General Secretary Rev Saienga Sailo chuan Missionary Day January ni 16 Pathianni chu Bungkawn kohhran te a hmanpui dawna, thuhril rawngbawl a nei dawn a ni.
Rev T. Laldingliana Secretary, General Missions Dept. chuan Missionary Day January ni 16 hian, Chaltlang kohhranah thuhril rawngbawlna a nei bawk ang.
General Headquarters
Mizoram UPC hnuaia Account hrang hrang Main, Department, Committee leh Board, kum 2021 July thla atanga December thla chhunga sum lut leh chuakte chu January ni 12 leh ni 13 Nilaini leh Ningani khan Conference Hall, General Headquarters Office-ah Audit a ni.
Kum tawp sum Audit hi Mizoram UPC Puipa ten an telpui a, Ningani khan tluang taka zawh fel a ni a, Mizoram UPC Auditor ni lai mekte chu Sr. Auditor Upa K.Sailtuanga leh Junior Auditor Upa Lalmuanpuia te an ni.
ATI
Mizoram UPC Bible zirna Apostolic Theological Institute, Durtlang chu kum 2022 atan January ni 12 khan hawn tan a ni a, Principal Rev P. Lalrinawma kaihhruaina hnuaiah
Thawk tuten inhlan tharna an nei. He hunah hian Dean Rev Zoramthara hnen atangin report ngaihthlak a ni a, Staff ten inkawmna hun an nei bawk.
January ni 20 Ningani hian ATI Mizo Section First Year lut turte Personal Interview Online hmanga neih pui an ni dawna, February chawlhkar hmasa berah kum 2022 Session hi tan a ni dawn a ni.
