General Superintendent Rev Thangliansanga chu February ni 12 Inrinni hian NC Hills Bial tlawh turin a zin chhuak.
General Superintendent hi NI 15 Thawhlehni khian Aizawl a lo let leh ang.
General Secretary Rev Saienga Sailo chu ni 11 Zirtawpni khan Khawlek Bial tlawhin a zin chhuaka, General Secretary hi vawiin ni hian Aizawl a lo let leh ang.
Rev B. Lalchhanhima Secretary, General SS Dept. chuan ni 13 Pathianni hian Bawngkawn Bialte, Sunday School Seminar a neihpui dawna, Shalom kohhran Biak In ah Seminar hi neih a ni dawn a ni.
Puipa Committee
Mizoram UPC Puipa Committee February ni 8 a thukhawm chuan, Crusade Fund atanga Tirhkoh rawih lai mi pahnih ten chhungkaw harsatna an neih avanga phatna an thlen chungchang an ngaihtuaha,
an aiawh turin heng mite hi lak an ni.
Tirhkoh Lalsiamthanga, Senvon Manipur, Zanlawn hmuna rawngbawl tur leh
Tirhkoh Hrangthanmawia, Champhai Bethel Veng, Vapar hmuna rawngbawl turte an ni a, Tirhkoh rawih tharte hi March 2022 atanga Janaury 2023 thleng rawih phawt an ni ang.
General Missions Dept
General Missions Dept Executive Board chu February ni 10, Ningani khan Conference Hall, General Headquarters Office-ah an thukhawma, Upa Andrew Laldingliana, Chairman in a kaihruai.
Meeting-ah hian Missionary Grade B Jr-I pathum lakna Online hmanga Virtual interview neih a ni a, Missionary thawklaite atangin diltu 6 awmin, heng mite hi lak an ni.
- a) Tk Robert K Singson, Chhatisgarh.
- b) Tk Ramhmingthanga, New Delhi.
- c) Tk Rammuana, Uttarakhand
General Missions Dept. Executive Board chuan Missionary lak tharte awmna hmun tur Transfer & Posting an ngaihtuah nghala,
Tk Robert K Singson, Chhatisgarh atangin Gosaigaon-ah
Tk Rammuana, Uttarakhand atangin Agra-ah sawn an ni a,
Tk Ramhmingthanga hi a awmna ngai Delhi-ah a awm rih ang.
Heng bakah hian Christy Vanlalremruati, (missionary to China) chu Foreign Missions hruaitute rem tihna angin Home Missions hnuai, Birpara Pentecostal Missions School-a Zirtirtu hna thawk rih turin an rel bawk.
China Missionary hi hripui leng avangin China ram a la lut thei lo a ni.
P&FB
Mizoram UPC Planning & Financial Board chu February ni 9 Nilaini khan Conference hall, General Headquarters Office-ah an thukhawma, Chairman Upa Lalzirliana kaihhruai meeting hian Mizoram UPC hmalakna tur pawimawh tak tak an sawiho.
P&FB meeting chuan General Headquarters Office, Sub Office, Puipa leh Area Secretary Quarters mamawh hrang hrang leina tur sum sanction chungchangte an rela, Mizoram UPC hnuaia General level Department, Board leh committee ten dilna an thlen hrang hrangte an sawiho bawk.
P&FB hian Bial hnih hnenah Pastor Quarters sakna pek a remti a, Pastor Quarters repair-na Bial hnih hnenah a pe bawk a ni.
M&PB
M&PB chuan February ni 9 Nilaini khan Mizoram UPC Studio-ah Casual Announcer lak tharte tan Training a buatsaiha, Upa R. Lallawmzuala Editor, Pentecostal Jubilee leh
John Zothansanga, Member M&PB ten zirtirna an pe.
He hunah hian Mizo tawng lam dan dik, News puan dan chunchanga hriattur bakah Announcer-te tana pawimawh tak tak in zirtir a ni a, zau taka inkawmhona te an nei bawk.
Training hi M&PB Secretary Samuel Lalrinawma’n a kaihruai a ni.
Foreign Missions Board
Foreign Mission Board chuan February ni 13 Pathianni chawhnu hian Cambodia Missionary R. Lalnunkimi thlahna inkhawm Govt. Complex kohhran Biak in ah an hmang dawna,
Upa C. Lalropianga Executive Chairman in inkhawm hi a kaihruai ang.
He hunah hian Rev Saienga Sailo General Secretary in report a pe anga, R.Lalnunkimi hnen atangin thu sawi ngaihthlak a ni dawn a, General Treasurer Rev PB Lalhmuliana’n fuihna thu chah a sawi bawk ang.
