United Pentecostal Church
of Mizoram

Mizoram UPC ro relna sang Executive Committee thutkhawm chu vawiin (ni 8) hian Mizoram UPC Conference Hall, Tuikhuahtlangah neih chunzawm a ni a, kohhran hmalakna tur pawimawh tak tak rel a ni.

Mizoram UPC ro relna sang chuan  Recruitment Rules & Guidelines siam thain, kum 2022 January ni 1 atanga hman tan turin a rela, Mizoram UPC Education Board hnuaia school-te enkawlna leh inkaihhruaina mumal zawk a duang bawk.

Heng bakah hian Mizoram UPC ro relna sang ber General Assembly a thlen chhoh tur engemaw zat relin, an thu rel langsar zual zingah Pastor pasarih Ordination Licence dil, Personal Interview hmachhawnte chu ordain tha a ti a, Ministerial Licence dil mi 17 te pawh pek a remti bawka, Danpui Commission atanga Mizoram UPC Danpui siam that rawtna te chu General Assembly ah thlen a rel bawk a ni.

Executive Committee chuan Pastor (Fixed pay) mi 6 te chu an thawh hun kum khat atan a pawh sei saka, Pastor pahnih Pastor puitling ah a  dah nghet (confirm) bawk.

Mizoram UPC ro relna sang inkhawm hi Executive Chairman Upa C. Lalropianga’n a kaihruai a ni.