Mizoram UPC kohhran hmeichhe inkhawmpui lian ber LAD General Conference vawi 23-na October ni 20, 2017 Zirtawpni zan atanga Bilkhawthlir Playground a neih chu zanin Pathianni zan hian a tiak ta.
He inkhawmpui lian thleng tur hian Bilkhawthlir khawtlang leh Joint YMA te nasa taka inbuatsaihin Mizoram UPC Pandal Structure hmangin a dung fit 150 leh avang fit 130 a liana sak a ni a, Organising Committee, Bilkhawthlir Bial kohhran mipuite leh thalaite thawhrimna a zarah inkhawmpui hlawhtling taka hman a ni.
October ni 21, Inrinni nileng khan Pandal-ah rorel inkhawm neih a ni a, General LAD President Unaunu Lalronungi’n a kaihruai a, Mizoram UPC Executive Chairman Upa Lalnunmawia’n rorel turte Pathian hnena hlanna neiin palai mi 820 ten ro an rel. Rorel lo tana Bilkhawthlir Kualmawi Biak Ina Revival inkhawm buatsaihah Tirhkoh Ramdingsanga’n thusawiin Biak in leh a chheh vela leng lo mi engemaw zat an awm bawk.
Conference Agenda 27 zingah hengte hi passed a ni :
1. Kum 2018 General Conference chu Mamit-ah neih a ni ang a, kum 2019-ah an dil angin Siaha Bialah inkhawmpui neih a ni bawk ang.
2. Missionary (Voluntary telin) te tana General LAD te Rs. 80,000/- a luanchhuahna neih thin chu Rs. 1,00,000/- a tih san a ni a. A tihsanna Rs. 20,000/- hi Cancer Hospital tana luanchhuahna tura tih a ni.
3. LAD General Conference a Bial harsa zawkte kalna tura Bus hman thin chu chhunzawm zel tura rel a ni.
4. Mizoram UPC fahrah chawmna Bethani Children Home sakna atan member pakhatah Rs. 20/- theuh a khawn tur a ni.
5. Mizoram UPC Bible zirna ‘ATI’ hmeichhe Hostel sak nan kum 2018 atan member pakhatah Rs. 20/- a khawn tura rel a ni.
6. Missionary pualin member pakhatah Rs. 20/- theuh khawn tura rel a ni bawk.
7. Rampum huapa Seminar neih thin chu a tul leh pawimawhna hmunah Bial hmalakna neih tawh tura passed niin Seminar paper pawh Bial kutah dah a ni.
8. Kumpuan thupui neih thin chu Tualchhung tin LAD te zir theih turin a bu a siam tawh tur a ni.
9. ‘Kumpuan thupui atana hman thin hi term khat chhung tal neih nise’ tih chu passed a ni bawk.
10. Ruihhlo ngaite puala ‘De-Addiction Centre’ siam rawtna chu passed a ni.
11. “Mihring hmanga sumdawnna ‘Human Trafficking’ laka kohhran mipuite kan him theih nan General LAD in hmalak ni rawh se” tih chu passed a ni bawk.
12. Chhungkaw maicham nei thei lo ten an neih ngei theih nan Bial tinte’n hmalak tura passed a ni.
13. LAD inkaihhruaina bu in a sawi angin thlatin chawnghei tawngtai tualchhung tinte mahni remchan dan anga neih ziah tawh tur a ni.
14. KUM 2018 BUDGET ATAN RS. 22,36,500/- chu passed a ni.
Heng bakah hian Inkhawmpui report bu in a tarlan danin LAD member tamna ber leh zuk leh hmuam nghei tamna ber bial chu Dinthar Bial niin, Pastor Bial 72 atangin LAD member 8073 an awm mek a. Chung zinga he inkhawmpui kal chu mi 1300 vel niin, lehlang a kal mi engemaw zat an awm bawk.
Inkhawmpui chhunga hun nei tute :
ZIRTAWP ZAN - Rev. F. Lalnghakliana
INRINNNI ZAN - Zasiamliani, Ruantlang Bial
PATHIANNI ZING - C. Renghlupuii, Chaltlang Bial
PATHIANNI CHHUN - Vanlalzapi, Durtlang Bial
PATHIANNI ZAN - Rev. Dr. Ngurthanpara Sailo
General Conference chhung hian zing tawngtai inkhawm neih ziah anih bakah Pentecost Meichher tana Campaign te, Buhfaitham tham tha lawmman semna te leh kum 70 chung lam inkhawmpui kal te chawimawina te neih a ni a, conference inkara member boralte sunna neih a ni bawk. Inkhawmpui tan zan atanga Inrinni zan thleng khan ruahsurin min ti buai deuh a, pandal kawt vel a diak hle. Mahse inkhawmpui boruak a hniam phah chuang lo Inrinni zan pawh dar 11:30pm velah inkhawm kan bang thei chauh a ni.- Media & Publicity, Mizoram UPC (Photo Credit : Rema Ralte)
Mizoram UPC kohhran hmeichhe inkhawmpui lian ber LAD General Conference vawi 23-na October ni 20, 2017 Zirtawpni zan atanga Bilkhawthlir Playground a neih chu zanin Pathianni zan hian a tiak ta.
He inkhawmpui lian thleng tur hian Bilkhawthlir khawtlang leh Joint YMA te nasa taka inbuatsaihin Mizoram UPC Pandal Structure hmangin a dung fit 150 leh avang fit 130 a liana sak a ni a, Organising Committee, Bilkhawthlir Bial kohhran mipuite leh thalaite thawhrimna a zarah inkhawmpui hlawhtling taka hman a ni.
October ni 21, Inrinni nileng khan Pandal-ah rorel inkhawm neih a ni a, General LAD President Unaunu Lalronungi’n a kaihruai a, Mizoram UPC Executive Chairman Upa Lalnunmawia’n rorel turte Pathian hnena hlanna neiin palai mi 820 ten ro an rel. Rorel lo tana Bilkhawthlir Kualmawi Biak Ina Revival inkhawm buatsaihah Tirhkoh Ramdingsanga’n thusawiin Biak in leh a chheh vela leng lo mi engemaw zat an awm bawk.
Conference Agenda 27 zingah hengte hi passed a ni :
1. Kum 2018 General Conference chu Mamit-ah neih a ni ang a, kum 2019-ah an dil angin Siaha Bialah inkhawmpui neih a ni bawk ang.
2. Missionary (Voluntary telin) te tana General LAD te Rs. 80,000/- a luanchhuahna neih thin chu Rs. 1,00,000/- a tih san a ni a. A tihsanna Rs. 20,000/- hi Cancer Hospital tana luanchhuahna tura tih a ni.
3. LAD General Conference a Bial harsa zawkte kalna tura Bus hman thin chu chhunzawm zel tura rel a ni.
4. Mizoram UPC fahrah chawmna Bethani Children Home sakna atan member pakhatah Rs. 20/- theuh a khawn tur a ni.
5. Mizoram UPC Bible zirna ‘ATI’ hmeichhe Hostel sak nan kum 2018 atan member pakhatah Rs. 20/- a khawn tura rel a ni.
6. Missionary pualin member pakhatah Rs. 20/- theuh khawn tura rel a ni bawk.
7. Rampum huapa Seminar neih thin chu a tul leh pawimawhna hmunah Bial hmalakna neih tawh tura passed niin Seminar paper pawh Bial kutah dah a ni.
8. Kumpuan thupui neih thin chu Tualchhung tin LAD te zir theih turin a bu a siam tawh tur a ni.
9. ‘Kumpuan thupui atana hman thin hi term khat chhung tal neih nise’ tih chu passed a ni bawk.
10. Ruihhlo ngaite puala ‘De-Addiction Centre’ siam rawtna chu passed a ni.
11. “Mihring hmanga sumdawnna ‘Human Trafficking’ laka kohhran mipuite kan him theih nan General LAD in hmalak ni rawh se” tih chu passed a ni bawk.
12. Chhungkaw maicham nei thei lo ten an neih ngei theih nan Bial tinte’n hmalak tura passed a ni.
13. LAD inkaihhruaina bu in a sawi angin thlatin chawnghei tawngtai tualchhung tinte mahni remchan dan anga neih ziah tawh tur a ni.
14. KUM 2018 BUDGET ATAN RS. 22,36,500/- chu passed a ni.
Heng bakah hian Inkhawmpui report bu in a tarlan danin LAD member tamna ber leh zuk leh hmuam nghei tamna ber bial chu Dinthar Bial niin, Pastor Bial 72 atangin LAD member 8073 an awm mek a. Chung zinga he inkhawmpui kal chu mi 1300 vel niin, lehlang a kal mi engemaw zat an awm bawk.
Inkhawmpui chhunga hun nei tute :
ZIRTAWP ZAN - Rev. F. Lalnghakliana
INRINNNI ZAN - Zasiamliani, Ruantlang Bial
PATHIANNI ZING - C. Renghlupuii, Chaltlang Bial
PATHIANNI CHHUN - Vanlalzapi, Durtlang Bial
PATHIANNI ZAN - Rev. Dr. Ngurthanpara Sailo
General Conference chhung hian zing tawngtai inkhawm neih ziah anih bakah Pentecost Meichher tana Campaign te, Buhfaitham tham tha lawmman semna te leh kum 70 chung lam inkhawmpui kal te chawimawina te neih a ni a, conference inkara member boralte sunna neih a ni bawk. Inkhawmpui tan zan atanga Inrinni zan thleng khan ruahsurin min ti buai deuh a, pandal kawt vel a diak hle. Mahse inkhawmpui boruak a hniam phah chuang lo Inrinni zan pawh dar 11:30pm velah inkhawm kan bang thei chauh a ni.- Media & Publicity, Mizoram UPC (Photo Credit : Rema Ralte)
