Mizoram UPC General Missions Dept. ro relna sang General Board chu vawiin khan Bethlehem Vengthlang kohhran Biak In ah neih a ni a, Chairman Upa Sawihlira’n a kaihruaia, Missions Dept. hmalakna tur pawimawh tak tak an sawiho.
Mizoram UPC General Superintendent Rev C.Lalremsanga’n ro rel inkhawm hlanna a nei a, General Missions Dept. Secretary Rev PC Laltanpuia’n palai kalkhawmte inhmelhriattirna a nei a ni.
Mizoram UPC General Missions Dept. ro relna sang chuan Home Mission hnuaia Upper Assam Field
chu Field pahnihah then nise, General Mission Dept. Conference-ah pawmpui tura thlen nise an ti a, General Mission Dept. hnuaia Area pahnih North Eastern Area leh Eastern India Area te pawh
hmun hnihah then an rel a, Area Headquarters turte pawh sawiho niin, thu pass hi Mizoram UPC ro relna sang ber General Assembly ah ngaituah leh tur a ni ang.
General Missions Dept ro relna hi General Superintendent bakah Rev HC Lalthlamuana General Secretary leh Rev PB Lalhmuliana General Treasurer ten an telpui a ni.
Mizoram UPC General Mission Dept. hian naktuk hian General Conference, Bethlehem Vengthlang kohhran Biak In ah an neih chhunzawm nghal dawn a ni.
