General hruaitute Programme:
General Superintendent Rev Thangliansanga chu Zirtawp zan atang hian Dinthar kohhrana Pathian chawimawina inkhawmah Speaker a ni dawna, Pathianni zan thleng hian hun a hmang ang.
Rev B. Lalchhanhima Secretary, General SS Dept. chu ni 2 Inrinni hian Thingsulthliah Bial SS Meet hmanpui turin a kal dawna, Pathianni thleng a cham ang.
Puipa Committee
Mizoram UPC Puipa committee chu March ni 30 Nilaini khan an thukhawma, JNPC inkhawmpui lian Mizoram UPC aiawha hmanpui tu tur leh thil pawimawh tak tak an sawiho.
Puipa committee chuan relief fund atang heng mite hi ralna leh tanpui pek nise an ti a, Lalmuankimi, Thingsai Covid 19 avanga boral, Lalrinzuali leh Lallianthanga, Champhai chenna in kang, Zohmingliana, Keifang chenna in kang leh Lalramhluni Kawnpui Chhim veng Civil Hospital-a Cancer natna avanga awm mekte. Heng bakah hian Preaching point hawn thar pahnih Ramhlun Sports Complex Vengthlang, Chaltlang Bial leh Laitlang, Hmawngbu Bialte chu tanpuina sum pek an rel bawka, JNPC General Convention April ni 14 atanga ni 17 chhunga Adur hmuna neih tur hmanpui turin Puipa Committee chuan Rev PB Lalhmuliana, General Treasurer leh
Rev T. Laldingliana, Secretary, General Missions Dept te an ruat bawk a ni.
Revival Committee
Mizoram UPC Revival Committee chu March ni 29 Thawhlehni khan Conference Hall, General Headquarters Office-ah an thukhawma, Revival Committee Chairman Rev Thangliansanga,
General Superintendent ni bawk chuan a kaihruai. Revival Committee chuan
Crusade leh Evangelism lama hmalakna tur pawimawh tak tak an sawi hova, General Assembly vawi 27-na in Revival Team din leh tha a tih chu kum 2022 chhung atan Revival Team panga din an rela, Team Speaker tur atan heng mite hi an thlang.
Tirhkoh Michael Lalramchhana, Tualbung, Keifang Bial
Tirhkoh Emmanuel Lalthianghlima, N. Khawlek, Khawlek Bial
Tirhkoh Malsawmliana, Vairengte, Vairengte Bial
Tirhkoh Lalbiaknia, Tawizo, Keifang Bial
Tirhkoh Emmanuel Ramtharnghaka, Khatla, Headquarters Bialte an ni a,
Revival Team Speaker-te hian Mi pali theuh member an nei thei dawn a ni.
Gen LAD
General LAD Executive Board March ni 30 Nilainia thukhawm chuan kumin chhunga Mizoram UPC Bial hrang hrangte General Headquarters aiawha tlawh dan tur leh Revival cum seminar neih puina turte an sawihova,
April ni 9 Inrinni hian General LAD Office Bearer leh EBM te chuan Darchawi, Tripura tlawh an rela, May ni 7 & ni 8 Pathianni hmanga Churachandpur Bial LAD te seminar cum revival neihpui an rel bawk.
Heng bakah hian Lawngtlai Bial LAD ten seminar hmanpui tura an sawmna an pawm bakah Amotlah leh N. Khawlek bialte tlawh an tum bawk a ni. General LAD Executive Board chuan Kumin 2022 hi LAD Inkhawmpui lian thlen kum a nih avangin bial tinte sum peng hrang hrang August thla ral hmaa General Headquarters-a chhung lut turin an ngen a ni.
ATI
Apostolic Theological Institute, Durtlang chuan April ni 7 Ningani chawhnu dar 1:00 hian Registration Day Programme ATI Chapel-ah an nei dawna, zirlai lut turte chawhma dar 10:00 ah thleng vek turin a hriattira, Covid 19 Negative Certificate darkar 72 chhung nung ngei neih vek turin a ngen a ni.
KHAWTHLANG DISTRICT
Khawthlang District chuan kum 2021 District Inkhawmpui rorel thu pass bawhzuiin March ni 28 atanga ni 31 chhung khan W.Phaileng Bial, Damparengpuia Tirhkoh Quarter sain District huap Work Camp an nei a,
Distirct chhunga Bial hrang hrang atangin member 32 an riak luta, lehlanga thawk mi thahnem tak an awm bawk.
Tirhkoh quarters hi District Commttee-in Bial hrang hrang Target a siam atanga sum lut hmanga sak a ni a, feet 32”X12” a zau a ni.
Khawthlang District chuan kumin hian khaw 3 - Damdiai(Mamit Bial), Zamuang(Rengdil Bial) leh Damparengpui (W.Phaileng) Bial ahte Tirhkoh an ruai mek a; Damparengpui-ah hian Tk.K.Laldingngheta, N.Vanlaiphai chu rawngbawlin a awm mek a ni.
