General Treasurer Rev PB Lalhmuliana chu May ni 4 Nilaini khan Kolasib Venglai Bial leh Kawnpui Bial Pastor Quarters tlawhin a kala, repair ngai awmte leh hmalak dan turte enfiahin, Bial hruaitute nen inkawmna an nei a ni.
General Treasurer hi Upa Lalzirliana, Chairman P&FB in a tawiawm a ni.
Rev PB Lalhmuliana hi May ni 7 Inrinni hian Hnahlan Bial tlawhin a zin chhuak bawka, Hnahlan kohhran leh North Diltlang kohhranahte hun a hmang ang. General Treasurer hian Zokhawthar kohhran Biak In sak that turte a hmunah enfiahin, Ruantlang Bial leh Champhai Bial Pastor Quarters sak mekte a tlawh bawk dawn a ni.
Gen LAD
General LAD hruaitute chu May ni 7 & ni 8 Pathianni hmang hian Churachandpur Bial LAD te Seminar cum Revival neihpui turin an kal ang.
Foreign Missions Board
Mizoram UPC Foreign Missions Board chuan Nepal Field-a Pastor thawktu tur a la dawna, May thla chhung dilna hun hawn a ni a, Office hun chhungin Foreign Mission Board Secretary, General Headquarters Office-ah dilna hi thehluh tur a ni.
Pastor hna lak tur hi Grade B Junior II level a ni a, Oneness Bible School kal chhuak, Hindi emaw Nepali tawng emaw thiamte chu duhsak bik an ni ang.
Bethani Children’s Home Society Board
Bethani Children’s Home Society Board chu May 3 Thawhlehni khan Conference Hall, MUPC Office-ah an thu khawma, Board Chairman Upa Lalvuana’n a kaihruaia, Puipa Rev Saienga Sailo, General Secretary leh
Rev PB Lalhmuliana, General Treasurer ten an ho a ni.
Bethani Children’s Home Society Board thu khawm chuan Bethani Childrens Home mamawh hrang hrangte ngaihtuahin, hmalak dan turte an sawi hova, Kitchen cum Dining hall sak chhunzawmte, Home Building leh Fencing chei that chungchang te leh Property lei chungchangte chu an thu rel langsar zualte an ni.
ATI
Apostolic Theological Institute Board chu May ni 6 Zirtawpni khan ATI Office Durtlangah an thukhawma, Board Chairman Upa Dr. Saingura’n kaihruaiin Mizoram UPC Puipa General Superintrendent Rev Thangliansanga leh General Secretary Rev Saienga Sailo ten an ho.
He meeting-ah hian ATI hmalakna tur pawimawh tak tak sawiho a ni a, Silver Jubilee hman dan turte, Grik leh Hebrai tawng zir tur thlan chungchangte leh ATI panna kawng siam that chungchangte chu an thu rel langsar zualte a ni.
