GENERAL HRUAITUTE RAWNGBAWLNA
General Secretary Rev Saienga Sailo chu, March ni 13 Pathianni hmanga T. Upa Rohlua te chhungkuain Edenthar kohhrana Pathian chawimawina an neih turah Speaker a ni dawna, Zirtawp zan atang hian rawngbawlna a nei tan dawn a ni.
General Treasurer Rev PB Lalhmuliana chu N.Mualcheng Bial Missions Dept. Inkhawmpui hmanpui turin March ni 12 Inrinni hian a zin dawna, March ni 14 Thawhtanni hian Aizawl a lo let leh dawn a ni.
General Missions Dept. Chairman, Upa Andrew Laldingliana chuan March ni 13 Pathianni hmang hian Thingsulthliah Bial Missions Dept. inkhawmpui a hmanpui dawn.
Upa Andrew Laldingliana hi inkhawmpuiah hian Speaker a ni dawna, Khumtung kohhranah an hmang dawn a ni.
General Missions Dept. Secretary Rev T. Laldingliana chu March ni 11 Zirtawpni hian Itanagar kohhran Biak in hawng tur leh Tezpur Field zirchiang turin a zin chhuak.
Itanagar kohhran Biak in hi Pathanni hian Rev T. Laldingliana’n hawnna a nei dawna, Thawhtanni ah Arunachal Field-a Senki view leh Seppa kohhrante a tlawh bawk ang.
Rev T. Laldingliana hi March ni 17 Ningani hian Aizawl a lo let leh dawn a ni.
PASTOR SEMINAR NEIH A NI
Mizoram UPC Pastor Seminar ni hnih awh chu March ni 8 leh ni 9 khan Dinthar Kohhran Biak Inah neih a ni.
Seminar ni khatna hi Mizoram UPC General Superintendent Rev Thangliansanga'n a kaihruai a, chawhma leh chawhnu hun hman a ni a, chawhmaah hian seminar thupui ‘Upate’n Pastor-te kan beisei dan’ tih an zir ho va,
Mizoram UPC Executive Chairman Upa C.Lalropianga chu resource person a ni a, Thupui sawiho na zau tak an nei bawk.
He hunah hian Rev T. Laldingliana, Secretary General Missions Dept. leh Rev B.Lalchhanhima, Secretary General SS Dept. ten thu sawiin, an department vawn lai report an pe a, an hnen atang hian thahnem ngaihna thu
Pawimawh tak tak ngaihthlak a ni bawk.
Chawhnu lamah ‘Sum leh paia rawng bawlna’ tih thupui, Rev PB Lalhmuliana General Treasurer buatsaih chu an zir ho leh a, kalkhawm ten hlawkthlak an ti hle a ni.
Mizoram UPC Pastor Seminar ni hnihna ah hian Rev PB Lalhmuliana, General Treasurer chuaninkhawm a kaihruai thunga, chawhma lamah seminar thupui ‘Thawhhona’ tih chu resource person
Rev Saienga Sailo, General Secretary chuan zirtirna a neia, chawhnu lamah Rev Thangliansanga General Superintendent chuan
‘Pastor rawngbawl hna’ tih thupui hmangin paper a present bawk. He hunah hian Apostolic Theological Institute Principal Rev P Lalrinawma leh Dean Rev Zoramthara ten
ATI report an pe a, Area Secretary Rev PC Parliana hnen atangin thusawi ngaihthlak a ni bawk a ni.
Mizoram UPC Pastor Seminar-ah hian Pastor 76 koh an ni a, dam lohna avanga kal thei lo Pastor pahnih awmin, Pastor 74 an kal thei a, Myanmar District, Tripura District leh Missions Field-a Pastor 21 te erawh chu hun remchang dangah Seminar neihpui an la ni ang.
Mizoram UPC hnuaiah hian Pastor 97 an awm mek a ni.
General Missions Dept
General Missions Dept Executive Board chu March ni 10 Ningani zan khan Conference Hall, General Headquarters Office-ah an thukhawma, Chairman Upa Andrew Laldingliana’n kaihruaiin Mizoram UPC Puipa General Secretary Rev Saienga Sailo leh General Treasurer Rev PB Lalhmuliana ten an ho a ni.
Executive Board Meeting chuan General Missions Dept hmalakna tur pawimawh tak tak an sawihova, an thu rel langsar zual zingah Agra kohhran Biak in hmun leite, Birpara Missions School Building sak thatna tur sum sanction-te, Field-a Biak in sak thatna tur sum pekte a tela, heng bakah hian thawktu pahnih an awmna hmun an sawn bawka, General Missions Dept. Executive Board chuan Pastor Lalrammuana chu Agra atangin Uttarakhand-ah a daha, Pastor C. Lalruatfela pawh Tezpur atangin Agra-ah an sawn a ni.
