General Headquarters hruaitute rawngbawlna:
Rev Saienga Sailo, General Secretary chu February ni 3 Ningani hian Tlangpui kohhran tlawhin a zin.
General Secretary hian Tlangpui kohhran rawngbawltu leh SS zirtirtute Seminar a neihpui dawna, Pathianni chamin Revival inkhawm a hmanpui nghal dawn a ni.
Rev Saienga Sailo, General Secretary hi February ni 7 Thawhtanni hian Aizawl a lo let leh dawn ang.
Rev B. Lalchhanhima Secretary, General SS Dept chu February ni 4 Zirtawpni hian Ruantlang Bial SS Dept. Seminar neih pui turin a zin dawna, Rev C. Liansanga, ATI Lecturer in a tawiawm ang.
Seminar hi Melbuk kohhranah an nei dawna, General SS Dept Secretary hian Ruantlang kohhran SS Hall sak that ngai a enfiah dawn bawka, February ni 7 Thawhtanni hian Aizawl a lo let leh dawn a ni.
L&PB
Mizoram UPC Literature & Publication Board chu March ni 1 Thawhlehni khan Conference Hall General Headquarters Office-ah an thukhawma, L&PB hmalakna tur pawimawh tak tak an sawiho.
Meeting-hi Chairman Rev C.Liansanga’n a kaihruaia, L&PB-in lehkhabu a tihchhuah tur chungchangte, hla in phuahsiak buatsaih dan turte chu an thu rel langsar zualte a ni a, Lehkhabu tih chhuah thar tur leh a man tur hetiang hian an ruahman.
‘Lengkhawm hla leh a phuahtu Pentecost hranghluite’ tih lehkhabu
Upa Lalthlamuana ziah chu Rs. 250/- a hralh chhuah tur a ni a,
Thuthlung (Beihrual bu) Rev. C. Liansanga ziah leh
Mi nung pathum nge pakhat? Rev. R. Laldawngliana ziahte chu Rs. 100/- ve ve a hralh chhuah nise an ti bawk a ni.
L&PB meeting chuan Mizoram UPC hnuaia kohhran mal tin din tan dan leh an tun dinhmun lehkhabua buatsaih nise an ti bawka, hma la tu tur Sub Committee dinin
Chairman-ah Rev. Saienga Sailo, General Secretary
Secretary-ah T. Upa Misael Lalremtluanga leh
Treasurer atan H. Zomuani te an ni a, Member atan mi pathum an ruat bawk.
Heng bakah hian Hla inphuahsiak buatsaih dan tur an sawiho bawka, Hemi atana hriattur pawimawhte chu Social Media kaltlangin tihchchuah a ni ang.
L&PB meeting-ah hian kum 2023 atanga 2025 atana Beihrual zirbu tur leh a ziaktu tur thlan a ni bawka,
Kum 2023-ah ‘Kohhran Humhalhna’ ziak tu atan Rev. P. Lalrinawma,
Kum 2024-ah Kohhran thurin puan chhuah te, ziak tu atan Rev. C. Liansanga leh
Kum 2025–a Beihrual zirbu atan ‘Thlarauva awm’ ziak tu atan Tirhkoh CH. Lalhmingmuana te ruat an ni.
GENERAL PYD
General PYD Executive Board chu February ni 24 Ningani zan khan Headquarters Kohhran Sunday School Hall, Tuikhuahtlangah an thukhawma, President Upa Vanneia Pudaite in a kaihruai.
Meeting-ah hian General PYD hmalakna tur hrang hrang sawiho a ni a, Treasurer leh General PYD hnuaia Committee peng hrang hrang ten report an pe bawk ani.
General PYD Executive Board chuan April ni 2 leh ni 3 Pathianni hmang hian Dilzawl Kohhran Lengpui Bial chu tlawh nise an ti a,
Seminar Paper ‘Hrileng leh Kohhran; tisa leh thlarauva kohhrante min nghawng dan’ tih thupui Upa F. Vanlalchama, Vice President, GPYD ziah chu thlirhona an nei bawka,
Seminar paper hi Mizo tawng bakah Sap tawnga buatsaih tha an ti a, endik tu tur leh bawhzui ngaite buaipui turin
1) Rebecca Lalrinpuii Sailo, Treasurer GPYD.
2) F.Vanlalchama, Vice President GPYD.
3)T.UpaH.Lalbiaksanga, Secretary, GPYD.
4) John Zothansanga, EBM te an ruat a ni.
Heng bakah hian General PYD Quiz chungchang an sawiho bawka, Organising Committee-te dinin hruaitu atan heng mite hi an ruat.
Chairman : Upa F. Vanlalchama Vice President GPYD
Secretary : F.Lalrinliana, EBM
Treasurer : Rebecca LalrinpuiiSailo, Treasurer, GPYD leh Member atan mi 9 an ruat bawk.
General PYD buatsaih Quiz Competition ah hian Bial leh Tualchhung aiawh tel theih a ni dawna, team khatah hian mi 2 zel an awm dawn a, tel turte chu March ni 27 hmaa in ziah luh vek tur a ni.
General PYD Executive Board chuan Social wing Committee in ram pum huap Blood Donation an buatsaih turah Budget an ruahman te pek a remti a, General PYD Property repair ngai chungchangte an sawiho bawk.
.
