United Pentecostal Church
of Mizoram

Mizoram UPC hmeichhe pawl Ladies Auxiliary Department chuan vawiin ni ah General Board, Mizoram UPC Conference Hall General Headquarters Office ah an nei a, Lalchhandami President General LAD kaihhruai ro rel inkhawm hi Mizoram UPC Puipa Rev C.Lalremsanga, General Superintendent, Rev HC Lalthlamuana General Secreatry leh Rev PB Lalhmuliana General Treasurer ten an telpuia, General Missions Department Secretary Rev PC Laltanpuia leh General PYD hruaitute Upa Vanneia Pudaite, President leh Upa F.Vanlalchama Vice President te he hunah hian an tel bawk.

Mizoram UPC hmeichhe pawl ro relna sang inkhawmah hian kum 2020 leh 2021 inkhawmpui inkara LAD member boralte sunna neih a ni a, Mizoram UPC General Superintendent-in he hun hi a hmanga, Buhfaitham tham hnemte hnenah General Secretary in lawmman a hlan bawk.

Mizoram UPC Ladies Auxiliary Department General Board hi inkhawmpui hman loh kuma neih tura ruahman a nih angin kumin hian a vawikhat nan hman a ni a, Mizoram UPC hmeichhe pawl hmalakna tur pawimawh tak tak sawiho a ni a, an thurel langsar zual zingah General LAD hminga Durtlang Hospitala luanchhuahte, General LAD Relief Fund tihpun leh Mizoram UPC enkawl Hnuchham In, Bethani Childrens Home puala member tinah Rs.30 khawn leh ATI puala member tinah Rs.20 khawnte a tel a ni.

Mizoram UPC Ladies Auxiliary Department ro relna sang hi vawiin vek hian a tiak a ni.