United Pentecostal Church
of Mizoram

Upa Andrew Laldingliana, Executive Chairman chuan ni 16 Pathianni hmang a Chawlhhmun Bial PYD inkhawmpui, Zonuam kohhran a hman tur chu a telpui ang.

Rev C.Lalremsanga General Superintendent chu February ni 11 Thawhlehni khan Mualthuam N kohhran tlawhin a kal a, ni 13 Ningani khan a lo let leh a ni.

Rev Hc Lalthlamuana, General Secretary chu ni 17 Thawhtanni hian Champhai Bial Silver Jubilee lawmna hmanpui turin a zinchhuak dawn a, Ruantlang PYD Golden Jubilee lawmna a telpui bawk ang.

General Secretary hian Ni 19 Nilaini zanah Khawzawl Vengpui Bial a Lungvar kohhran ding thar hawnna a nei bawk anga,

February Ni 24 khian Tauleng Myanmar a tlawh bawk ang.

Rev Hc Lalthlamuana hi February ni 25-ah Aizawl panin a lo let leh dawn a ni.

Rev Gospelthanga, General Treasurer chuan Headquarters Bial LAD inkhawmpui ni 14-16 chhung a Samtlang kohhran a neih tur a hmanpui ang.

Rev F.Lalnghakliana, Chairman General Sunday School Department chuan Apostolic Theological Institute, Durtlangah ni 16 Pathianni hian ATI Zirlaite Sunday School Seminar a neih pui ang.

Rev Pc Laltanpuia Secretary, General Missions Department chu February ni 14- 16 chhung a, Durtlang Bial Missions Department inkhawmpuiah Speaker a ni dawn ani.

Bawngkawn Bial

Bawngkawn Kohhranah Zirtirtute pualin training buatsaih a ni.

Ni 9 Pathiani chawhnu inkhawmah Bawngkawn kohhran S.S Dept. Chuan zirtirtute tan training a buatsaih a, Rev F.Lalnghakliana Chairman, General Sunday school Dept. chu resource person a ni a, seminar paper a buatsaih hmangin zirtirna a pe a ni.

Seminar-ah hian zirtirtu an kal thain, hlawkthlak an ti hle bawk.

KHAWBUNG BIAL

Khawbung Bial LAD te chuan February ni 7-9 chhung khan Vanzau kohhranah Bial Inkhawmpui an nei a, bial chhung kohhran hrang hrang atangin LAD member an kal tha hle.

Inkhawmpui chhung hian

Zirtawp zanah - Unaunu Lalhmangahi, Saikhumphai

Inrin zanah - Unaunu Darhmingliani, Khawbung

Pathianni chawhmaah - Bialtu Pastor Andrew Lalhruaizela

Pathianni Chawhnuah - Unaunu Lalramnghaki, Saikhumphai (Bial LAD Asst secy)

Leh Pathianni zanah - Unaunu Lalsangzuali, Dungtlang (Bial LAD Secy) te chuan thuhril rawngbawlna an nei a ni.

Khawbung Bial LAD inkhawmpui rorelna chuan

Kum 2020 Bial LAD Inkhawmpui Vaphai kohhranah a nghat a,

Kum 2020 Bial Budget atan cheng singkhat sangnag (Rs.15,000) a ruahman bawk.

Khawbung Bial LAD hian Pastor Quarters Budget atan Rs.5,000 dah an remti bawk a ni.

March ni 1 Pathianni hmang a General LAD hruaituten Khawbung bial an tlawh tur ah, Bial LAD inkhawmpui rorelna chuan Dungtlang kohhranah hun hmanpui nise an ti a ni.

Khawbung Bial LAD hian kum 2021 atan Bial budget cheng singruk sangnga leh za (Rs 65,100) a ruahman bawk.

BARAK VALLEY BIAL

February ni 3-9 Pathianni hmang khan Unaupa Rualtinkhuma, Zemabok chuan Barak Valley Bial a Hmarkhawlien kohhranah rawngbawlna a nei.

Unaupa Rualtinkhuma hi Hmarkhawlien kohhrante hian rawngbawl turin an sawm a, karhnih dawn rawngbawlna neiin kohhran hoten hlawkthlak an ti hle a ni.

Barak valley Bialtu Pastor W. Amenthanga kaihhruaina hnuaiah February ni 6 Ningani khan, Bial chhunga Tirkoh General-in rawngbawl tur a a rawih mek Tk. Lalthuthlunga - Kangrengdor, Tk. Joseph Lalrindika - Pailapool leh Tk. Abraham L. Zote - Cachar Dolakhal te chuan Bial chhunga rawngbawlna kalpui dan tur Training an nei a, Bialtu Pastor-in zirtirna a pek bakah fuihna thu a sawi bawk.

NI 9 Pathianni khan Hmarkhawlian KOhhranah Baptisma rawngbawlna buatsaih a ni a, Bialtu Pastor W. Amenthanga le Tk. Lalthuthlunga ten rawngbawlna neiin, mi 4 in tui Baptisma an chang a ni.

SAIRANG BIAL

Sairang Bial LAD te chuan February Ni 7-9 chhung khan Bial inkhawmpui vawi 25-na, Nghalchawm kohhranah tluang takin an hmang.

Inkhawmpuiah hian Upa David Lalpartlana chu Speaker hman a ni a, thuhril rawngbawlna nung tak neiin, Bial mipuiten hlawkthlak an ti hle a ni.

Inrinni nileng in Rorel inkhawm an nei a, Unaunu Lalthlamuanpuii President chuan kaihruaiin,

Kum 2021 inkhawmpui W. Serzawl kohhran a nghahte,

Apostolic Theological Institute leh Bethani Childrens Home-a Bial chhung kohhran LAD tinte luan chhuah nise tihte,

Tirhkohte thiltih bu hmang a Bible ralchhan neihte,

LAD Day (March ni 12) bial huap a Bethany childrens home hmunah hman nise tihte chu rorel langsar zualte an ni a,

Sairang PHC ah Bial LAD hming a luanchhuah nise an ti bawk.

Sairang Bial LAD inkhawmpui chuan kum 2020 Budget pumpui atan cheng nuai khat singthum sangsarih zaruk sawmthum (Rs. 1,37,630/-) a ruahman bawk a ni.

Sairang Bial LAD chuan Inkhawmpuiah hian inkhawmpui palai kum 60 chin chunglam hnenah chawimawina thilpek an hlan a, Buhfaitham no 2000 chin thamte hnenah lawmman an pe bawk.

Vairengte Bial

Vairengte Bial PYD chuan February Ni 7 - 9 chhung khan Vairengte Headquarters kohhran Biak In ah Bial inkhawmpui an nei a, Inkhawmpui hlanna Bial chairman Upa Thanglunga’n a nei a, TK. Lalbiakdika, Chungtlang chu inkhawmpui chhung hian Speaker-ah hman a ni.

Speaker hi Tk. Lalawmpuia leh Unaupa. Lalnunthara ten an tawiawm bawk.

Ni 8 Inrinni khan Rorel Inkhawm an nei a, T. Upa C. Lalbiakmawia, President kaihhruai rorelna chuan,

Kum 2021 Inkhawmpui Phaisen Kohhran ah nghat a,

Pastor Quarters thawmthat nan budget ah Rs 5000 a dah bawk.

Vairengte Bial PYD kum 2020 Budget pumpui atan Rs 65,100/- chu rorel palaiten an pawm a ni.

Dilkawn Bial

Sazep khuaah thuhtlung puan chhuahna mual inkhawm neih a ni.

Ni. 9 (Pathianni) tlai khan Dilkawn bial Missions Department buatsaihin Sazep ah Thuthlung puanchhuahna mual inkhawm neih a ni a, Pastor Lalhmachhuana'n thuhril rawngbawlna neiin, chhandamna thuthlung uar tak a puan a ni.

Sazep khuaah hian Mizoram UPC rawngbawltu hnawhchhuah a lo ni tawh a, thil thleng avang hian Dilkawn Bial kohhran mipuite thahnem an ngai hle a, Thuhtlung puanna mual inkhawm tawiawm

hian Champhai Venglai kohhran, Champhai Zotlang kohhran, Ruantlang kohhran leh Melbuk kohhran aṭangin mipui thahnem tak an kal bawk.

Mual inkhawm a hman tur Sound system tha tak lei nan Unaunu K. Lalrinmawii Buang Village Council President chuan sum thahnem tak a pe bawk a, Bial mipuite a chungah an lawm hle a ni.

Sazep khua ah hian Mizoarm UPC kohhran a din theih nan, nasa takin Dilkawn Bial hian hma a la mek a ni.

JIRI BIAL

Jiri bial kohhranpui inkhawmpui vawi-22na chu, Mongbung kohhranah tluang tak a hman a ni.

Inkhawmpui chhung hian Tirhkoh Pauminlun, Kaimai

Upa Jhangkholen, Bial Treasurer

Upa Jhangkholet, Bial chairman leh

Bialtu Pastor K.Rohmingthanga ten thuhril rawngbawlna an nei a,

Member boral te sunna hun Tirhkoh Thonghkholen chuan a nei bawk.

Jiri Bial inkhawmpui rorelna chuan,

General budget leh bial budget an neihte, Bial chhung Kohhran tinah a sem a,

kum 2020 Ramthar District inkhawmpui Organising Committee hruaitu tur an ruat baawk.

Chiarman atan Upa.Jhangkholen,

Secretary-ah Tirhkoh Jonhson leh Treasurer atan Unaupa Kaisem te an ni.

Pastor Quarters thawmthat nan Rs. 10,000 dahte,

Kum 2021 inkhawmpui Phaitol kohhran a nghahte chu rorel langsar zualte an ni a,

February ni 22 hian, Phaitol kohhran Biak In hawn a ni dawn a,

Ruai nen Biak In thar lawmna an hmang ang.

He Biak In thar hi Rev.C.Lalremsanga, General Superintendent chuan Pathian hnenah hlanin a hawng dawn a ni.

Pathianni zan thleng Revival inkhawm neih a ni ang.

N. VANLAIPHAI BIAL

N.Vanlaiphai Bial LAD Inkhawmpui chu Khawlailung Dinthar Kohhran ah February 7&mdash9 chhung khan tluang tak a hman zawh a ni.

Inkhawmpui hi Unaunu Lalremmawii ,Bial LAD President leh Unaunu Saphrangi ,Bial LAD Vice President-te chuan an kaihruai a, inkhawmpui hlanna

Upa Lalengzauva Bial Chairman chuan a nei a,

Zirtawp zan inkhawmah Kohhran hrang hrang LAD te chuan Lengkhawm zai intihsiakna an nei bawk.

Inrinni zanah Unaunu Lalneihi Khawlailung Bunghmun

Pathianni zanah Unaunu Isua Chanchinmawii N.Vanlaiphai,

Leh Pathianni zanah Pastor HV.Lalzuithanga, Bialtu Pastor-te chuan thuhril rawngbawlna an nei a, Pathianni chawhnuah Bialtu Pastor-in Sakramen rawngbawlna a buatsaih bawk.

Kum 2021 Bial LAD inkhawmpui Lungchhuan Kohhran a nghahte,

kum 2020 chhung a Buhfaitham tham tha Lawmman semte,

Pastor Quarters Budget ah Rs. 10,000/- dahte,

Ramthim Puan/sum Budget ah 2000/- dahte,

'Isua Pathianna leh Tui Baptisma ' thupui hmang a Seminar neihte

Leh kumpuan Thupui 'Thianghlimna' hmang a Bial huap Seminar neih nise tihte chu N.Vanlaiphai Bial LAD inkhawmpui rorel langsar zualte an ni a,

Heng bakah hian Bethani Children’s Home ah Bial hming a luan chhuahna neih nise an ti bawk.

Rorel ni hian tlai lamah palai ten ruai an kilho a ni.

BILKHAWTHLIR BIAL

Bilkhawthlir Bial LAD Inkhawmpui vawi 25 - na chu ni 9 Pathianni hmang khan Bilkhawthlir Kualmawi kohhran ah neih a ni a,

Inkhawmpuiah hian Tirhkoh Emmanuel Lalthianghlima chu Speaker-ah hman a ni.

He inkhawmpui hi ni 7 Zirtawpni zan atang khan hman tan a ni a,

Ni 8 Inrinni nilengin unaunu Lalramngheti, Bial LAD President kaihhruaina hnuaiah rorel inkhawm an nei bawk.

Kum 2021 Bial LAD Inkhawmpui Saipum Kohhran a nghahte,

Korinth I hmang a Bible ralchhan buastaihte,

Pastor Quarters budget atan ₹ 7,000/- dahte,

Chhiatni ṭhatni ah uar zawk a LAD member ten lukhum khum nise tihte,

Hmarveng Preaching Point, Saiphai tan a budget ₹ 10,000/- dahte chu Bilkhawthlir LAD inkhawmpui rorel langsar zualte an ni a,

Kum 2021 Inkhawmpuiah palai kum 70 chin chunglam hnenah chawimawina pek leh

Kum 2020 Budget atan cheng Singruk sanghnih zariat (₹ 62,800/-) te chu rorelna chuan a passed bawk.

Inkhawmpui report atanga a landanin Bilkhawthlir bialah hian LAD member 207 an awm mek a ni.

Kum 2020 Bial LAD Inkhawmpui chu bial Kohhranpui hruaitute leh bial Department hrang hrang hruaituten an hmanpui a, Pathianni ni 9 zan khan he inkhawmpui hi a tiak a ni.

Kum 2019 - 2020 atan a Bilkhawthlir Bial PYD board meeting vawi 6-na chu ni 9 (Inrinni) khan Kualmawi Sunday School hall-ah neih a ni a, meeting-ah hian bial PYD inkhawmpui vawi 25-na February ni 21 – 23 chhung a Saipum Kohhran a hman tur atana thil ṭul leh pawimawh hrang hrang chhawpchhuakin an sawiho a ni.

Bilkhawthlir Bial PYD chuan Silver Jubilee pualin February ni 10 (Thawhṭanni) khan Kualmawi YMA hall-ah District Hospital, Kolasib a hman tur thisen an pe a, mipa 19 leh hmeichhia 9 atangin thisen unit 28 an pe a ni.

Bialtu Pastor Lalrinmawia Varte chuan he hun hi hmanpuiin, thisen a pe bawk.

Bilkhawthlir bial PYD hian District Hospital, Kolasib tan hian ṭum 4 thisen an pekna a ni.

SAKAWRDAI BIAL

February Ni 7-9 chhung khan Sakawrdai bial LAD inkhawmpui chu Mauchar Kohhran ah hman ani a, Pastor Pc.Lalliansanga Reiek Bialtu chuan thuhril rawngbawlna a nei.

Sakawrdai Bial LAD inkhawmpui rorelna chuan,

Kum 2021 Bial LAD Inkhawmpui Zohmun kohhran ah a nghat a,

General LAD inkhawmpui Motor hmang ngei a kalte leh

Bial chhung LAD inkantawn te an rel a ni.

BUKPUI BIAL

Bukpui Bial LAD chuan February ni 7-9 Pathianni hmang khan,

Lungmuat kohhran ah Bial inkhawmpui an nei.

Inkhawmpui ah hian bial chhung a ruat bik ten thuhril rawngbawlna an nei a,

Tualchhung tin LAD ten Pathian thu leh Lengkhawm zai hmangtein intihsiakna an nei bawk.

Unaunu Lalnunkimi, N. Chaltlang chuan inkhawmpui chhung hian zai a rawngbawlna a nei a,

Bukpui Bial LAD chuan kum 2020 inkhawmpui a Kum 70 chunglam palai kalte hnenah thilpek an hlan bawk a ni.

Bukpui Bial LAD inkhawmpui rorelna chuan,

Kum 2021 inkhawmpui Bukpui kohhran ah a nghat a,

Pastor Quarters ah tuizem litre 2,000 dah nise an ti bawk.

Bial huap a Barak valley bial, Hmarkhawlian kohhran tlawh an tum bawk a ni.

KAWRTHAH BIAL

Kawrthah Bial P.Y.D pawhin February Ni 7–9 chhung khan, Kawrtethawveng kohhran ah inkhawmpui vawi 25-na an hmang.

Bialtu Pastor RT Rodingpuia leh Tirhkoh Zionramngaihzuala te chu Speaker-ah hman an ni a, thuhril rawngbawlna a chhawkin an nei thin a ni.

Ni 8 (Inrinni) khan Rorel inkhawm an nei a,

Kum 2020 chhung a zuk leh hmuam nghei tamna Kohhran hnenah lawmman pek te,

Kum 2020 chhung a ATI a luanchhuahte,

Rengdil bial Zamuang kohhran a fehchhuahte,

Bial chhung a Thuthlung lam hawi Bible Track semte,

Kawrthah khawdai a Thuthlung lam hawi sign board tarte chu rorel langsar zualte an ni a,

Bial PYD inkhawmpui chuan Budget pumpui atan Rs.45,524 an ruahman a ni.

Kawrthah bial ah hian kohhran Pathum ah P.Y.D ding in, Member 91 an awm mek a, kum 2021 inkhawmpui chu W.Bunghmun kohhran ah an nei dawn a ni.

KOLASIB VENGLAI BIAL

Kolasib venglai bial LAD te chuan February ni 14-16 chhung hian Kolasib Venglai biakin ah bial inkhawmpui an hmang dawn a, Rabung bialtu, Pastor Zoramchhanthanga chu Speaker-ah hman a ni.

February Ni 6 khan Saihapui Biak in sak chhunzawm a ni a, bial huap a hnatlangin,
kohhran mipui thawkchhuak an thahnem hle a ni.

Ni 9 Pathianni zan khan Unaunu Pc Vanlalsawmi chu kohhran dang atangin Kolasib Venglai bialtu Rev.P.Lalrinawma chuan Mizoram UPC ah a lawmlut a ni.

February Ni 20 khian Koalsib Venglai Bial Missions Dept. hmalaknain N.Thinglian Tirhkoh Quarters sak hnatlang neih an tum bawk.