United Pentecostal Church
of Mizoram

ATI

ATI Graduation Day hman a ni.

Mizoram UPC Bible School, Apostolic Theological Institute, Durtlang chuan

July ni 29 Ningani khan Mizo Section Graduation Day an hmang a,

Fimkhurna uluk taka kalpui niin, hand sanitizer leh hmai tuamna \ha tak a hman a ni a

Mizoram UPC Puipa ten he hun hi an telpui a ni.

Graduation Day inkhawm hi Rev HT Vanlalengmawia, Lecturer chuan a kaihruaia,

Rev B Lalchhanhiman hunserh a hmang a ni.

He inkhawmah hian zirlai hruaitu Vanlalrual’an report a pe a,

Dean Rev Zoramthara hnen a\angin result leh ATI report-te ngaihthlak a ni.

Kum 2021 session ATI Mizo section-ah hian zirlai mi 50 an awm a,

1^st year-ah mi 15, 2^nd Year ah mi 22 leh 3^rd year-ah mi 13 te an ni a, an vaiin an passed vek a ni.

1^st year zirlai ti \ha ber hi R.Lalnundiki Serchhip a ni a,

2^nd year-ah H.Lalrinsanga Khumtung in Mark a hmu sang ber bawk.

3rd year a pakhat na hi Tirhkoh Ramhmingthanga Kawrtethawvenga a ni a,

Pahnihna Vanlalruala Tlangpui leh

Pathumna Vanlalpeka Bilkhawthlir te an ni.

Zirlaite hi Certificate leh lawmpuina thil pek hlan an ni a,

Graduate zinga ti \ha ber Tirhkoh Ramhmingthanga, Kawrtethawveng hnenah DL. Nunpuia Award

Bible leh pawisa Rs.1000 keng tel chu Rev HC Lalthlamuana General Secretary in a hlan bawk.

Graduation Day-ah hian Rev C.Lalremsanga, General Superintendent hnen a\angin

Thusawi ngaihthlak a ni a, ‘Zirtirna diklo lenna, Pathian thu hmanga indona khawvelah hian

Pathian thu leh thlarau ngunhnam hmanga rawngbawl tur kan ni’ a ti.

He hunah hian Rev P.Lalrinawma chu zirlai te tan fuihna thuchah sawi tura sawm a ni a,

A hnen a\ang hian fuihna thu \ha tak tak ngaihthlak niin,

Bible school zirlaite, kohhran zinga thurin inhnialna atthlaka tello tur leh

Kohhran in pumkhatna ti chhe thei thila inhambuailo turin a chah a ni.

Graduation Day inkhawm hi Rev PC Lal\anpuia, Secretary General Missions Dept.

Chuan tawngtaina in a tin a ni.

Graduation Day-ah hian ATI Board Chairman Upa Dr.Saingura Sailo chu dam lohna avangin

A tel thei lova, Principal Rev Thangliansanga pawh hrileng avanga an chhungkua Home Quarantine

An tawh avangin he hunah hian a tel theilo bawk.

Kum 2021 session ah hian ATI Mizo section hi hrileng karah

fimkhur taka kalpui a ni a, zirlaite Hostel-ah inkhung vekin

pawn lam mi tumah tlawh pawh phal an ni lo va,

Lecturer te pawhin Online hmangin class an kalpui \hin a ni.

Kum dang ang lovin kumin session hi thla hniha pawh tawi a ni a,

Syllabus erawh zawh vek hman a ni.

LIVE Crusade

General Headquarters buatsaih Live Crusade chu Inrinni zan a\ang hian neih leh a ni dawn a,

July ni 31 zanah Tirhkoh Emanuel Ramtharnghaka’n thuhril rawngbawlna a nei a nga,

August ni 1 Pathianni chhunah Tirhkoh Ch.Lalhmingmuana,

zanah Rev B.Kapmawia ten thuhril rawngbawlna an nei bawk ang.

Live Crusade-ah hian

Pastor Lazuru, Nagaland, Tirhkoh Lalmuanpuai Vaiphei, Sikkim Field leh

Pastor Jonathan Lalromawia, Delhi-te biang biakna hun neih a ni leh dawn a ni.

Live Crusade hi Pentecost YouTube channel-ah in lo thlir leh vek dawn nia.

Senior Pastor pensioner Rev. Hrongkholal Thiek vuiliam a ni.

Rev. Hrongkholal hi July ni 6 khan Covid-19 a positive tih hriat a ni a,

Halflong Civil Hospital ah enkawl niin, \hat lam a pan mai theih loh avangin July ni10 khan Diphu Medical College and Hospital, Diphu Karbi Anglong ah enkawl leh a ni a, July ni 19 khan Covid-19 hri a\anga fihlimin damdawiin a chhuahsan a, mahse pum na leh thawkna lamah harsatna nei chhovin

July ni 22 khan a boral ta a,

NC Hills Bialtu Pastor C. Lalbelhliana'n

He mi ni vek hian Rev Hrongkholal Thiek hi a vui a ni.

Rev. Hrongkholal Thiek hi Mizoram pawn aṭanga Mizoram UPC Kohhran lo zawm hmasaber Bial (NC Hills) Bialtu Pastor hmasa ber a ni a,

May 1, 1979 a\angin UPC NEI Churachandpur District hnuai ah Pastor Rawngbawl hna thawk ṭanin,

December ni 31, 2010 khan Mizoram UPC hnuai a NC Hills Bial Pastor hna atangin a pension a ni.

Rev. Hrongkholal Thiek hi

NEI UPC hnuaiah Bial panga

Singat Bial, Parbung Bial, Darchawi Bial

Haflong Bial leh Jirimukh Bialte a lo enkawl tawha,

Churachandpur District Secretary leh Tripura District Superintendent te a lo ni tawh bawk.

Mizoram pawn a\anga Mizoram UPC zawm hmasaber NC Hills in Kum 1997 a

Mizoram UPC an rawn zawm khan, Rev. Hrongkholal hian UPC NEI Jirimukh Bialtu Pastor hna chu chawlhsanin

Mizoram UPC a lo zawm ve a, January 1998 a\angin Mizoram UPC Pastor rawngbawlna hna

a thawk \an a ni.

Mizoram UPC hnuaiah hian a pension thlengin a awm a,

N C Hills Bialtu Pastor hna hi vawihnih kum 1998-2004 leh kum 2007-2010 chhungte khan a chelh a,

Jiri Bial hi (2005-2006) chhung khan a enkawl bawk a ni.

A dam lai hun \ha zawng zawng Pathian rawngbawlna atan a hmang Rev. Hrongkholal Thiek

boralna hi ram pum huap kohhran te tan chuan chan na nasa tak a ni.