General Headquarters hruaitute rawngbawlna.
General Superintendent Rev Thangliansanga chuan Ningani zan, A lungnngaih zan hian Venghlui kohhranah Lalpa zan riah Sacramnet a buatsaih dawna, Good Friday a hmanpui bawk ang.
General Superintendent hi April ni 16 Inrinni chhun aṭanga Pathianni zan thleng hian Chaltlang kohhrana Upa Lalthlamuana Hnamte te chhungkua Pathian chawimawinaah Speaker a ni ang.
General Secretary Rev Saienga Sailo chuan Ningani zan hian Chaltlang kohhranah Lalpa zan riah Sacrament a buatsaiha, Good Friday Edenthar kohhranah a hmang bawk ang.
Gen news
JNPC 38th General Convention hmanpui tura kal General Treasurer Rev PB Lalmuliana leh Rev T Laldingliana, Secretary General Missions Dept te chu April ni 12 Thawhlehni khan Adoor panin an zin chhuak.
General Headquarters hruaitute hi Kolkatta ah hemi ni vek hian an riak luta, a tuk ni 13 Nilaini khan Eastern India Area, Kolkalta Field Kalinagar khuaa Crusade chu an hmanpui a, mi thar 6 Mizoram UPC ah lawm luh an ni.
He crusade ah hian General Mission Dept Secretary Rev T Laldingliana leh Pastor Vanlalchama ten thu hril rawngbawlna an nei a, mi tharte hi Hindu sakhua atanga lawmluhte an ni a, Bay of Bengal Tuifinriat ah Baptisma rawngbawlna buatsaih niin, Rev T. Laldingliana’n mi tharte hi Lalpa Isua hmingin Baptisma a chan tir a ni.
Kolkata Field Crusade buatsaih nan hian Tk Liansangkima, Hqrs Kohhran Chairman chuan Pawisa thahnem tak a thawha, General Missions Dept. a chungah an lawm hle a ni.
General Treasurer Rev PB Lalhmuliana leh General Missions Department Secretary Rev T. Laldingliana te hi April ni 14 Ningani khan JNPC 38th General Convention neihna hmun tur Adoor panin an chhuak leha, April ni 17 Pathianni hmang hian inkhawmpui hi an nei dawn a ni.
Rev B. Lalchhanhima, Secretary General SS Department chuan April ni 14 Ningani A lungngaih zan khan Samtlang kohhranah Lalpa zan riah Sacramnet a buatsaiha, Good Friday hian chhun lamah Zonuamah kohhranah hun a hmang thung dawna zan lamah Lengte kohhrante hmanpuiin, Pathianni zan hian Dawrpui kohhranah hun a hmang bawk ang.
Area Secretary Rev PC Parliana chu Good Friday leh Easter Sunday vuak vetah Sacrament leh ke sil rawngbawlna neiin a feh chhuak a, A lungngaih zanah Thingfal kohhranah hun hmangin,
Good Friday Tawipui South kohhrante a hmanpuia Zan lamah Mualcheng kohhranah hun hmang velehin, Easter Sunday thleng hian rawngbawlna a nei ang.
Sub Office Lunglei
Mizoram UPC Sub Office Lunglei huam chhung a Bialtu Pastor 14 te chuan April ni 6 Nilaini khan Area Secretary Rev PC Parliana kaihhruaina hnuaiah chhim lam Area a ram lak beihpui thlak dan tur ngaihtuahin Lawngtlaiah an thu khawma, he hun hi sawm anih angin Upa C Ṭialvunga, Lawngtlai District Chairman chuan a telpui bawk.
He Meeting hian Crusade neih ṭulna hmun tur leh Tirhkoh/ Rawngbawltu dahna hmun turte an sawihova Bialtu Pastorten an bial theuh a hmalak pawimawhna leh a ṭul dante report an pe a, kalkhawmte hian nilengin ro an rel a, thutlukna te hi Puipa Committee-a thlen leh tur a ni.
GENERAL PYD
General PYD Executive Board Meeting Vawi 202-na chu April ni 10 (Pathianni chawhnu) khan West Serzawl kohhran Biak inah neih a ni a, Upa Vanneia Pudaite, President, GPYD in a kaihruaia, Kum 2022 General PYD inkhawmpui chu Mizoram UPC Assembly Centre-ah an nghat.
General PYD Executive Board meeting-ah hian General PYD hruaitute fehchhuahna hrang hrang thlir letna an neia, March Ni 19 leh ni 20 hmang khan General PYD hruaitute hi in sem darhin Hmawngbu Bial PYD leh Diltlang South Bial PYD te an tlawha, April ni 2 leh ni 3 Pathainni hmang khan Dilzawl Kohhran (Lengpui Bial) an tlawh bawk.
General PYD Executive Board chuan hlawk thlak an tiin heng bial pathum tenan lo dawnsawnna ah lawmthu an sawi a ni.
General PYD Executive Board meeting chuan Bial hrang hrang atanga Seminar neihpui tura sawmna an dawnte an ngaihtuah bawka, April ni 30 leh May ni 1 Pathianni hmang hian feh chhuah nise an ti a,
Hetiang hian ruahmanna an siam. Khawzawl Vengthar Bial PYD te Seminar leh revival neihpui turin Upa Vanneia Pudaite, President, General PYD RD Lalremtluanga, EBM leh Upa Robert Lalromawia, EBM
Rabung Bial PYD Seminar leh Revival neihpui turin Upa F.Vanlalchama, Vice President, General PYD Rebecca Lalrinpuii Sailo, Treasurer, General PYD Leh Andrew Lalfakzuala, EBM.
Ruantlang Bial PYD Seminar leh Revival neihpui turin T.Upa H.Lalbiaksanga, Secretary, General PYD Lalnunmawia, EBM leh John Zothansanga, EBM
Vairengte Bial PYD Leadership training leh Revival neihpui turin T.Upa B.Lalbiakdika, Asst Secretary, General PYD T.Upa Pc.Laltlanzova, EBM F.Lalrinliana, EBM leh C.Zoremtluanga, EBM te an ruat a ni.
Heng bakah hian meeting chuan Ruihhlo ngaite pual chawnghei ṭawngṭai General PYD Board vawi 25-nain a rel tawh chu, A hun atan May ni 22 (Pathianni tlai) an ruata, rampum huapa neih tur a ni.
Kum 2022 General PYD Inkhawmpui lian thlen diltu an awm loh avangin General PYD Executive Board meeting chuan PYD General Inkhawmpui vawi 26-na chu Mizoram UPC Assembly Centre, Zonuam-ah nghah mai ṭha
An ti a, he mi atan hian Organizing committee an din nghal a ni.
