United Pentecostal Church
of Mizoram

Mizoram UPC ro relna sang Executive Committee, kum tawp thutkhawm nihnih awh tur chu, vawiin (December ni 7) Thawhlehni hian Mizoram UPC Conference Hall, Tuikhuahtlangah neih tan a ni a, Executive Chairman Upa C. Lalropianga’n a kaihruai.

He thutkhawmah hian Mizoram UPC General Headquarters hruaitu thlan thar ngaite thlanna neih a ni a, General Superintendent leh General Secretary nilaite term-a tawp tak avangin kum 2022 leh 2023 chhunga General Superintendent atan Rev Thangliansanga, Dinthar thlan a ni a, Rev Saienga Sailo Khawzawl Vengthar chu General Secretary atan thlan a ni.

Mizoram UPC Executive Committee thutkhawm nikhatna ah hian General Missions Department hruaitute, Southern Zone Area Secretary, Principal Apostolic Theological Institute leh Media & Publicity Board hruaitute thlanna neih a ni bawka, ro relna chuan General Missions Department Chairman atan Upa Andrew Laldingliana, Secretary ah Pastor T. Laldingliana leh Treasurer ah Malsawmdawngliani Office Assistant-te thlan an ni a, Apostolic Theological Institute Principal atan Rev P.Lalrinawma leh Southern Zone Area Secretary ah Rev PC Parliana te thlan an ni bawka, Media & Publicity Board Chairman atan Upa Lalthlamuana Hnamte leh Treasurer atan Zirtir Lalhruaichhunga Media incharge te thlan an ni.

Mizoram UPC Executive Committee hi naktuk ni 8 hian chhunzawm a ni ang.