General Treasurer
General Treasurer Rev PB Lalhmuliana chu October ni 14 Ningani khan Saikawt Bial leh Imphal Bial tlawhin a zin chhuak. General Treasurer hian Saikawt Bial Pastor Quarters sak dan tur leh Imphal Bial Pastor Quarters hmun turte a enfiah dawna,
Leimakhong kohhran Biak In sak mek a tlawh bawk ang.
General SS Dept.
General SS Dept. Executive Board chu October ni 12 Thawhlehni khan Conference Hall, General Headquarters Office-ah an \hukhawma,
Chairman Tirhkoh Ch.Lalhmingmuana’n a kaihruai. General SS Dept. Executive Board meeting chuan October ni 19 Thawhlehni a General Board an neih tur chungchangte sawihoin, Bial hrang hrang atanga Agenda lo lutte thlirhona an neia,
Official Agenda tur an sawiho bawk. General SS Dept. ro relna sang chuan Kum 2022 leh kum 2023 Naupang chawhnu zirbu tur an sawiho bawka, kum 2022 atan Rev Zoramthara ziah chu an thlang a, kum 2023 ah Beginner leh Primary Dept. zir atan zirlai bu- 1na Rev PB Lalhmuliana buatsaih leh Junior atanga Doctrine Dept. te zir turin zirlaibu 2 na, Rev PC Parliana ziahte chu an thlang bawk. Heng bakah hian meeting chuan SS Hall sak tanpuina Champhai Venglai kohhran leh Saidan kohhran Kolasib Bial te pek a remti a ni. General SS Dept Executive Board \hutkhawmah hian Kum 2022 Budget ruahman unaunu C.Lalbiakhluni Treasurer-in a pharh chu pawm a ni a, General Board-ah ngaihtuah atan chhawpchhuah a ni ang.
LITERATURE & PUBLICATION BOARD
Literature & Publication Board buatsaih One day workshop chu
October ni 14 Ningani khan Conference Hall, General Headquarters Office-ah
neih a ni a, he workshop-ah hian
Pastor K. Lalhmingsangzuala lehkhabu ziah ‘Isua thilmak tih te’ tih leh,
T. Upa Lalthlamuana buatsaih
‘Lengkhawm hla leh a phuahtu Pentecost hranghluite’ tih chu endik a ni.
General PYD
PYD General Board vawi 25-na (Inkhawmpui lian aiawh rorel vawi 2-na) chu
Dinthar kohhran Biak Inah October ni 8 (Zirtawpni) khan
Upa Vanneia Pudaite, President, GPYD kaihhruaina hnuaiah tluang taka neih zawh a ni a,
palai mi 47 in ro an rel a, Mizoram UPC puipa leh General LAD hruaitu ten an telpui a ni.
Ro rel inkhawm hlanna Upa C. Lalropianga Executive Chairman chuan a neia,
Kum 2020 - 2021 PYD General Board inkara PYD member boral
mi 57 te sunna hun Rev. PB Lalhmuliana, General Treasurer chuan a hmang bawk.
PYD General Board chuan
Kum 2022 PYD General Inkhawmpui neih hun atan September ni 23-25 a ruata,
a hmun tur erawh chu Executive Board kutah a dah.
Kum 2025 PYD General Inkhawmpui Kawrthah Bialah nghah a ni a,
General PYD Inkhawmpui thlengtu puihna PYD Member tinah ₹10 a khawn ṭhin chu
₹20-ah tihsante,
General PYD Conference fund ₹300 ni mek pawh ₹500 ni rawh se tihte,
General PYD Inkhawmpui neih loh kumah rorel inkhawm neih ni se, rorel palai insiam ni bawk se,
Mizoram UPC rorelna sangah pawmpui tura thlen chhoh nise tihte,
Kum 2022 ah General PYD huaihawta ram pum huap Blood Donation Camp neihte,
Ram pum huap Seminar Paper zirho tur “Hripui leh Kohhran, Tisa leh Thlarauva Kohhrante”
tih thupui hmanga buatsaihte chu General Board ro rel langsar zualte an ni a,
Bible Quiz, Article inziahsiak, thawnthu tawi inziahsak General PYD hminga
buatsaihte leh ruihhlo ngaite puala chawnghei ṭawngṭai neihte an pass bawk.
Kum 2022 General PYD Budget atan cheng nuai sawmhnih pariat singsarih sangruk zanga
(₹ 28,76,500/-) General Board chuan a pawm bawk a ni.
PYD General Board hi ni 8 ni khan tluang taka zawh fel a ni a
Rev. C. Lalremsanga, General Superintendent chuan tawngtaina in a tin a ni.
