United Pentecostal Church
of Mizoram

Mizoram UPC General Sunday School Department ro relna sang General Board chu vawiin khan Mizoram UPC Conference Hall General Headquarters Office ah neih a ni a, Tirhkoh Ch.Lalhmingmuana Chairman General SS Dept. chuan kaihruaiin, Mizoram UPC Puipa, General Superintendent Rev C.Lalremsanga leh General Secretary Rev HC Lalthlamuana ten an telpui a ni.

Mizoram UPC General Sunday School Dept ro rel inkhawm ah hian, kum 2022 Puitling Sunday School zir tur ‘Tirhkohte Thiltih bu’, Rev Vanlalsipaia Lecturer, Apostolic Theological Institute ziah chu tlangzarh a ni a, Mizoram UPC General Superintendent Rev C.Lalremsangan tlangzarhin Pathian hnenah a hlan a ni.

Kum 2021 General Board-ah hian Mizoram UPC General Sunday School Dept hmalakna tur pawimawh tak tak sawiho a ni a, an thurel langsar zual zingah General Sunday School Department hmalaknaa Children’s Meet buatsaihte, Naupang leh Puitling Sunday School zirlaibu Thado tawnga lehlin nise tih leh kohhran inkhawmah Bible ken uar in zirtir thar leh nise tihte a tela, heng bakah hian Naupang Sunday School thu inchhang bu ennawn chungchang te leh chawhnu zirbu chungchangte sawiho a ni bawk.

Mizoram UPC General Sunday School Department ro relna sang hi vawiin ni vek hian a tiak ang.