United Pentecostal Church
of Mizoram

General Superintendent Rev Thangliansanga chu January ni 21 Zirtawpni khan Hnahlan kohhran tlawhin a zin chhuaka, Pathianni a cham ang.

General Superintendent hian Thawhtanni ni 24 khian Tuichangral District Treasurer thlanna Champhai Zion Veng Biak In ah a neih pui dawna, Champhai Dinthar kohhran Upa Lalrothara te chhungkua chhiat tawkte chu

General Headquarters aiawhin Relief Fund atangin tanpuina a hlan bawk ang. General Superintendent hi Thawhlehni ah Aizawl a lo let leh dawn a ni.  

General Treasurer Rev PB Lalhmuliana chu January ni 23 Pathianni hmang hian Thingfal kohhran a tlawh dawna, Inrinni hian Aizawl a chhuah san. General Treasurer hi Pastoral Board member Upa F. Lalremmawia leh

Upa R. Lalnunsanga ten an tawiawma, Thawhtanni ni 24 khian Aizawl a lo let leh ang.

General SS Dept Secretary Rev B. Lalchhanhima chu January ni 23 Pathianni hian SS Campaign neiin W. Serzawl kohhranah hun a hmang ang.

Bethani Board

Bethani Children's Home Society Board chu January ni 14 (Zirtawpni) khan Bethani Children's Home, Sihhmuiah an thukhawma, Mizoram UPC Puipa General Superintendent Rev Thangliansanga, General Secretary Rev Saienga Sailo  leh General Treasurer Rev PB Lalhmuliana ten an tel pui.

Board Chairman Upa Lalvuana kaihhruai meeting-ah hianHome Father post ruak tur hnawhkhah chungchang leh kum 2022 atana home hmasawnna tur leh hmalakna tur hrang hrangte rel a ni a, Home Father Post, February ni khata ruak tur chu, a hnawhkhahna tur lakna Advertisement chhuah ni se an ti a, Class 12 passed chin leh a tluk pui tan dil theih a ni.

Diltu chuan plain paper-ah dilna ziakin, Educational Qualification Mahni lawina tualchhung kohran lehkha leh Police Verification certificate thil tel tur a ni a, January ni 27, 2022 ral hmain dilna hi Unaunu MS Dawngliani Mizoram UPC Office Tuikhuahtlang hnenah leh Home Superintendent, Bethani Children's Home, Sihhmuiah thehluh tur a ni.

Home Father lakna Interview hi January ni 28 (Zirtawpni) Chawhnu Dar 1 ah Conference Hall, Mizoram UPC Office, Tuikhuahtlangah neih a ni ang.

Bethani Childrens Home Society Board chuan kum 2021 Orphanage Sunday (November Pathianni vawithumna) puala thawhlawm lakkhawm atanga Budget cheng nuainga awm chu Cheng nuaikhat chuanga khum a ni chu lawmawm an ti a, Orphanage Sunday pual thawhlawm chungchanga Campaign leh Appeal mawhphurhna latu GLAD te kaltlanga Bial LAD te hma lakna fakawm an ti a, sum leh pai thawhtu mimal leh chhungtinte chungah lawmthu an sawi a ni.

Education Board

Mizoram UPC Education Board chu January ni 17 Thawhtanni khan Conference Hall, General Headquarters Office-ah an thukhawma, Sihhmuia School Building sak mek chungchang an ngaihtuah.

Education Board meeting hi Chairman Upa Lalnuntluanga Chhangte’n a Kaihruaia, Sihhmuia kohhran School building sak mek chu chak zawka bawhzuia,

Kum 2023-2024 school session tan hman turin an rel a, Meeting hi Mizoram UPC Puipa ten an telpui a ni.

January ni 18 zing karah Mizoram UPC Puipate leh Education Board hruaitute chu Sihhmuiah kalin School Building sak mek an tlawha, hmalak chhoh zel dan turte an sawiho a ni.

M&PB

Mizoram UPC M&PB meeting kumin atana a vawikhatna chu Board Chairman Upa Lalthlamuana Hnamte kaihhruaina hnuaiah January ni 19 Nilaini khan Conference Hall, General Headquarters Office-ah neih a ni.

Meeting-ah hian M&PB hmalakna tur pawimawh tak tak sawiho a ni a, kum 2022 chhung atana Casual Announcer lakna tur Advertisement chhuah leh kohhran Website tun aia changtlung zawka buatsaihte an rel a,

M&PB chuan Casual Announcer ni laite thawh hun tur kum khat chu a tawp tak avangin kum 2022 February atanga 2023 January thla chhung atana Casual Announcer tur mi pali lak leh nise a ti a, dilna hi January ni 31 Thawhtanni thleng hawn a ni a, hemi atana hriattur pawimawhte chu Social Media lamah Advertisement kaltlanga tihchuah a ni.

M&PB meeting hi Mizoram UPC puipa te General Superintendent Rev Thangliansanga leh General Treasurer Rev PB Lalhmuliana ten an telpuia Heng bakah hian General level-a Department, Committee leh Board aiawh sawm bik te ATI Principal Rev P. Lalrinawma,Rev T. Laldingliana, Secretary General Missions Dept. Upa R. Lalropuia, Office Superintendent General Headquarters Office Upa Vanneia Pudaite, President General PYD

Unaupa Misael Lalremtluanga, Secretary L&PB leh unaunu Laldinsangi, EBM General LADte meeting-ah hian an tel bawk a, inkawmhona tha tak neih niin, Puipa, Department, Board leh Committee-te thawhhona tha zawk a awm theih nana Co-ordination chungchangte sawiho a ni.

ATI

Mizoram UPC Bible School Apostolic Theological Institute kum 2022 Session Mizo Section 1^st year zir turte lakna Personal Interview chu January ni 20 Ningani khan Conference Hall, General Headquarters Office-ah neih a ni a, ATI Board Chairman Upa Dr. Saingura’n he hun hi a kaihruai.

Zirlai lakna interview hi Online kaltlanga buatsaih a ni a,

1^st year atan hian Zirlai mi 13 lak an ni a, panelist-ah mi 2 an awm bawk.

ATI 1^st year zirlai atana lak tharte chu

1. Vankannanthanga, a pa Rev Rosiamliana Letpanchhawng
2. Lalremruata, a pa Zairemtluanga Rengdil

      3 Lalnunpuii, a pa Lallungmuana Tlangpui

      4 Lalramchuana, a pa R Laldinsanga (L) Chungtlang

      5 Lalnunhlima, a nu Lalpari Zemabawk

      6 Saplianthara, a pa Zolalthara Ralau,

7. Francis Lalruatzela, a pa Lalhruaizela Bairabi
8. C Lalduhsaka, a pa C Lalfakzuala, Bawrai
9. Lalengkima, a pa Lalhmangaiha, Vaphai
10. PC Lalnunsanga, a pa Lalmuanawma, Mamit
11. Lallawmthara, a pa Zamanga, Nagathol
12. Thanggoulal Singson, a pa Khaikhopau, Phaituol leh
13. Vanlalremruata, a pa PC Lalzova, Dilzaw te an ni a,

Panellist-ah hian James Lallawmsanga, a pa Pc Lalrema, Bilkhawthlir leh C. Lalbulliana, a pa C. Lalremchhunga, Serchhip te an awm a ni.

ATI Registration Day hi February ni 3 chawhnu dar 1-ah neih tur a ni a, he ti hian tun dinhmunah Mizoram UPC Bible zirna ah hian 3^rd year zirlai mi 22, 2^nd year zirlai mi 15 leh 1^st year zir tur mi 13 an awm mek a ni.

Gen SS Dept.

General SS Department Executive Board chu January ni 21 Zirtawpni khan Conference Hall, General Headquarters Office-ah an thukhawma, Chairman Tirhkoh Ch. Lalhmingmuana’n meeting hi a kaihruaia,

Mizoram UPC General Treasurer Rev PB Lalhmuliana’n a telpui.

General SS Dept. Executive Board chuan meeting-ah hian kum 2021 PTSS exam thlir letnate an neia, Manipur leh Imphal bial chhung atana SS zirlaibu Thado tawnga buatsaih an rel bawk. Heng bakah hian General SS Department hmalakna tur pawimawh tak tak an sawiho a ni.