General Superintendent Rev Thangliansanga chu Imphal Bial inkhawmpui hmanpui turin Zirtawpni khan a zin chhuak.
General Superintendent hian Inrinni zan atanga K.Twikun kohhran Bak In a neih tur Imphal Bial inkhawmpui a hmanpui bakah hian January ni 31 Thawhtanni khian Manipur District hruaitu thlanna Rengkaiah a neihpui bawk ang.
Rev Thangliansanga hi Thawhlehni hian Aizawl a lo let leh dawn a ni.
Puipa committee
Puipa Committee chu January ni 25 Thawhlehni khan General Superintendent Office-ah an thukhawma, Mizoram UPC hmalakna tur pawimawh tak tak an rel.
An thu rel langsar zual zingah Crusade Fund atanga Tirhkoh rawih chungchangte a tela, Puipa Committee chuan kum 2022 February atanga kum 2023 January thla chhung atan Tirhkoh 20 a la a, rawng an bawlna hmun tur pawh hetiang hian an ruahman a ni.
- Tirhkoh Thongkan Kipgen, Imphal Bial K.Twikun ah
- Tirhkoh Langminlun, Churachandpur Bial Leijangphai ah
- Tirhkoh Paominlun Singson, Jiri Bial Phaijol ah
- Tirhkoh James LS Mung, Shillong Bial Dona ah
- Tirhkoh Angel Lamare, Shillong Bial Jowai ah
- Tirhkoh Bipising Tripura, Subroom Bial Rohidas Kami ah
- Tirhkoh Amitabh Debbarma, Agartala Bial Gamchakopra ah
- Kirit Kishore, Twikumba Bial S.Hazacherra ah
- Tirhkoh Lalfakzuala, Kanchandpur Bial Naisingpara ah
- Tirhkoh Vanlalzaua, Khampat Bial Hmuntha ah
- Tirhkoh Abraham L. Zote, Barak Valley Bial Cachar Dolakhal ah
- Tirhkoh Lalrinkima Ngente, W. Phaileng Bial, Tuipuibari ah
- Tirhkoh K. Lalthansanga, Siaha Bial Phura ah
- Tirhkoh J. Lalhmingmawia, Thingsulthliah Bial Tuikhurhlu ah
- Tirhkoh J. Rinnaliana, Bairabi Bial, Meidum ah
- Tirhkoh Lalhriatmawia, Aibawk Bial Muallungthu ah
- Tirhkoh C. Lalrinhlua, Lunglei North Bial Bunghmunah
- Tirhkoh Zelkhanthanga, Hnahlan Bial Vapar ah
- Tirhkoh S. Mangminthang, Imphal Bial L.Phaikot ah
- Tirhkoh Hemandra Debbarma, Darchawi Bial Raikandi ah te rawng an bawl dawn a ni.
Gen LAD
General LAD Executive Board meeting chu January ni 26 Nilaini khan Conference Hall, Mizoram UPC Office-ah neih a ni a, Mizoram UPC Puipa General Treasurer Rev PB Lalhmuliana’n a telpui.
General LAD Executive Board meeting chuan Department hmalakna tur pawimawh tak tak an rela, ram pum huap nileng ṭawngṭai neih hun atan April ni 14 an ruat a, kumin chhungakohhran chhungkua, khuarel chhiatna, kangmei, leimin leh chhan dangavanga in leh lo chan vek an awm chuan Relief fund aṭanga Rs 5,000 a ṭanpuina pek ṭhin ni se tihte an rel a ni.
Assembly Centre Committee
Assembly Centre Committee chu January ni 27 Ningani khan Assemby Centre Zonuam-ah an thukhawma General Headquarters Office Building sak mek bawhzui zel dan turte an sawiho.
Meeting hi Chairman Tirhkoh Liansangkima’n a kaihruaia, Mizoram UPC Puipa General Superintendent Rev Thangliansanga leh General Treasurer Rev PB Lalhmuliana ten an telpui a ni.
Assembly Centre Committee chuan Mizoram UPC General Headquarters Office Building sak mek chu kumin 2022 chhung ngeia sak zawh tura chak taka hma lak nise an ti a, Office Building sak nan hian Rs. Nuai 300 ruahman niin, tunah hian hna thawktu ten riah chilhin sak chhunzawm mek zel a ni.
Gen Missions Dept.
General Missions Dept Executive Board chu January ni 26 Nilaini khan Chairman Upa Adrew Laldingliana te In, Gov’t Complex ah an thukhawma, General Superintendent Rev Thangliansanga’n a telpui.
General Missions Dept. executive Board meeting chuan Missions Field-a Worker engemaw zat awmna hmun an siksawia, Area Supervisor post hnawhkhah dan turte leh bial huapa chanchin tha, a ruala puan chungchangte an rel a ni.
General Missions Conference rorelna in “Ram pumah bial huapa chanchin tha a ruala puan nise” a tih chu, Executive Board chuan a hun atan March ni 13 Pathianni chawhnu inkhawm ban a ruat a, heng bakah hian missionary pahnih Pastor Nelson Laltanpuia, Karbi Anglong field leh Pastor Lalhmangaihzuala, Guwahati a post mek te chu Grade B Sr atangin Grade B (Sr-I) ah an dah thar bawk.
General Missions Dept Executive Board thukhawm chuan Field Pastor Grade B Junior 1 pathum lak belh an rel bawk a, dil thei te chu Missionary Grade C leh Fixed pay a thawk laite an ni.
Field Pastor lakna Personal Interview hi February ni 10 Ningani hian neih tur a ni.
ATI
Mizoram UPC Bible School Apostolic Theological Institute, Durtlang chuan February ni 3 Ningani hian Registration Day an hmang dawna, zirlai naupang lut turte chu Covid 19 Negative Certificate darkar 72 chhung nung ngei nei turin a hriattir.
Kum 2022 Mizo Section hi February ni 7 Thawhtanni atang hian Class tan a ni ang.
Khawthlang District
Khawthlang District Committee chu January ni 26 Nilaini khan Dinthar kohhran Hall-ah an thukhawma, he hunah hian District Superintendent thlanna neih a ni.
Khawthlang District Committee chuan District Superintendent thar atan Pastor C.Lalrosiama, Sairang Bialtu Pastor chu an thlang a, kohhran term kal lai (2021-2022) a chhunzawm ang.
Heng bakah hian District Committee chuan kum liamta November ni13, 2021 a Khawthlang District Inkhawmpui neih zawh tak thlir letna te an neia, kumin District inkhawmpui November ni 11 atanga ni 13 chhunga Dinthar Biala an neih turah, hun hmang turte an ruat bawk.
Zirtawp zan inkhawmah Rev. Biakchuailova, Kawrthah Bialtu
Inrinni zan inkhawmah Pastor Rualthanmawia, Lengpui Bialtu
Pathianni chawhma inkhawm Puipate pual
Pathianni chawhnu inkhawmah Upa R.Thangseia, W.Phaileng Bial
Pathianni zan inkhawmah Rev. H.V.Lalzamlova, Chawlhhmun Bialtu leh
Member boral Sunna hun Rev. Hc.Lalthlamuana, Dinthar Bialtu in a hmang bawk ang.
Khawthlang District Committee chuanDistrict chhunga Tirhkoh an rawih mek Tk.Zion Lalramngaia, Damdiai(Mamit Bial), Tk.Lalhmachhuana, Zamuang(Rengdil Bial) leh Tk.K.Laldingngheta, Damparengpui (W.Phaileng Bial) te chu an thawh hun chhung kum khat(March, 2022 - February, 2023) atan a pawt sei a, District hminga rawih chunzawm an ni dawn a ni.
Khawthlang District-ah hianPastor Bial 8 awmin, Kohhran puitling – 46 leh Preaching Point – 4 a awm mek a ni.
North Mizoram District
North Mizoram District Committee chu January ni 26 Nilaini khan Headquarters Kohhran Sunday School Hall, Tuikhuahtlangah-ah an thukhawma, District hruaitu thlanna an nei.
North Mizoram District committee thutkhawm hi District Chairman Tirhkoh Liansangkima’n a kaihruaia, Mizoram UPC General Superintendent Rev Thangliansanga’n hruaitu thlanna a neihpui a ni.
Kum 2022 leh 2023 chhunga North Mizoram District Superintendent atan Rev.R.Lalnghaksanga thlan a ni a, District Treasurer atan Upa Saibuanga Sailo thlan a ni bawk.
Heng bakah hian District aiawha Executive Member nilai Rev. R.Lalnghaksanga, District Superintendent atan thlan a nih tak avangin, a hmun ruak luah tur thlanna neih a ni bawka, kum 2022 kum khat chhunga Executive member atan Rev.H. Lalrawnkima thlan a ni.
North Mizoram District hruaitu thlanna neih zawh a nih hnu hian District Committee chuan ro relna an neih chhunzawma, District hmalakna tur pawimawh tak tak sawihoin, Aibawk Bial Hmuifang ah District hminga rawngbawltu rawih an rel a, rawngbawlna hi March ni 1 atanga bul tan turin ruahmanna an siam a ni.
Rawngbawltu lakna Interview hi February ni 15 chawhma 11:00 ah Headquarters Sunday School Hall, Tuikhuahtlang Aizawl-ah neih tur a ni a, Dilna hi District Secretary hnenah February ni 14 thleng thehluh theih a ni.
Tuichangral District
Tuichangral District Committee chu January ni 24 Thawhtanni khan Champhai Bial Zion Veng Kohhran Biak inah an thukhawma, he hunah hian District Treasurer thlanna neih a ni.
Tuichangral District Treasurer thlanna hi Mizoram UPC General Superintendent Rev.Thangliansanga'n a neihpuia, kum 2022 chhunga District Treasurer atan Upa Lalropuia Sailo, Champhai Bial Dinthar Kohhran chu thlan a ni.
