General Secretary Rev HC Lalthlamuana chuan ni 5 Pathianni chawhma hian Bethlehem Vengthlang kohhranah thu hril rawng bawlna hun a hmang ang.
General Treasurer Rev PB Lalhmuliana chu ni 4 Inrinni hian Sihhmui, Sairanga Mizoram UPC Education Board-in School building a sak mek chu a hmunah kalin a en fiah a, Education Board Chairman Upa Lalnuntluanga Chhangte-in a \awiawm. General Treasurer hian Inrinni vek hian Nghalchawm khuaa kohhran chhungkua kangmei tuarte a tlawh bawk. Ni 5 Pathianni chawhma hian Lawipu Veng kohhranah General Treasurer hian thu hril rawng bawlna hun a hmang bawk ang.
General Missions Dept Secretary Rev PC Laltanpuia chuan ni 5 Pathianni hian Aizawl khawpui chhung kohhran hrang hrangah Missions Campaign a nei dawn a, Pathianni chawhmaah Headquarters kohhranah, chawhnuah Bungkawn kohhranah, Pathianni zanah Chaltlang kohhranahte Pathian Biak inkhawmah hun a hmang dawn a ni.
General SS Dept. Secretary Rev B. Lalchhanhima chuan ni 5 Pathianni chawhma leh chawhnu hian Thingsulthliah kohhran a tlawh dawn a, Sunday School Campaign leh thu hril rawng bawlna hun a hmang ang.
General thu thar
Mizoram UPC ro relna sang hrang hrangte chu December ni 5 Pathianni atang hian neih tan a ni dawn.
Mizoram UPC inkhawmpui lian ber General Assembly chu December ni 9 leh ni 10 chhung hian Assembly Centre, Zonuamah hman a ni dawn a, kumin hian Pathian biak inkhawm tel lovin ro relna chauh neih a ni ang.
Heng bakah hian kum tawp Executive Committee chu ni 7 leh ni 8 Thawhlehni leh Nilaini hian Mizoram UPC Conference Hall-ah an thu dawn a, Pastoral Board pawh December ni 6 Thawhtanni chhunah leh ni 8 Nilaini zanah Mizoram UPC Conference Hall-ah an thu khawm bawk ang.
Tun Pathianni Dec. 5 hian Nomination Committee-te chu Mizoram UPC Conference Hall-ah an thu khawm dawn bawk a ni.
ATI
Mizoram UPC Bible School, Apostolic Theological Institute atanga hriattirna.
Kum 2022 Mizo Section luh tumte tan dilna hun January ni 14 2022 thleng hawn a ni a, dilna hi ATI Office, Durtlangah emaw Online hmangin,
Dean Rev Zoramthara hnenah emaw theh luh tur a ni.
Mizo Section kum 2022 session hi February chawlhkar khatnaah tan tur a ni.
General LAD
General LAD Office Bearer leh Executive Board member te chuan November ni 27 (Inrinni) khan Aiduzawl kohhrana chhiat tawk kohhran member-te kanin, mitthite
ralna hun an hmang a, Mizoram UPC General Treasurer Rev PB Lalhmuliana’n he hun hi a hmanpui.
Vanduaithlak takin November ni 22 Thawh\anni khan Rabung daiah Pickup a che sual a, nunna chan leh hliam tuar eng emaw zat awmin, Aiduzawl kohhranah pawh
nunna chan mi pathum awmin, hliam tuar mi pali an awm a ni.
Nunna chante hi Upa F.Laldingliana, Unaupa Lalsawta leh Unaunu Zahliri te an ni a, Hliam tuar zingah Unaunu Rinzuali, Unaupa Ramdinsanga, Unaunu Engmawii leh
Unaunu Biakveli te an tel bawk.
General LAD Office Bearer & Executive Board Member-te hian pawisa thawh khawmin, hliam tuar unaute hi Aizawla an thlen in leh damdawi inah te an kan a, boral ta Upa F.Laldingliana ralna thil pek hi a nupui, accident avanga hliam tuar mek Unaunu Engmawii hnenah hlan a ni a, Unaupa Lalsawta leh Unaunu Zahliri te ralna sum leh, Unaupa Lalhmingliana Rabung khua, kang mei tuarte \anpuina pawh Bialtu Pastor hnenah General LAD hruaitute hian an hlan a ni.
Boral tate leh kang mei tuarte ralna leh \anpuina hi General LAD Relief Fund atanga pek an ni.
General PYD
General PYD buatsaih Live Crusade, Lawngtlai hmuna neih chu November ni 21 Pathianni zan khan tluang taka hman zawh a ni.
Live Crusade hi November ni 20 Inrinni zan a\ang khan Lawngtlai Chandmary kohhran Biak inah hman a ni a, Area Secretary Rev Ngurthanpara Sailo chu Speaker atan hman niin, a hnen a\ang hian Pathian thu chah ropui tak tak ngaihthlak \hin a ni.
General PYD buatsaih Live Crusade hi General PYD YouTube channel-ah Live-a pek chhuah a nih bakah, Lawngtlaia Cable Network Television pahnih
Skynet leh KT Vision-ten Live-in an ti chhuak a ni.
Live Crusade hi Lawngtlai District Chairman Upa C. |ialvunga'n a telpui a, Mizoram UPC Southern Zone Area a\angin Siaha bial, Va\huampui bial, Hmawngbu bial, Diltlang bial, Thingfal bial bakah Serchhip bial PYD te, Live Crusade hmang tur hian member eng emaw zat an kal khawm a, Siaha bialtu Pastor F. Lal\hakima, Va\huampui bialtu Pastor Vanlalduhsaka leh Dûmzâutlanga Apostolic Mission School Head Master David Zothanmawia-ten an hmanpui bawk a ni.
Crusade neih chhung hian Unaunu K. Lalawmpuii, Chawlhhmun bial leh Unaunu C. Lalmuanawmi, Lunglei South bial-ten zaia rawng bawlna hun an hmang thin a ni.
