Hruaitute Programme :
General Superintendent Rev. Thangliansanga chu Zote kohhran Biak In sak hawng turin March ni 25 Zirtawpni khan a zinchhuak a, naktuk Pathianni zan thleng hun hmangin Pathian thuhril rawngbawlna a nei ang.
Rev. T. Laldingliana General Mission Secretary chu tun Pathianni March ni 27 hmanga Chawlhmun Bial Inkhawmpui, Chawlhhmun kohhrana neih turah hun hmanpuiin, Pathianni zingah thuhril rawngbawlna a nei ang.
General Sunday School Secretary Rev. B. Lalchhanhima pawh naktuk Pathianni zan hian Headquarters kohhranah Pathian thuhril rawngbawlna neiin hun a hmanpui bawk ang.
Planning & Financial Board meeting neih a ni
Mizoram UPC sumkhawih rorelna sang Planning & Financial Board meeting vawi 313-na chu March ni 23 Nilaini chawhnu dar 12:30 khan Conference Hall General Headquarters Office ah thutkhawm a ni.
He meeting hi Upa Lalzirliana Chairman Planning & Financial Board chuan kaihruaiin, thurel tura chhawpchhuah agenda pawimawh tak tak zingah Bethani Children Home Sihhmui a School sak chhunzawmna tur ngaihtuah te, hmun hrang hrang atanga Biak In hmun lei dilna lut te, Pastor Quarters sak mek chhunzawmna leh repair na atana dilna lut te an ngaihtuah a ni.
-----------
Joint meeting neih a ni
General PYD hruaitute leh Literature & Publication Board hruaitu te chuan March ni 22 Thawhlehni zan khan Joint meeting an nei a, Oneness literature tih hma sawn nana programme buatsaih te, General PYD leh L&PB ten MoU an lo sign tawh tih chak zel dan tur te relin ruahmanna hrang hrang an siam.
He meeting hi Rev. C. Liansanga Literature & Publication Board chairman chuan a kaihruai a ni.
