohhranah an hmang ang.

BETHLEHEM BIAL

Ni 25 Inrinni hmang khan Bethlehem Kohhranah Upa Biakngura Chhangte te chhungkua chuan Pathian hnenah Lawmthusawina an nei a, inkhawm hi Bialtu Pastor, Rev. PC Parliana'n kaihhruaiin, Pastor Lalhmunngheta Dinthar Bialtu chu Speaker-ah hman a ni a.

Speaker chuan ‘Ringtu nun chungchang’ thupuiah hmangin, Kohhran hoten tisa leh thlarau ah hlawk takin hun an hmang ani.

Bethlehem Kohhran te chuan Biak In an sa mek a, tunlai hian hnatlang an bei ngawrh hle bawk a ni.

SAKAWRDAI BIAL

Sakawrdai BIal PYD te chuan Ni 24-26 chhung khan Sakawrdai kohhranah Bial inkhawmpui an nei a, Tk.K.Lalhmachhuana, Ṭhuampui Aizawl chu Speaker-ah hman a ni.

Inkhawmpui chhung hian mi pali in sual ngaihdamna tui Baptisma an chang bawk.

Tk.K.Lalhmachhuana hi Hmarchhak District-in Vanbawng khua a rawngbawl tur a a rawih mek a ni.

Speaker-rawngbawlna hi a tla tha hle a, thawhtan leh Thawlehni thleng khan Pastor Quarters ah thu leh hla a inpawl hona neih zui thin a ni.

Kum 2021 inkhawmpui chu Sakawrdai hmar veng ah an hmang dawn a,

Bial pawn fehchhuahte, Tualchhung intlawhtawn neihte chu rorel langsar zualte an ni a,

Sakawrdai bial hian kum tir atangin Kum 2021 General PYD inkhawmpui kalna tur atan Budget an siam nghal bawk a ni.