Upa Andrew Laldingliana Executive Chairman chuan Pathianni March ni 1 hmang a Chawlhhmun Bial LAD inkhawmpui Government Complex Kohhran a neih tur a hmanpui ang.
Rev C.Lalremsanga General Superintendent chu Zirtawpni ni 28 hian Khawzawl Vengthar Bial PYD Silver Jubilee lawmna hmanpui turin a zinchhuak a, Inrinni ah Jubilee lungphun hawnna a nei anga, zanah thuhril rawngbawlna a nei bawk ang.
Rev F.Lalnghakliana Chairman General SS Department chuan March ni 1 Pathianni chawhnu hian Bawngkawn Bial SS Department te tan Bawngkawn kohhranah Seminar a buatsaih ang.
Rev Pc Laltanpuia, Secretary General Missions Department chu ni 28 Zirtawpni hian N.Bukpui Bial Missions Department inkhawmpui hmanpui turin a zinchhuak a, Secretary hi Pastor Ramchhanmawia leh Rev Chalhuaia (Rtd) ten an tawiawm a ni.
Rev Dr.Ngurthanpara Sailo, Area Secretary Southern Zone chuan February ni 28 - March ni 1 chhung a Bethlehem Bial Missions Department inkhawmpui Salem Veng kohhran a neih tur chu a hmanpui dawn a, thuhril rawngbawlna a nei ang.
Rev L.Ramhlun Varte Thlahna
Mizoram UPC Pastor Rev L.Ramhlun Varte Superanuation Pension a chhuak tur thlahna inkhawm chu February ni 27 Ningani chhun dar 12 khan Conference Hall, General Headquarters Office-ah neih a ni a, he hun hmang tur hian Mizoram UPC Pastor tanglai leh Pensioner engemaw zat an tel a ni.
Rev L.Ramhluna Varte thlahna inkhawm hi Rev C.Lalremsanga General Superintendnet chuan a kaihruai a, Pathian kohhran tan a tha leh zung seng a, full pension a chhuak thei a a awm hi fakawm a tih thu a sawi.
Inkhawm hunserh Rev Pc Laltanpuia, Secretary General Missions Department chuan a hmang a,
Thlahna thilpek hlanna leh Rev L.Ramhluna Varte chanchin tawi sawina hun Rev Hc.Lalthlamuana General Secretary chuan a nei a ni.
Pension a chhuak ta Rev L.Ramhlun Varte hi kum 1990 September ni 1 khan UPC NEI ah Pastor atan lak luh a ni a, Manipur Simthlang District-ah Superintendent, Secretary leh Tresaurer nihna te a lo chelh tawh a, Parbung leh Vangai Bialh a awm tawh bawk.
Kum 2003 khan Mizoram UPC zawmin, Ankhasuo, Barak Valley, Mualthuam North, NC Hills Bialte a lo enkawl tawh a, tunah hian Revival Pastor-ah awm mek a ni.
A pension hun tur March ni 1 chu Pathianni anih avangin, ni 27 Ningani hian a thlahna inkhawm hi buatsaih ani ta ani.
General SS Department
General SS Department Executive Board vawi 174-na chu February ni 26 Nilaini khan Conference Hall, General Headquarters Office-ah an thukhawm a,
Rev F.Lalnghakliana Chairman General SS department chuan Meeting hi a kaihruai a ni.
Ram pum huap SS Department hman tur Flag in ang siamte,
Aizawl Khawpui chhung a Puitling SS Superintendent-te pual a Seminar buatsaihte leh Bial hrang hrang atang a SS Seminar neihpui tur a sawmna awmte chu meeting thurel langsar zualte an ni a,
Executive Board chuan Aizawl khawpui chhung a Puitling SS Superintendent te pualin April ni 5, 2020 hian Conference Hall, General Headquarters Office-ah neih nise an ti a,
Bial atanga Seminar neihpui tur a sawmna an hmuh angin, Hmawngbu Bialah March ni 7-8 leh Lawngtlai Bialah March 28 Pathianni hmang a neihpui nise an ti a, Rev. C.Ramsangvawra Secretary, General SS Department chu heng Bial pahnihah hian akal anga, Bilkhawthlir Bialah March ni 15 hian Rev F.Lalnghakliana Chairman General SS Department chuan a hmanpui thung ang.
Heng bakah hian SS Hall sak tanpui dilna awm te an sawiho bawk.
General SS Department Executive Board hi puipate Rev C.Lalremsanga General Superintendent leh Rev Hc Lalthlamuana General Secretary te chuan an telpui a ni.
Jiri BIal
Jiri Phaitual Bial chhunga Phaitual Biak In sak thar chu February ni 22, Inrinni khan Mizoram UPC General Superintendent Rev. C. Lalremsanga'n Pathian hnenah hlanin a hawng.
He Biak in hawnna inkhawmah hian General Superintendent chuan Bial chhung mipui leh Phaitual kohhran te inpekna leh thawhrimna avanga Biak In tha tak an nei thei chu lawmawm a ti a, Pathian malsawmna nasa tak Mizoram UPC ten kan dawng zel a, Pathian hnena lawmthu sawi mawlh mawlh tur kan ni a ti.
Pahaitual Biak In thar hi Kum 2013 atanga sak tan, a dung fit 40 leh avang fit 24 lian a sak a ni a,
kohhran member 143 an lawi mek a, he Biak buk tun din nan hian cheng Nuaili singnga (Rs. 4,50,000) leh tha 3,000 chuang sen niin, Biak In thar hawn ni hian, a lawm nan Bawng leh vawk talh a ni bawk.
General Superintendent hi Rev. R. Lalparvula, Kolasib Diakkawn Bialtu in a tawiawm a, February ni 23, Pathianni zan thleng khan Revival inkhawm an nei chhunzawm a ni.
BETHLEHEM BIAL
Bethlehem Bial a ITI kohhran chuan, kum 25 an tlin champha ruai nen a lawmna hun an hmang.
Ni 20 Ningani khan ITI kohharn chuan Silver Jubilee lawmna program an hmang a, Silver Jubilee Lung phun a nih hnu-ah Jubilee dar vuakna an nei.
Hemi ni hian Silver Jubilee pual a Souvenir buatsaih “Adullam” tih chu release a ni bawk.
Silver Jubilee lawmna inkhawmah hian Bialtu Pastor Rev PC Parliana leh Pastor C.Lalawmpuia, Durtlang Bialtu Pastor te hnen atangin Pathin thuchah bakah fuihna thu ṭha tak tak ngaihthlak ani.
ITI Kohhran Silver Jubilee lawmna ruai hi mi 220 chuangin an theh a ni.
Salem Veng Kohhran Bethlehem Bial chuan, ni 22 Inrinni khan Biak In an sak mek chu Bial Missions Department Inkhawmpui an thlen dawn avangin, luah luh a ni.
Salem Veng Kohhran Biak In hi chhawng thum nii, kum 2015 a ṭang khan sak ṭan a ni a, hawnna neih thuai an tum a ni.
Biak In thar lawm ni hian Unaupa R Lalbiakmawia te chhungkua chuan ran talha Pathian Chawimawi na neih an tum bawk a ni.
Kawnpui Bial
Kawnpui Bial chuan Kawnpui Banglaveng Kohhran Biak in ah Bial Missions Department inkhawmpui February ni 21 – 23 chhung khan an hmang mek.
He inkhawmpuiah hian Bialtu Pastor leh ruat bik Tirhkoh leh Upa ten thuhril rawngbawlna an nei a ni.
Ni 22 Inrinni khan rorel inkhawm an nei a,
Upa Zaihmingthanga Chairman, Bial Missions Department chuan a kaihruai.
Kum 2021 inkhawmpui Kawnpui Venglai Biak In a nghahte,
Missions field Uttarakhan leh Darjeeling tan a Rs 5000/-ve ve pekte,
Kum 2021 ah Missions feild a work camp neih a, chumi atan a Rs 15,000/- dahte,
Kumin chhung a Bial huap revival neihte
Kohhranpui hmalaknain Bial chhungah Tirhkoh rawih nise tihte leh
Bial chhung khawtinah Missionary support campaign nasa lehzual a neih nise tihte chu Kawnpui Bial Missions Department inkhawmpui rorel langsar zualte an ni a,
Kum 2020-2021 Budget atan cheng nuaihnih singriat sangriat zanga pali (Rs 2,88,504/-) an pawm bawk.
Ni 23 Pathianni chawhma inkhawmah Gen Missions pualin thawhlawm khawn a ni a,
Rs 24,145/- lakkhawm a ni.
Kawnpui Bial Missions department inkhawmpui chu Pathianni zan khan a tiak a ni.
Khawhai Bial
Khawhai Bial Sialhawk kohhranah Nupa tuak khat Mizoram UPC ah lawmluh a ni.
Sialhawk kohhranah hian Nikum 2019 Rammut thla atanga khan Tk. Lalrintluanga Biate chu rawngbawlin a lut a, Pathian malsawmna changing February ni 22 (Inrinni) zan khan Kohhran Chairman Upa Lalrempuian Lalpa Isua hmingin a lawmlut a ni.
Lawmluh tak pa ber hi Chhuanpuia a ni.
Tihian Sialhawk kohhranah hian kum 2019 August thla atang khan mithar 7 lawmluh an ni tawh a ni.
Sialhawk Kohhran Biak In chu January ni 25 khan Mizoram UPC General Secretary Rev. HC Lalthlamuana chuan Pathian hnenah hlanin a lo hawng tawh a, Bial huapin Biak In thar lawmna hi an hmang a ni.
Bairabi Bial
Bairabi Bial PYD Inkhawmpui chu tluang tak a neih zawh a ni.
He inkhawmpuiah hian Tk Lalruatkima, Bairabi chu Speaker-ah hman a ni a,
Pathian thuhril rawngbawlna neiin, Bial mipuiten hlawkthlak an ti hle a ni.
Bairabi Bial PYD inkhawmpui rorelna chuan
Pastor Quaters pualin budget Rs 10,000/- an ruahman a,
Bial PYD hming a Missionary Support nise, Member tinah sum khawnin General Missions Department-ah chhunluh nise an ti bawk.
Heng bakah hian ATI-ah chawhmeh pekte,
Bairabi khaw daiah Hoarding pakhat siam belh nise tihte rorelna chuan a pass bawk a ni.
Kum 2020 Budget atan Rs 74,800 an ruahman bawk.
Kum 2021 Baiarabi Bial PYD Inkhawmpui chu Chuhvelah kohhranah an hmang ang.
THINGSULTHLIAH BIAL
February ni 21-23 Pathianni hmang khan Thingsulthliah bial PYD inkhawmpui chu Tuikhurhlu Biak In ah hman ani a, ni 22 Inrinni khan rorel inkhawm an nei bawk.
Kum 2021 bial Inkhawmpui Khumtung kohhranah nghah ani a,
PYD Day denchhen a bial huap hnatlang Thingsulthliah PHC Damdawiin a neihte,
ATI ah luanchhuah nise tihte chu Thingsulthliah Bial PYD inkhawmpui rorel langsar zualte an ni a,
Kum 2020 Bial PYD Budget pumpui atan Rs.65,570 an pass bawk.
Inkhawmpui chhung hian Pathianni chawhma inkhawmah kohhran dang atangin mithar pakhat Bialtu Pastor KC.Ramnunmawian Mizoram UPC ah a lawmlut a, Lalpa Isua hmingin sual ngaihdamna Baptisma a chantir nghal a ni.
SAIRANG BIAL
Sairang Bial Missions Department Inkhawmpui vawi 26 na chu, February ni 21-23 chhung khan Phunchawng kohhranah tluang taka hman zawh a ni.
Inkhawmpuiah hian Speaker bik awm lovin, bial chhung atangin ruat bik ten thuhril rawngbawlna an nei a, bial chhung mipui ten an hlawk pui hle a ni.
Sairang Bial Missions Department inkhawmpui rorelna chuan
Kum 2021 inkhawmpui Sairang kohhranah a nghat a,
Missionary te tan bial hminga luanchhuahte,
Sihhmui hmunah bial huap Revival neihte,
Nazareth Mualkhang hmunah bial huap a mual inkhawm neihte a pass bawk.
Sairang Bial Missions Department inkhawmpui chuan kum 2020 Budget atan cheng Nuaihnih singruk sangriat (Rs.2,68,000) a pawm bawk a ni.
LUNGLEI NORTH BIAL
Lunglei North Bial Rahsi Veng Kohhranah ni 23 Pathianni zan khan
Mi thar pahnih kohhran dang atangin Mizoram UPC-ah lawmluh an ni.
Rahsi Veng Kohhranah hian mi thar 6 lawmluh an lo ni tawh a, tihian kumin chhung in mi pariat Mizoram UPC ah lawmluh an ni ta a ni.
Tripura District
Tripura District Sabroom bial ah ni 23 Pathianni khan sakhaw dang betu mi pahnih te chu bialtu Pastor in Mizoram UPC–ah a lawmlut a, he mi ni vek hian
Kanchanpur bial Khakchangpara ah bialtu Pastor rawngbawlna atangin ringlo mi pali Isua hming a Baptisma chantir an ni a, Mizoram UPC ah lawmluh an ni bawk.
SAKAWRDAI BIAL
Sakawrdai Bial Missions Department inkhawmpui chu ni 23 Pathianni hmang khan tluang tak a neih zawh ani.
Inkhawmpui hi ni 21 Zirtawp zan atang khan neih tan a ni a, inkhawm apiangin ruat bikten thuhril rawngbawlna an nei a ni.
Kum 2021 inkhawmpui N.Ṭinghmun a nghahte,
Kohhran la din lohna khua a Kohhran din tur a hmalakte,
Missions Revival Bial huap a August thla a neihte chu Sakawrdai Bial Missions Department inkhawmpui rorel langsar zualte an ni.
Vairengte Bial
February Ni 21 - 23 Pathianni hmang khan Vairengte Bial LAD Inkhawmpui chu Phaisen kohhran Biak In ah hman a ni a,
Inkhawmpui tan zan hian Bialtu Pastor Rev HC. Jacoba’n Pathian hnen ah Inkhawmpui hlanna a nei a ni.
TK. Pc. Malsawmtluanga, Hnahlan chu inkhawmpui chhung hian Speaker-ah hman a ni a, Tk. Lalawmpuia leh Unaupa Lalnunthara ten Speaker hi an tawiawm a ni.
Ni 22 Inrinni khan Phaisen Kohhran Biakin ah Rorel Inkhawm an nei a,
President Unaunu Rosangzuali'n a kaihruai a ni.
Inkhawmpui chhung hian Lengkhawm zai leh Bible Quiz hmangte in Tualchhung tin LAD te chuan intihsiakna an nei bawk.
He inkhawmpui hi Pathianni zan khan a tiak a ni.
SIAHA BIAL
Siaha Bial PYD Inkhawmpui Vawi 22 na Thiahra kohhranah tluang taka hman zawh a ni.
He inkhawmpui hi ni 21 Zirtawpni zan atang khan neih tan a ni a,
Upa Lengzuana'n Palai lawmna neiin Pastor.F.Lalthakima'n Inkhawmpui hlanna a nei.
Inkhawmpui chhung hian
Upa K.Rehena President Bial PYD, Tk.K Lalthansanga, Phura
Pastor F. Lalthakima Bialtu leh T.Upa F. Lalduhsaka New Siaha te chuan thuhril rawngbawlna an nei a ni.
Pathianni chawhnuah mual inkhawm buatsaih a ni a,
Tk. Lalnunthara Thuampui chuan thuthlung puanchhuahna a nei bawk.
Lalramdinleha N.Siaha, Omega Lalhminghluna
Leh Hmangaihkim New Siaha East II te chuan inkhawmpui chhung hian zai rawngbawlna an nei bawk a ni.
Siaha Bial PYD inkhawmpui rorelna chuan
Kum 2021 Inkhawmpui Phura Kohhranah a nghat a,
Kum 2020 chhung a Missionary Support nan Rs.10000 (Singkhat) pekte,
Pastor Quarters bungraw lei nan Rs.6000/-(sangruk) Budget dahte,
Bial PYD ten Pentecost meichher Copy 10 (sawm) Sponsore-te leh
Bial huap a Leadership trainning neihte chu a pass a.
Siaha Bial PYD inkhawmpui rorelna chuan
Kum 2020 - 2021 Budget atan Rs.93,000/- a pawm bawk.
He inkhawmpui hi Pathianni zan khan a tiak a ni.
Lawngtlai Bial
Lawngtlai bial PYD pawhin Pathianni liam ta hmang khan Bial Inkhawmpui Vengpui Kohhran Biak In-ah an hmang a, 'Thiltha tih' tih chu thupuiah hmangin,
Pastor F.Lalnienga, Hmawngbu bialtu chuan inkhawmpui chhung hian thuhril rawngbawlna a nei.
Speaker hnen atangin Pathian thu tha tak tak ngaihthlak thin a ni a, Thlarau thianghlim awmpuina hnuaiah inkhawmpui hlawhtling takin an hmang a ni.
Kum 2021 bial PYD Inkhawmpui February Pathianni hnuhnung ber a Chandmary Kohhrana nghahte,
Bethany Children's Home leh Lairam Motherless home-ah thilpek hlan nise tihte,
Apostolic Theological Institute-ah luanchhuahte,
Seminar cum career Guidance buatsaih nise, General PYD, Social wing sub-committee-te sawm nise tihte chu Lawngtlai Bial PYD inkhawmpui rorel langsar zualte an ni a,
Heng bakah hian Lawngtlai District Hospital-ah poor fund dahte leh
Bible track siam te an rel bawk a ni.
Kum 2020-2021 budget atan cheng Nuaihnih singnga sangsarih zasawmhnih (Rs. 257,120) rorel palaiten an pawm bawk a ni.
SERCHHIP BIAL
Serchhip Bial Elim Kohhran Biak Inah February Ni 21-23 chhungkhan
Serchhip Bial PYD Inkhawmpui vawi 25-na hman a ni a,
Unaunu F Lalneihthangi, Asst. Secretary, General PYD chuan thuhril rawngbawlna a nei.
Inkhawmpui tan zan hian Palai lawmna leh inkhawmpui hlanna Pastor Lalnghinglovan a nei a, Inrinni nilengin rorel inkhawm an nei bawk.
Inkhawmpui rorelna chuan kum 2020-2021 budget atan Rs 96,266/- a pawm a ni.
Speaker rawngbawlna kohhran hoten an hlawkpui hle a, ni 23 Pathianni zan khan Serchhip bial PYD inkhawmpui hi a tiak ta a ni.
REIEK BIAL
Reiek Bial te chuan Silver Jubilee lawmna leh inkhawmpui inbuatsaihna an kalpui mek a,
February ni 16 (Pathianni) khan Silver Jubilee lawm dan turte Bial Committee chuan a ruahman a ni.
Reiek bial LAD Inkhawmpui vawi 25-na leh Silver Jubilee lawmna chu February ni 22-23, chhung khan Rulpuihlim kohhranah neih a ni.
Inrinni chawhmaah rorel inkhawm an nei a, an thurel langsar zual zingah,
Kum 2021 Bial LAD Inkhawmpui Chungtlang Kohhran a hmante,
Pastor Quarters budget atan Rs. 5500 dahte,
Bial huap Bible ralchhan buatsaihte,
Buhfaiṭham ṭham tha hnenah lawmman pekte, leh
Silver Jubilee pual a ATI-ah ₹ 4000 pekte a tel a ni.
Inrinni chawhnuah Silver Jubilee lawmna inkhawm neih chhunzawm a ni a, Reiek Bial LAD hruaitu lo ni tawhte chawimawina citation pek an ni a,
Hruaitu hluite hian thusawina hun an nei bawk.
Inrinni zan aṭanga Pathianni zan thlengin revival inkhawm neih a ni a, Tk. Michael Lalramchhana, Tualbung chu speaker-ah hmangin, a ni hnen atang hian Pathian thuchah ngaihthlak thin ani.
Unaunu PC. Lalbiakdiki, Reiek chuan inkhawmpui chhung hian zai a rawngbawlna a nei ṭhin bawk.
Reiek Bial LAD Inkhawmpui hi Bial kohhranpui hruaitute leh tualchhung kohhran committee ten an hmanpui a, ni 23 Pathianni zan khan tluang tak a hman zawh a ni ta a ni.
RABUNG BIAL
February ni 21-23 chhung khan Rabung Bial LAD Inkhawmpui vawi 26-na chu Rabung Mizoram UPC Biak Inah hman a ni.
Rabung Bial LAD Inkhawmpui ah hian Rawngbawltu (Speaker) atan Bialtu Pastor K.Zoramchhanthanga hman a ni a. Speaker hnen aṭangin Pathian thu ṭha tak tak ngaihthlak thin a ni.
Pathianni chawhnu inkhawmah Bial LAD Bible ralchhan lawmman sem a ni a, Lawmman pakhatna dawngtu Unaunu Lalhmachhuani a ni a, Unaunu Vanlalhlani leh Unaunu Lalbiakveli ten an dawt a ni.
Rabung Bial LAD inkhawmpui rorelna chuan,
Kum 2021 Rabung Bial LAD inkhawmpui chu Rabung kohhranah bawk a nghat a,
Bial LAD hminga Missionary Support neihte,
Kum 2020 chhung a Bial huap a Seminar neihte leh
Pastor Quarters thuam ṭhat nan Rs. 5000/- budget siamte a pass a ni.
Rabung Bialah hian Tualchhung 4 ah LAD a ding mek a ni.
February ni 17, Thawhṭan Ni khan Rabung Bial a Aiduzawl Mizoram UPC Kohhran te chuan Biak In sak ṭhatna turin Biak In lungphum an phum.
Biak In lungphum hi Kohhran Chairman Upa Biakhmingthanga'n a phum a, Ṭawngṭaina hun hmangin Thlarau lam hla nen kohhran mipui ten hun an hmang a,
Biak In sak hnatlang an nei chhunzawm nghal a ni.
BARAK VALLEY BIAL
Ni 22 (Inrinni) khan Barak Valley Bial a Hmarkhawlian Kohhranah Pathian Chawimawina neih a ni a, Unaupa Rualtinkhuma, Zemabawk chu speaker-ah hman niin, thuhril rawngbawlna a nei a ni.
Ni 23 Pathianni khan inkhawm banah Bastisma rawngbawlna Bialtu Pastor W. Amenthanga’n a nei bawk.
Barak Valley Bial chuan February ni 28 – March ni 1 chhung hian Bial Inkhawmpui Zokhawthiang Kohhranah an hmang ang.
BILKHAWTHLIR BIAL
Bilkhawthlir Bial PYD Inkhawmpui tluang tak a hman a ni.
He Inkhawmpui hi ni 21 - 23 Pathianni hmang khan Saipum Kohhran Biak In ah neiha ni a, Inkhawmpui palai mi 116 chuang an riaklut a ni.
Pastor Lalrinmawia Varte, Bialtu Pastor; Pastor Lalmuanpuia Vaiphei, Dimapur leh Tirhkoh Emmanuel Lalthianghlima General-in Saiphai hmun a rawngbawl tur a a dah mek te chuan inkhawmpui chhung hian thuhril rawngbawlna an nei a ni.
Pathianni chawhnu inkhawmah Estheri lehkhabu hmangin Tualchhung hrang hrang PYD te chuan Bible Quiz an nei a,
kum danga an tih ṭhin angin bial chhunga pawl 12 leh a chunglam zirlai hlawhtlinna chang mi 5 te hnenah chawimawina citation an hlan bawk.
Inkhawmpuiah hian Baptisma khur hawn a ni a, mi 6 in sual ngaihdamna tui Baptisma changin, heng zingah hian kohhran dang atangin mipakhat a tel bawk.
Inkhawmpuiah hian Bialtu Pastor-in nau 2 a hlan bawk a ni.
Bilkhawthlir Bial PYD inkhawmpui rorelna chuan,
Kum 2021 Bial Inkhawmpui Kualmawi kohhranah a nghat a,
Saiphai Hmarveng Preaching point-ah thilpek hlante,
Bial huap a thisen pekte a pass a ni.
Kum 2020 Budget atan (Nuaikhat sangnga zaruk)₹ 1,05,600/- a pawm bawk.
Inkhawmpui report atanga a landanin, Bilkhawthlri Bialah hian Kohhran parukah PYD a ding mek a, member 290 awm mek a ni.
Bilkhawthlir Bial PYD chuan kumin October ni 17 hian an kum 25 an lawm dawn a, chak takin inbuatsaih an kalpui mek ani.
Saipum Kohhran Bilkhawthlir Bial a Pentecostal Pa Pawl chuan ni 24 (Thawhṭanni) khan an kum 1 tlinna an lawm.
Saipum field-ah infiamna chi hrang hrang hmangin intihhlimna an nei a,
Zan lamah Raising Day lawmna hi Sunday School hall-ah an hman chhunzawm bawk.
KOLASIB VENGLAI BIAL
Kolasib Venglai Bial Missions Department hmalaknain Ni 20 Ningani khan Thinglian khuaah Tirhkoh Quarters sak hnatlang bial huapin an nei a,
mi 80 chuang an thawk chhuak.
Thinglian khua ah hian Kolasib Venglai Bial Missions Dept chuan Tirhkoh rawngbawl turin rawih nise a ti a, Appeal-na te neiin, Thinglian khua a rawngbawl tur hian Tirhkoh Lalzidinga Zemabawk chu lak a ni a, March thla atang hian rawngbawlna a tan ang.
Ni 21-23 Pathianni hmang khan Kolasib Venglai Bial PYD te chuan Bukvannei Kohhran Biak inah inkhawmpui an nei.
He inkhawmpui hi Zirtawp zanah tanin, Lengkhawm zai leh Quiz hmang a intihsiakna tualchhung hrang hrang PYD-te chuan an nei a, Ni 22 (Inrinni) nilengin rorel inkhawm an nei bawk.
Kolasib Venglai Bial PYD inkhawmpui chuan Kum 2020-2021 Budget atan cheng nuaikhat singnga zanga pahnih (Rs.1,50,502/-) an pawm a ni.
Inkhawmpui report atang a a landanin Kolasib venglai Bial ah hian PYD member mi 255 an awm mek a ni.
Ni 24 Thawhtanni khan Kolasib Venglai Kohhran Missions Department hmalaknain mithahnem tak Birpara hmun ah Work Camp nei turin an kal a, Rev.P.Lalrinawma bialtu Pastor pawh Work Camp-ah hian a kal a ni.
DILKAWN BIAL
Dilkawn bial LAD Inkhawmpui chu ni 21-23 Pathianni hmang khan Lianpui kohhranah tluang tak a neih a ni a, Pastor Lalhmachhuana chu Speaker-ah hman a ni.
Dilkawn Bial LAD inkhawmpui rorelna chuan
Kum 2021 inkhawmpui Vangchhe kohhranah a nghat a,
Pastor Quarters ah Gas Stove dahte,
Chanchinṭha Johana ziak hmang a Bible ralchhan neihte leh
Bial huap a Seminar cum Revival neihte chu rorelna chuan a pawm bawk.
THENZAWL BIAL
Thenzawl Bial LAD Inkhawmpui Vawi 7-na chu Ni 23 Pathianni hmang khan Vengpui Kohhranah hman a ni a, inkhawmpui chhung hian Emanuel Ramtharnghaka’n thuhril rawngbawlna a nei a ni.
Kum 2021 inkhawmpui PTS kohhran a nghahte,
Inkhawmpuiah Buhfaiṭham ṭham tha lawmman pek leh nise tihte,
Samuela bu hmang a, Bible ralchhan buatsaihte,
Bial huap Revival cum Seminar neihte
Bial LAD hming a Missioanry Support ₹ 5000 pekte leh
March ni 12 LAD Day Bial huap a hmante chu Thenzawl Bial LAD inkhawmpui rorel langsar zualte an ni.
RUANTLANG BIAL
Ruantlang Tualchhung Kohhran PYD te chuan kum 2016 aṭanga inbuatsaihna an lo neih tawh, Ruantlang khua a PYD kum 50 (Golden Jubilee) a tlin lawmna chu kar kal ta, Ni 19 (Nilaini) - Ni 23 (Pathian ni zan) thleng khan Kohhran mipuiten hlim takin an hmang.
He Jubilee hmanna ah hian Mizoram UPC General Secretary Rev. Hc. Lalthlamuana leh President Geneneral PYD. Upa. Vanlaldintharate chuan hmanpuiin, thuhril rawngbawlna an nei a,
Unaupa. F. Lalnuntluanga Treasurer GPYD leh
General PYD hnuai a Social Wing Committee aṭangin member mi 5 an kal bawk a ni.
Ruantlang PYD te hian Ni 19 Nilaini nilengin outdoor item hlimawm tak an hmang a, zan lamah Jubilee hawnna inkhawm neiin, PYD Adviser T. Upa. Vanlalhmuakan inkhawm a kaihruai a, Jubilee hawnna leh Pathian thuchah Upa Bs. Mawia Chairman Ruantlang kohhran hnen aṭangin ngaihthlak a ni.
Ni 20 Ningani khan LAD te nen outdoor programme an hmang a,
zan lamah hruaitu hluite pualin hun an hmang bawk.
Ni 21 Zirtawpni khan Jubilee lawmna pui ber hmangin zing dar 70:00 ah lungphun hawnna leh Jubilee dar vuak a ni a ,
chhunah revival inkhawm neih chhunzawm a ni bawk.
He inkhawm hi Upa. Ms. Dawngzela, Kohhran Secretary chuan a kaihruai a, hruaitu hluite hnenah chawimawina thilpek hlan a ni.
Jubilee lawmna inkhawmah hian Rev. Hc. Lalthlamuana General Secretary chuan Souvenir a tlangzarh bawk.
Jubilee zaipawl ten Jubilee hla mawi takin an rem a,
Unaupa Bualchhuaka President PYD chuan thuhril rawngbawlna neiin, tlai lamah
Kohhran mipuiten Bawng, vawk leh Arsa ruai an kilho a ni.
Zirtawp zanah T. Upa Lalropuia, hruaitu hlui, kanaan kohhran a lawi chuan thuhril rawngbawlna a nei a ni.
Ni 22 Inrinni nileng Seminar inkhawm an nei a, Unaunu
R. Zothanpuii, Social Wing Committee Member chu resourse person niin, 'Ṭhalaite leh hmasawnna' tih thupui hmangin zirtirna a nei a, tlai lamah kalkhawm ten ruai an kilho bawk.
Inrinni zan inkhawmah hian Upa. Ms Dawngzelan thusawina hun a nei a ni.
Rev. Hc. Lalthlamuana General Secretary MUPC chuan Pathianni chawhmaah Pathian thuchah sawiin, chawhnu inkhawmah Upa. Vanlaldinthara, President GPYD chuan rawngbawlna a nei thung a ni.
Pathianni zan inkhawmah Unaupa Lairokiman thuhril rawngbawlna a nei a,
Jubilee hman chhung hian zaithiam tak tak ten zai rawngbawlna an nei bawk.
Golden Jubilee lawmna chu tluang takin Pathianni zan hian hman zawh a ni ta a ni.
KAWRTHAH BIAL
Ni 23 Pathianni hmang khan Kawrthah Bial Missions Department inkhawmpui chu Kawrthah kohhran ah neih a ni.
Inkhawmpui chhung hian Pastor RT Rodingpuia, Tirhkoh Zohmingthanga, Tirhkoh Zionramngaihzuala leh Upa Lalfakzuala ten thuhrilh rawngbawlna an nei a ni.
Ni 22 inrinni khan Naupang Sunday school hall ah Rorel inkhawm an nei a,
Kum 2021 inkhawmpui Kawrthah Kohhran a hmante,
W.Bunghmun ah Tirhkoh rawngbawl tur a rawihte chu thurel pass langsar zualte an ni a,
Kum 2021 Budget pumpui atan cheng Nuaikhat singthum zakua (Rs 1,30,900) an pawm bawk.
Kawrthah Bial Missions Department inkhawmpui chu Pathianni zan khan a tiak a ni.
N.MUALCHENG BIAL
N.Mualcheng Bial P.Y.D. Inkhawmpui Vawi -4 na chu February Ni 21-23 chhung khan N.Mualcheng kohhranah hman a ni.
He khawmpui hi General P.Y.D. hruaitute:
Upa.H.Lalhmachhuana (Editor Pentecost Meichher)
Unaupa Mesak Vanlalthlana (Vice Chairman Social Wing)
T.Upa Gideon Vanlalhnehsaka (Secy Documentation Committee) leh
Unaunu Vanlalrimawii (Treasurer, Documentation committee) te chuan an hmanpui a, N.Vanlaiphai Bial atangin mithahnem takin an hmanpui bawk.
Pathianni chawhnu inkhawmah "Thalaite Intodelhna leh Mipat/Hmeichhiatna laka thianghlimna" tih thupui hmangin Seminar an nei a, unaunu Vanlalrimawii leh Unaupa Mesak Vanlalthlana ten zirtirna an pe a ni.
N.Mualcheng Bial PYD Inkhawmpui rorelna chuan
Kum 2021 P.Y.D Inkhawmpui N.Mualchengah a nghat a,
Inkhawmpui ah hian Lengkhawmzai, Quize leh Group zai intihsiakna neih leh nise an ti bawk.
Kum 2020-2021 budget atan Rs. 39,650/ an pass a ni.
EDUCATION BOARD-IN THAWKTU LA THAR
15 Nov, 2024
ATI GRADUATION DAY HMAN A NI
31 Oct, 2024
DISTRICT 6-AH INKHAWMPUI HMAN A NI DAWN
31 Oct, 2024
