United Pentecostal Church
of Mizoram

Rev. Andrew L. Singson chu Sikkim Field seminar cum Revival hmanpui turin November ni 12 Ningani khan a zin chhuak a, Nov ni 14 & ni 15 hian Seminar cum revival hi an hmang ang. General Missions Dept. Secretary hian a cham chhung hian Nov ni 16-ah Oneness Seminar Siliguri ah a hmanpui ang a, Ni 17 hian Manja hmunah, Karbi Anglong Field Committee a telpui bawk ang. Rev. Andrew L. Singson hi Nov ni 20 khian Aizawl a lo let leh dawn a ni.

Rev. Lalngaizuala Secretary General SS Dept chu Kawrthah Bial LAD revival hmanpui turin vawiin Inrinni hian a zin chhuak. November ni 16 Thawhtanni ah Aizawl a lo let leh ang.

Rev. Gospelthanga Secretary, Southern Zone chuan Nov ni 15 Orphanage Sunday chu Chanmari kohhranah a hmang ang a, thu a sawi ang.

# Mizoram UPC hnuaia Area 13 te chuan inkhawmpui an hmang zova, nakum atang chuan Area 13 te hian General Assembly ruahman angin November Pathianni vawihnihna ah, a rualin inkhawmpui an nei tawh ang.

KHAWTHLANG AREA

Khawthlang Area chuan inkhawmpui vawi 29-na Ainawn kohhran Biak In ah November ni 8 Pathianni hmang khan an nei a, Executive Chairman Upa F. Lalremmawia’n a hmanpui a, a ni bakah hian thuhril rawngbawl hna, Tirhkoh Lalhmachhuana, Sairang Bial, Upa H. Rosangliana Mamit Bial, Rev. R. Lalnghaksanga Dinthar Bialtu leh Rev. Pc Parliana Area Superintendent te chuan an thawk a ni. Khawthlang Area inkhawmpuiah hian Pathianni zan inkhawm chu mipui inkhawm tam ber tum niin, mi 900 bawr vel an inkhawm a ni. Khawthlang Area inkhawmpui ro relna chuan: Mizoram UPC Danpui kaihhnawih hrang hrang siam that rawtna lo lutte a ngaihtuah a, Executive Committee leh General Assembly-ah thlen tur a ni. Area Committee-in Tirhkoh a rawih mekte nakum atana rawih chhunzawmte leh an lawmman tih san an pawm a, Mizoram UPC hnuaia Fulltime a thawktu zawng zawng Agreement ziah pui a, Legalise tura ro relna sang zawk a thlen an rel bawk. Mizoram UPC kohhran atanga Lehkhabu chhuah reng reng Bookroom Board kaltlang chauha hralh rawtna ro relna sanga thlen an rel bakah Kum 2027 Area Budget an ruahman bawk a ni. Kum 2027 Khawthlang Area inkhawmpui chu Mamit Bialah hman a ni ang.

HMARCHHAK AREA

November ni 6-8, chhung khan Hmarchhak Area inkhawmpui Sakawrdai hmar veng Biak inah hman a ni a, Rev. Lalngaizuala, GSSD Secretary-in a ho. Inrinniah ro rel inkhawm an nei a, Upa Vanlaldinthara, Hmarchhak Area Chairman chuan kaihruaiin, an thu rel langsar zual zingah, 1)Kum 2027 Area inkhawmpui chu Thuampui bialah an nghat, 2)Kum 2027-ah Area kalatlanga Tirhkoh 1 rawihte, 3)Area Revival team din mek chu changtlung zawka kalpuite, 4)Ro relna sanga theln turin Kohhrana thawktu Assistant Grade hna lak ṭhin chu Grade-III entry grade-a hmangin Grade-III aṭang zela lak rawtna, 5)Mizoram UPC Day April ni 1 a hman rawtna leh, 6)Fixed Pay Pastor tih thin chu Probationary Pastor tih a thlak rawtna te an pawm a, Kum 2027 Area budget an ruahman bawk a ni.

LUNGLEI AREA

Lunglei Area inkhawmpui Lunglei S bial, Electric veng Biak in a neih chu November ni 6-8, chhung khan hlim tak a hman niin, Lunglei Area inkhawmpui hi Rev. HC. Lalthlamuana L&PB Chairman-in a hmanpui a ni. Inkhawmpui ro rel Inrinni nilengin an nei a, 1)Kum 2027 Area inkhawmpui chu Mualthuam N bialah an nghat a. 2) Ro relna sang zawka thlen tur agenda 5 an pass bawk.

LAWNGTLAI AREA

Lawngtlai Area pawhin Inkhawmpui Vawi 30-na November ni 6-8 Pathianni hmang khan Diltlang South Bial Diltlang South kohhranah an hmang a, General Secretary Rev. C. Lalawmpuia’n a hmanpui a, Lalhmudik zai rawngbawlna neiin General Secretary hi a tawiawm a ni. November ni 7 Inrinni khan Govt High school-ah Rorel inkhawm an nei a, An thu rel langsar zual zingah 1.Kum 2027 Area inkhawmpui Hmawngbu bial a hmante, 2.Apostolic mission tanpuina pekte 3.Ram beih na tur Budget a dahte, 6.Area Inkhawmpui ah Sacrament rawngbawlna neihte, 7.Area Revival Crusade neihte chu Lawngtlai Area inkhawmpui ro rel langsar zualte an ni a, 9.Executive committee leh General Assembly a thlen tur Agenda 6 an pawm bak a ni.

MANIPUR AREA

Manipur Area inkhawmpui Senvon Biak a nghah chu Nov Ni 6-8 chhung khan hlim taka hman zawh a ni. Manipur Area inkhawmpui hi Rev.T.Laldingliana ATI Lecturer in a hmanpui a, Inkhawmpuiah hian Area chhunga rawngbawltu pawimawh tak tak ten rawngbawlna an nei a, Lucy Doihneikim leh Tk.Lalnunthara ten zai rawngbawlna an nei thin a ni. Inrinniah rorel inkhawm an nei a, Agenda 11 zingah 10 an pass a, Area hmalakna tur bak ah ro relna sang zawk a thlen tur engemaw zat an rel ani. Manipur Area inkhawmpui ah hian revival nasa takin a thleng a, he hlimna kal zelah hian Nov Ni 9 Thawhtanni khan Senvon bialtu Pastor J.Rinnaliana te chhungkua chuan Pathian hnena lawmthusawina an nei a, Rev. T.Laldingliana'n rawngbawlna a neih chhunzawm a ni.

RAMTHAR AREA

Ramthar Area chuan INKHAWMPUI VAWI 16-NA Nov ni 8 Pathianni hmang khan hlim takin an hmang. Inkhawmpui hi November ni 6 Zirtawp zan atanga hman tan a ni a, Dona, Meghalaya Bialah nghah niin, palai riak lut an thahnem hle a, Rev. Rokhuma General Treasurer chuan hmanpuiin, T.Upa Siama, Kawnpui leh Upa Zorammuana(Patea)te'n an ṭawiawm a ni. He inkhawmpuiah hian speaker tura ruat bikte, Rev.Rokhuma General Treasurer, Pastor Ramhmingthanga Meghalaya Bial leh Tirhkoh Lalrinsanga Pudaite Haflong-te'n thuhril rawngbawlna an nei a, Area chhunga zaithiam unaupa Sinlungthang, unaunu Beula leh Zoparmawii ten Pathian fakna hla an sa ṭhina, a thlengtu bial Dona leh Topcem Kohhran aṭangin PYD group zai ngaihthlak thin a ni bawk. Inrinni chhunah Rorel inkhawm neiin, Kum thar 2027 Ramthar Area inkhawmpui chu Ankhasua, Barak Valley biala nghah a ni. . He Area inkhawmpui atang hian Thlarau baptisma chang thar mi 20 chuang an awm a, hlim taka hman zawh a ni.

TRIPURA AREA

Tripura Area inkhawmpui Bijoy Giri hmunah tluang taka hgamn zawh a ni. Inkhawmpui hi Nov ni 6 -8 chhung khan hman niin, Rev. Andrew L. Singson secretary General Missions Dept chuan a hmanpui. Area inkhawmpuiah hian Hindu chhungkua Pakhat nupa leh kohran member Pakhat te chuan Lalpa Isua hmingin baptisma an chang a, Pathian Thlarau Thianghlim awmpuina hnuaiah hlim takain Tripura Area inkhawmpui hi hman zawh a ni.

North Eastern India Area

North Eastern India Area chuan Conference vawi 5-na November ni 6 - 8 chhung khan Lower Assam Mission Field, Burachara khua ah an hmang a, General Missions Department Chairman, Upa H Lalzirliana hovin, Upa Robert Lalramchuana (khamrang) leh Upa Malsawmthanga (chungtlang) leh Unaunu Mimi Vanlalhriati ten an hman pui a ni. Conference-ah hian North Eastern India Area chhunga field hrang hrang 8 atang leh Area dang chhimtu te nen palai 283 riak lut an awm a, a thlengtute leh khawtual mi chhimtu te nen inkhawm apiang in Pandal chhungah mi 500 an chuang deuh reng a ni. Inrinni zing dar 9 atangin Pathian biak inkhawm an nei tan a, nikhat ah vawi 3 zel inkhawm an nei thin a, inkhawmpui an hman chhung hian tum 6 inkhawm a awm ani. North Eastern India Area Conference-ah hian Inrinni chawhma ah Pastor Letgin Khongsai. Inrinni chawhnu ah Evan Thimu Feedhu. Inrinni zan ah Pastor Moloi Doley. Pathianni chawhma ah Upa H Lalzirliana. Pathianni chawhnu ah Upa Robert Lalramchuana leh Pathianni zan ah Pastor LK Dongliana ten thuhril rawngbawlna an nei a, He inkhawmpuiah hian Kohhran dang atanga Lalpa Isua hminga Baptisma chang mi 2 an awm a, Thlarau thianghlim Baptisma chang thar mi eng emaw zat an awm bawk a, inkhawmpui hi palai ten an hlawkpui hle a, Pathian awmpuina hnuaiah Nove ni 8 Pathianni zan khan a tiak a ni.

Education Board

Mizoram UPC Education Board chuan Zirtirtu lakna Written Exam leh Personal interview November ni 12 Ningani khan, General Headquarters Office-ah an nei a. Bethani Residential English Medium School, Sihhmui a thawktu lakna diltu pathum zinga mark hmu sang ber unaunu Ramtharnghaki a pa H. Lalbiakhluna (L) chu an la. Zirtirtu lak thar hi January ni 4, 2027 ah Principal hnenah Joining report pe in thawk tan tur a beisei a ni. Education Board chuan zirlai harsa te hnena tanpuina a pek thin chu chhunzawm a rel a. Diltu pakhat an neih chu an chhungkaw dinhmunte leh zirna kawng a tih that dante an zirchian hnuah tanpuina sum fai Rs, 30,000/- pek an remti a ni.

L&PB

L&PB chuan November ni 10 Thawhlehni khan Committee Room General HQ Office-ah meeting an nei a, NPSS chawhnu zirbu Workshop neih zawh a nih thu leh Danpui leh Rules Bu copy 500 ve ve chhut thar a, Rs. 150 a hralh chhuah tur anih thu Secretary Report-ah tarlan a ni a, L&PB Library chu ATI enkawl tur a hlan fel niin, Kohhran Hla bu Android Application siam thar anih thu Secretary report-ah hian tarlan a ni bawk a ni. L&PB thu khawm chuan kum 2027 Calendar copy 6000 siama rel a, Rs.20 a hralh turin a ruahman. Nitin Lalpa nen (Chhung inkhawm Bu 1) chu nakumah tihchhuah an rel a, Executive Committee a thlen turin General Assembly neih hmasak ber kum atan March ni 11, 1995 chu an pawm a ni. Thu leh hla kutpui General PYD nen tangkawp a an buatsaih leh Rodingliana Nite te chu an thlir let a, a hlawhtling hleah an ngai a ni.

Orphanage Sunday

Mizoram UPC ni pawimawh Orphanage Sunday November ni 15 kan lo thleng leh dawn ta a, Bethani Board atanga ngenna kan hmuh angin Fahrahte ni ah hian an puala thawhlawm thahnem ngai taka thawh turin mipuite kan in sawm a. Kohhran in fahrahte tana chenna a buatsaih Bethani Chilrens Home Sihhmui-ah thil pek kawnga tan la thar tur leh naupang leh thawktute tan a tawngtaina nei thin turin kohhran mipuite kan inngen a ni. Tun Dinhmunah Bethani Childrens Home-ah hian naupang 34, mipa 22 leh hmeichhia 12 an awm mek a, kum 2 atanga kum 16 inkar an ni. Thawktu hi mi 11 awmin, mi 7 in an awmchilh a, lang a kal hi mi 4 an awm bawk a ni.