General Headquarters hruaitute rawngbawlna.
General Secretary Rev HC Lalthlamuana chuan December ni 19 Pathianni hian Chamring kohhran leh ITI kohhran te a tlawh dawna, Pathianni chhunah Chamring kohhranah hun a hmang anga, zan lamah ITI kohhranah thuhril rawngbawlna a nei thung ang.
Rev PC Laltanpuia, Secretary General Missions Dept. chu Karbi Anglong Field Krismas hmanpui turin December ni 18 Inrinni hian a zin chhuak. General Mission Dept. Secretary hi a zin chhung hian Phaitual, Bishnupur, Manja, Kavaram, Guwahati leh Lower Assam-te a tlawh dawna, December ni 31 Zirtawpni hian Aizawl a lo let leh ang.
Rev Ngurthanpara Sailo Area Secretary, Southern Zone chu December ni 17 Zirtawpni khan Champhai Dinthar kohhrana Pathian chawimawina inkhawm hmanpui turin a zin chhuak.
Pathian chawimawina nei turte hi Sr. Upa Pachhunga te chhungkua an ni a, Area Secretary hian thuhril rawngbawlna a nei dawn a ni.
Pastor Transfer & Posting siam thatna.
Pastor Transfer & Posting chungchang kar hmasa lama puanah tih sual palh a awm a,
Pastor A. Vanlalpara Reang Twikumba Bial atangin Subroom Bialah tih leh
Pastor Majendra Marak Subroom Bial atangin Twikumba Bialah tih chu
Pastor A. Vanlalpara Reang hi Twikumba Bial atangin Darchawi Bialah sawn a ni a,
Pastor Majendra Marak hi a bial ngai Sabroom Bialah a la awm dawna,
Pastor Daniel Darlong chu Darchawi Bial atangin Twikumba Bialah sawn a ni thung a ni.
General Missions Department
General Missions Dept. ruahmannain Pathianni kalta December ni 12 khan Mission Field-a Pastor te chuan Aizawl khawpui chhung Pastor bial hrang hrangah Misison Campaign an nei.
Chawlhhmun Bialah Pastor KC Angelvena, North Bengal Field
Durtlang Bialah Pastor LK Dawnga, Nagaland Field
Bawngkawn Bialah Pastor Ramchhanmawia, Upper Assam Field
Bazar Bialah Pastor Koko Lalmalsawma, Manipur Field leh
Dinthar Bialah Pastor Vanlalchama, Kolkatta Field ten hun hmangin
Mission Campaign bakah thu hrill rawngbawlna an nei a ni.
M&PB
Media & Publicity Board kum tawp thutkhawm chu December ni 14 Thawhlehni khan Mizoram UPC Conference Hall-ah neih a ni a,
Board Chairman Rev H. Lalrawnkima kaihhruaina hnuaiah M&PB hmalakna tur pawimawh tak tak rel a ni.
M &PB chuan Krismas leh kum thar hunpui pual hian Sermon leh Aizawl khawpui chhunga kohhran hrang hrangte hunpui an hman dan Interview a buatsaih dawn a ni.
GENERAL PYD
General PYD Executive Board Meeting chu December ni 14 (Thawhlehni) zan khan GPYD President Upa Vanneia Pudaite, kaihhruaina hnuaiah neih a ni,
Mizoram UPC Puipate General Secretary Rev HC. Lalthlamuana leh General Treasurer Rev. PB Lalhmuliana ten an telpui.
General PYD Executive Board meeting-ah hian Treasurer Unaunu Rebecca Lalrinpuii Sailo hnen aṭangin financial report ngaihthlak a ni a, General PYD hnuaia Committee peng hrang hrang, Pentecost Meichher, Social wing Committee, Documentation Committee leh Literature Committee te hnen atangin hma chhawp leh hma lakna an neih mekte report ngaihthlak a ni bawk.
General PYD Executive Board thukhawm chuan PYD General Board ro relte bawhzui dan tur an rela, kum 2022 chhunga General PYD hmalakna a ram pum huap Blood Donation
March ni 12, 2022 a neihte, kum 2022 chhunga ‘Hripui leh kohhran, tisa leh thlarauva kohhrante min nghawng dan’ tih thupui hmanga Seminar neihte an rela, thupui ziaktu atan
Upa F. Vanlalchama Vice President GPYD chu an ruat bawk.
Heng bakah hian General huapa tualchhung PYD te Bible Quiz hmanga inelna neih an rel a, hemi atana hma la tu tur Sub-Committee din niin,
Chairman ah Upa F. Vanlalchama, Vice President GPYD Secretary : F.Lalrinliana, EBM
Member-te
Meeting-ah hian November ni 20 & ni 21 Pathianni hmanga Lawngtlai Chanmary kohhran Biak In a General PYD buatsaih Live Crusade neih zawh tak thlir letna leh Home Missions Field leh Foreign Missions Field-a PYD din leh a kalphung tur draff-te thlir hona neih a ni bawk.
General PYD Executive Board meeting neih zawh anih hnu hian, Member ten hun pui lo thleng tur pual hian thil pek inhlan tawnna te an neia, zan riah an kilho nghal a ni.
General PYD Social Wing
General PYD Social Wing Committee chuan December ni 11 Inrinni khan mi bik chawimawina leh Thisen pe tha lawmman semna hun Mizoram UPC Conference Hall, Tuikhuahtlangah an nei a, General PYD President Upa Vanneia Pudaite in a hmanpui.
He hun hi Social Wing Committee Chairman unaupa RD Lalremtluanga’n a kaihruaia PYD member unaupa Chuaungurpuia Pachuau, Bilkhawthlir Kualmawi
Brentford FC Scout, Video Recruiting consultant
Unaupa NT Lalbiakkima Siaha IBA Intercontinental champion leh unaupa Tk. Ramhmingthanga, Kawrtethawveng kum 2021 ATI Mizo Section Topper te hnenah mi bik chawimawina hlan an ni a,
Thisen pe tha Bial PYD Top - 3 te hnenah chawimawina pek an ni bawk.
Thisen pe tam bial leh an pek zat hetiang hi a ni.
Heng bakah hian thisen pe tha Tualchhung PYD Top - 3 te
General Headquarters Office Closing
Mizoram UPC General Headquarters Office, Tuikhuahtlang kumin atana kharna leh hruaitu hlui thlahna inkhawm December ni 17 Zirtawpni khan neih a ni.
He inkhawm hi Upa R. Lallawmzuala, Chairman Staff Welfare chuan a kaihruaia, General Treasurer Rev PB Lalhmuliana’n hunserh hmangin inkhawm hlanna a neia,
Staff Welfare Treasurer unaunu PC Rodingpuii’n General Headquarters hruaitu kalchhuak turte thlahna thil pek hlanna a nei a ni.
He hunah hian General Superintendent Rev C.Lalremsanga, General Secretray Rev HC Lalthlamuana leh Rev PC Laltanpuia, Secretary General Missions Dept. ten thusawina hun an nei a,
Heng hruaitu kal chhuak turte thlahna thu Upa R.Lalropuia, Office Superintendent hnen atangin ngaihthlak a ni bawk.
Mizoram UPC General Headquarters Office kharna inkhawmah hian Office Staff ten hunpui puala thil pek inhlanna te neiin, Tirhkoh VL. Hmangaiha’n inkhawm hi tawngtaina in a tin a ni.
Mizoram UPC General Headquarters Office hi January ni 6, 2022 Ningani ah hawn leh a ni ang.
GENERAL HEADQUARTERS THU THAR| 5TH OCTOBER 2024
04 Oct, 2024
GENERAL HEADQUARTERS THU THAR | 27TH SEP 2024
27 Sep, 2024
