GENERAL HEADQUARTERS HRUAITUTE RAWNGBAWLNA
Rev PB Lalhmuliana General Treasurer chu February ni 26 Inrinni hian Nepal Field tlawhin a zin chhuak dawna, Ni 27 Pathianniah Shillong-ah chamin kohhrante a tlawh hmasa ang.
General Treasurer hi Nepal Field zirchiang tura kal a ni a, hemi rual hian Field-a thawktu boral ta Pastor Santa Rai chu Foreign Missions Board aiawhin ralna a nei bawk a nga, March ni 4 Zirtawpni hian Aizawl a lo let leh dawn a ni.
Upa Andrew Laldingliana, Chairman General Missions Dept chu February ni 25 Zirtawpni hian Kawnpui Bial Missions Dept. inkhawmpui hman pui turin a zin chhuaka, Ni 28 Thawhtanni ah Aizawl a lo let leh ang.
Rev T. Laldingliana Secretary, General Missions Dept chu February ni 23 Nilaini khan Missions Field hrang hranga Survey nei turin a zin chhuaka, General Missions Department Executive Member Tual Upa Lalrinlianzova'n a tawiawm.
General Missions Department Secretary hian Guwahati Field, Lower Assam Field, North Bengal Field leh Sikkim Field-te a tlawh dawna, Ni 23 leh ni 24 khan Guwahati Filed leh Lower Assam Field te tlawhin,
Field chhunga Biak in sak mek leh Area Supervisor Quarters thar turte a enfiaha, Field Pastor, Area Supervisor leh Field workers te nen inkawmna hun an nei a ni.
Ni 25 Zirtawpni hian General Missions Dept Secretray hian North Bengal Field tlawh ve lehin Field chhunga thawktute nen inkawmna hun an neia, Birpara Pentecostal Missions School a tlawh bawk.
Inrinnni hian Sikkim Field Survey turin Sikkim khawpui Gangtok panin an kal leh dawna, Pathainni ni 27 ah Darjeeling ah chamin, Field Pastor te nen inkawmna an nei bawk ang.
Rev T. Laldingliana hi March ni 3 Ningani hian Aizawl a lo let leh dawn a ni.
L&PB
Mizoram UPC Literature & Publication Board chuan February ni 24 Ningani khan Conference Hall, General Headquarters Office-ah Workshop an neia, Kum 2022 beihrual zirbu tur ‘Thuthlung’,
Rev. C. Liansanga ziak chu an endik. Beihrual Bu hi L&PB chuan tihchhuah thuai an tum a ni.
