Mizoram UPC General Headquarters hruaitute Programme

General Superintendent Rev C. Lalremsanga’n

Sairang bial a tlawh dawna, Phunchawng kohhranah hun a hmang ang.

General Secretary Rev HC Lalthlamuana’n Pathianni chawhma hian

Bazar Bial Ramthar Veng kohhranah hun a hmang a nga,

Chawhnuah Armed Veng South Kohhranah a inkhawm ang.

General Secretary hian Laltlanhlui Ramthar veng, Covid 19 avanga boral

Chu General Headquarters aiawhin ralna hun a hmang bawk ang.

General Treasurer Rev PB Lalhmuliana chuan Pathianni hian

Bawngkawn kohhran a tlawh dawna, Covid 19 avanga boral Upa Zoramthara

Ralna hun General Headquarters aiawhin a nei dawn a ni.

General Missions Dept. Secretary Rev PC Laltanpuia chu

Pathianni hian Bethlehem Vengthlang kohhranah hun a hmang ang.

General SS Dept. Secretary Rev B.Lalchhanhima’n

Pathianni hian Kanghmun Bial a tlawh dawna, Kanghmun kohhranah hun a hmang ang. 

Puipa Committee

Mizoram UPC Puipa Committee chuan kum tawp kohhran ro relna sang

neih hun tur hetiang hian a ruahman: ​

Boundary Commission

November ni 28 hian Google Meet hmanga neih a ni ang.

Nomination Committee

December ni 5, General Headquarters Office Conference Hall-ah.

Pastoral Board

December ni 6, General Headquarters Office Conference Hall

Executive Committee

December ni 7 & 8, General Headquarters Office Conference Hall

General Assembly

December ni 9 & 10, Assembly Centre, Zonuam-ah te neih a ni ang.

Gen SS Dept

General Sunday School Department ro relna sang General Board vawi 25-na chu October ni 19 Thawhlehni khan Mizoram UPC Conference Hall General Headquarters Office ah neih a ni a, Tirhkoh Ch.Lalhmingmuana Chairman General SS Dept. chuan kaihruaiin, Mizoram UPC Puipa, General Superintendent Rev C.Lalremsanga leh General Secretary Rev HC Lalthlamuana ten an telpui a ni.

General Sunday School Dept ro rel inkhawm ah hian, kum 2022 Puitling Sunday School  zir tur ‘Tirhkohte Thiltih bu’, Rev Vanlalsipaia Lecturer, Apostolic Theological Institute ziah chu tlangzarh a ni a, General Superintendent Rev C.Lalremsangan tlangzarhin Pathian hnenah a hlan a ni.

Kum 2021 General Board-ah hian General Sunday School Dept hmalakna tur pawimawh tak tak sawiho a ni a, an thurel langsar zual zingah General Sunday School Department hmalaknaa Children’s Meet buatsaihte, Naupang leh Puitling Sunday School zirlaibu Thado tawnga lehlin nise tih leh kohhran inkhawmah Bible ken uar in zirtir thar leh nise tihte a tela, heng bakah hian Naupang Sunday School thu inchhang bu ennawn chungchang te leh chawhnu zirbu chungchangte sawiho a ni bawk.

General Sunday School Department ro relna sang chuan

Kum 2022 Budget atan cheng nuai sawmhnih panga, singhnih sangli zasarih (RS. 25,24,700/-)

Chu a pass a, Bial tinah a sem darh nghal a,

General Board hi Thawhlehni vek khan a tiak a ni.

Gen LAD

Kohhran hmeichhe pawl Ladies Auxiliary Department chuan October ni 20 Nilaini khan General Board, Mizoram UPC Conference Hall General Headquarters Office ah an nei a, Lalchhandami President General LAD  kaihhruai ro rel inkhawm hi Mizoram UPC Puipa Rev C.Lalremsanga, General Superintendent, Rev HC Lalthlamuana General Secreatry leh Rev PB Lalhmuliana General Treasurer ten an telpuia, General Missions Department Secretary Rev PC Laltanpuia leh General PYD hruaitute Upa Vanneia Pudaite, President leh   Upa F.Vanlalchama Vice President te he hunah hian an tel bawk.

Gen LAD ro relna sang inkhawmah hian kum 2020 leh 2021 inkhawmpui inkara LAD member boralte sunna neih a ni a, Mizoram UPC General Superintendent-in he hun hi a hmanga, Buhfaitham tham hnemte hnenah General Secretary in lawmman a hlan bawk.

Ladies Auxiliary Department General Board hi inkhawmpui hman loh kuma neih tura ruahman a nih angin kumin hian a vawikhat nan hman a ni a, Gen LAD hmalakna tur pawimawh tak tak sawiho a ni a, an thurel langsar zual zingah General LAD hminga Durtlang Hospital-ah Rs.50,000/- a luanchhuahte, kum 2022 atan General LAD Relief Fund-ah cheng nuaikhat (Rs.1,00,000) dahte, Mizoram UPC enkawl Hnuchham In, Bethani Childrens Home puala member tinah Rs.30 khawn leh Apostolic Theological Institute, Durtlang puala member tinah Rs.20 khawnte a tel a ni.

General LAD ro relna sang chuan kum 2022 Budget atan

Cheng nuai sawmhnih pathum singthum sangruk (Rs 23,36,000) an pawm a ni.

General LAD Executive Board chu a tuk ni 21 Ningani khan

Conference Hall-ah an thukhawm a, General Board ro relna thu pass te thlir hovin,

 bawhzui ngai hmalak dan turte an sawiho.

General LAD Executive Board chuan ram pum huap

Chawnghei tawngtai October ni 31 tlai dar 5:00 ah neih a rela,

Tawngtai thupui tur hi ‘ Hripui a reh theih nan’ tih a ni.

General LAD Executive Board chuan LAD member zawng zawngte

he hun hi ngaipawimawh theuh turin a ngen a ni.

General Missions Dept.

General Missions Dept. Executive Board chu October ni 21 Ningani khan

Aijal Club ah an thukhawma, Dept. Chairman Upa Sawihlira’n a kaihruai

Meeting-ah hian General Missions Dept hmalakna tur pawimawh tak tak sawiho a ni a

November ni 21 Pathianni hmanga Delhi hmuna Crusade buatsaihte,

Guwahati kohhran, Tura kohhran, Arnunachal kohhran leh Manja kohhran Biak in sak mek chhunzawm na tur leh Chhattisagarh kohhran tana Baptisma khur siamna tur pawisa sanction nise tihte chu thu rel langsar zualte an ni a.

General Missions Dept Executive Board chuan Birpara Field a thawk turin Native worker pakhat lak belh a remti bawk.

General Missions Department ro relna sang

General Board leh General Conference ro rel inkhawm chu

October ni 26 leh ni 27 hian Bethlehem Vengthlang kohhran Biak In ah neih a ni ang.