General Headquarters hruaitute programme.
Mizoram UPC General Superintendent Rev Thangliansanga chu April ni 10 Pathianni hmang hian Kawnpui Bialtu Pastor Rev Rokhuma te chhungkua Pathian chawimawinaah Speaker a ni dawna, Inrinni hian Kawnpui panin a zin chhuak ang.
General Secretary Rev Saienga Sailo chuan April ni 9 leh ni 10 Pathianni hmang hian Ramhlun South kohhran a tlawh dawna, Tumkau ni a hmanpui ang.
General Treasurer Rev PB Lalhmuliana chu April ni 10 Pathianni hian Muanna veng kohhran ah hun a hmang bawk ang.
General Missions Dept hruaitute Upa Andrew Laldingliana Chairman leh Rev T. Laldingliana, Secretary te chuan Tumkau ni chu Govt Complex kohhrante an hmanpui dawna, Pathianni chawhma inkhawmah Rev T. Laldingliana’n thuhril rawngbawlna a nei anga, chawhnu lamah General Missions Dept buatsaih ram pum huap Chanchin tha puanna mual inkhawmah General Missions Dept Chairman hian thuhril rawngbawlna a nei thung ang.
General Missions Dept
General Mission Department Executive Board chu April ni 6 Nilaini khan Conference Hall General Headquarters Office-ah an thukhawm a, Mission Field a hmalakna tur pawimawh tak tak an sawiho.
Meeting chuan Agra kohhran Biak In zauh nan Biak In bula ram lei belh nise an ti a, General Headquarters aiawha ram en fel turin Rev. PB Lalhmuliana General Treasurer leh Rev T Laldingliana Secretary, General Missions Department-te chu an ruat.
North Bengal Field, Mechudhuara hmuna Pentecost Mission School-a thawktute Pay Scale hman mek chu zir chianna neih hmasaka Mission Pay rule dung zuia kum 2023 atanga tihsan tum nise tihte, Mizoram UPC in missions lama kan thawhpui JNPC-te kum tin puihna kan pek thin pawh kum thar atang chuan tih pun nise an ti bawk.
Heng bakah hian Upper Assam Field atanga Tezpur Field thar hawn chu chak taka fucntion nise an ti a, Karbi Anglong Field, Klurdung hmunah Biak In sak nise, bul tanna atan Rs 2 Lakh (nuaihnih) an ruahman bakah,
Nagaland Field Meluri-a quarters sak lai chhunzawm nan Rs 2 Lakh pek an rel bawk.
General Missions Dept Executive Board meeting chuan Field hrang hranga hmalakna tur atan sum engemaw zat a sanction a, Lower Assam Field a Dolotpara kohhran enkawltu Lombar Champramary chu pension a a chhuah tak avangin, post ruak hnawhkhah nghal a ni a, Simson Narzary chu worker atan meeting chuan an la thar a, Kolkalta Field-a thawk turin Shubasis Biswas chu an la bawk.
General Missions Dept Executive Board meeting hi Chairman Upa Andrew Laldingliana’n a kaihruaia, Mizoram UPC Puipa ten an ho a ni.
ATI
Mizoram UPC Bible School Apostolic TheologicaI Institute Mizo section chuan April ni 7 Ningani chawhnu dar 1:00 khan Chapel-ah registration day an hmanga Session tan a ni.
Rev. P.Lalrinawma Principal chuan he hun hi kaihruaiin, Rev. Ngurthanpara Sailo, Lecturer in hunserh a hmang a, Dean Rev.Zoramthara’n report a pek bakah Zirtirtute leh zirlaite inhmelhriattirna a nei bawk.
ATI Registration Day-ah hian Rev.Vanlalsipaia, Lecturer chuan zirlaite hmaah fuihna thu chah a sawi a, programme tluang taka hman zawh anih hnuah Rev.C.Liansanga, Lecturer in malsawm tawngtaina in inkhawm a ti tawp a ni.
Kumin hian ATI Mizo section- ah zirlai 50 awmin, 1 year ah mi 13, II year-ah mi 15 leh III year-ah mi 22 te an awma, Thla 7 chhung kumin session hi kalpui an tum a ni.
GENERAL PYD
General PYD hruaituten April ni 2 leh ni 3 Pathianni hmang khan Dilzawl kohhran Lengpui Bial tlawhin hun an hmang.
General PYD hruaitute hi Executive Board Meeting ro rel bawh zuia feh chhuak an ni a, Lengpui Bialtu Pastor Rualthanmawia leh Dilzâwl khua-a rawngbawl tu atana Lengpui Bial Missions Department in an rawih mek Tk.Vanlalruala ten an tawiawm a ni.
Inrinni zan atangin kohhran hote inkhawmna an neihpui a, Andrew Lakfakzuala EBM chuan thuhril rawngbawlna a neia, Pathianni chawhma inkhawmah Upa.F. Vanlalchama Vice President, General PYD in hun hmang velehin, Pathianni zing leh chhunah kohhran in tlawh chhuahnate an nei a ni.
Pathianni zan inkhawmah General PYD President Upa Vanneia Pudaite chuan thu hril rawngbawlna neiin, Dilzawl kohhran te nen Revival hlim takin an hmang a, he fehchhuah rawngbawlna hi Pathianni zan khan tiakin
General PYD hruaitute hi April ni 4 Thawhtanni khan Aizawl an let leh a ni.
Advertisement
Mizoram UPC General Headquarters chuan thawktu Driver pathum kum khat atan a la dawna, Kum 18 leh kum 40 inkar, pawl riat leh a chunglam Educational Qualification nei tan dil theih a ni.
Application Form hi Office hun chhungin General Headquarters Office-ah lam tur a ni a, diltu chuan mahni lawina kohhran hriatpuina lehkha bakah Xerox photo Copy Birth Certificate, Education Certificate leh Driving License thil telin April ni 30 hmain dilna hi thehluh tur a ni.
Personal Interview leh Driving test, May ni 2 Thawhtanni ah neih tur a ni ang.
