General Superintendent Rev Thangliansanga chu May ni 20 Zirtawp zan atang khan Headquarters kohhrana Rev H Lalrawnkimate chhungkua Pathian chawimawina inkhawmah Speaker niin thuhril rawngbawlna a neia, Pathianni zan thleng hun a hmang ang.
General Missions Dept Chairman Upa Andrew Laldingliana chu Ruantlang Bial Misisons Dept inkhawmpui hmanpui turin May ni 20 Zirtawpni khan a zin chhuak.
Ruantlang Bial Missions Dept inkhawmpui hi Zirtawp zan atanga Pathianni zan thleng hian neih a ni dawna, Upa Andrew Laldingliana hi Speaker a ni ang.
General Missions Dept. Chairman hi H.Zosangliani Chawlhhmun leh T. Upa T.C Lalhmingmawia bakah Govt. Complex PYD mi engemaw zat in an ṭawiawm a ni.
General Missions Dept Secretary Rev T. Laldingliana chu May ni 20 Zirtawp zan atang khan Zonuam kohhrana Upa K. Lalthantluanga te chhungkua Pathian chawimawinaah Speaker niin, Inrinni chhun thleng hian thuhril rawngbawlna a nei dawna, Inrinni zan atanga Pathianni zan thleng hian Chawlhhmun Bial Revival programme Zonuam Kohhrana neih turah Speaker a ni bawk ang.
P&FB
Mizoram UPC Planning & Financial Board chu May ni 19 Ningani khan Headquarters kohhran SS Hall-ah an thukhawma, Chairman Upa Lalzirliana’n a kaihruai.
He Board thut khawmah hian Audit Note chhannate thlirho a ni a, Mizoram UPC puipa ten hovin General Treasurer hnen atangin Financial report ngaihthlak a ni bawk.
Planning & Financial Board meeting-ah hian Puipa Agenda leh ro relna hmasa bawh zui ngaite nen Agenda 13 chhawp chhuah a ni a, Mizoram UPC hmalakna tur pawimawh tak tak Assembly Hall sak chungchangte, Bethani Childrens Home, Sihhmui a hmalakna turte, New Pension Scheme chungchangte chu a langsar zualte an ni.
ATI
Mizoram UPC Bible School, Apostolic Theological Institute thawktu, zirlaite leh M.Suaka Veng Welfare te chuan May ni 19 Ningani khan ATI panna kawng siam thain hnatlang an nei.
Hemi ni hian hnatlanga thawk chhuak an thahnem hle a, kawng rual remlo laite hnawh mamin, laih zauh leh kawngkam then fai hnate an thawka, M.Suaka Veng Welfare-te chungah ATI thawktu leh zirlaite an lawm hle a ni.
ATI chuan May ni 26 atanga ni 31 chhung hian First Terminal Examination an nei dawna, June ni 2 hian Silver Jubilee lawmna hun buatsaih an tum bawk.
Beihrual Zirbu tlangzarh a ni.
Kum 2022 Beihrual zirbu 'Thuthlung' Rev. C. Liansanga ziak chu May ni 16 Thawhtanni khan Mizoram UPC General Headquarters Office-ah Rev. Thangliansanga, General Superintendent chuan kohhran mipuite lei theih turin a tlang zarha, Pathian hnenah hlanna a nei.
Kumin Beihrual zirbu-ah hian Thupui 22 zirho tur a awma, Bu khat hi ₹100 a ni.
Mizoram UPC Bookroom-ah lei theih a ni e.
Pastor Welfare
Mizoram UPC Pastor Welfare Committee chu May ni 16 Thawhtanni khan Conference Hall, General Headquarters Office-ah an thukhawma Chairman Rev. Thangliansanga, General Superintendent-in a kaihruai.
Pastor Welfare committee chuan an welfare member Rev Hrangchuanthanga Superannuation Pension-a chhuak tur chu Welfare hminga thlah dan tur chungchangte an rela, thlahna thu sawi turin Rev Ngurthanpara Sail oleh thlahna thil pek hlan turin Rev Vanlalsipaia te an ruat a ni.
Heng bakah hian kalkhawmte atangin kohhran hote kal zelna tura pawimawh tak tak ngaihthlak a ni a, thawhona tha zawk leh hmasawnna kohhranah a awm zel theih nana hmalak dan turte an sawiho bawk a ni.
Pension thlahna inkhawm nei.
Mizoram UPC Pastor Superannuation Pension a chawl ta, Rev Hrangchuanthanga thlahna inkhawm May ni 20 Zirtawpni hian Conference Hall, General Headquarters Office-ah neih a ni.
He inkhawm hi Mizoram UPC Executive Chairman Upa C. Lalropianga’n a kaihruaia, Rev B. Lalchhanhima, Secretary General SS Dept in hunserh a hmanga, General Secretary Rev Saienga Sailo hnen atangin
Rev Hrangchuanthanga chanchin ngaihthlak a ni.
Mizoram UPC Puipa General Superintendent Rev. Thangliansanga leh Pastor Welfare aiawh Rev Ngurthanpara Sailo te chuan he hunah hian thu an sawia, General Treasurer Rev PB Lalhmuliana’n General Headquarters aiawhin ngaihhruina thil pek a hlan bakah Rev Vanlalsipaia’n Pastor Welfare aiawhin thil pek a hlan bawk.
Pension a chhuak ta Rev Hrangchuanthanga hnen atangin thu sawi ngaihthlak a ni bawka, Zaihona te neih a nih hnuah, Rev T. Laldingliana, Secretary General Misisons Dept chuan he inkhawm hi tawngtaina in a ti tawp a ni.
Rev Hrangchuanthanga, a pa Pu Lalhrangbula hi April ni 12, 1957 khan Chin Hills tlangdunga Chawhte khuaah a pianga, a nupui Lily-i nen fa thum neiin Tuingo-ah an khawsa a ni. International UPC hnuaiah hun engemaw chen Pastor hna a thawh hnuin kum 2000 khan Mizoram UPC a zawma, kum 2004 khan Ordination Licence pek a ni.
Upper Myanmar District-a Pastor hna a thawh chhung hian Bial Pasarih a enkawl hman a ni.
Gen PYD
General PYD Literature Committee leh Literature & Publication Board tang dunin an buatsaih Pentecost Fak Zai top 10 intihsiakna chu May ni 19 leh ni 20 Ningani leh Zirtawpni zan khan Dinthar kohhran hall-ah neih a ni a,
he intihsiakna hi General PYD YouTube channel-ah live-a pek chhuah a ni.
Fak zai top 10 intihsiakna hi Live Music hmanga neih a ni a, inelnaah hian a zan khatnaah
Joseph Lalhruaitluanga, Chaltlang
Malsawmdawngliani, Bungkawn
Shion Lalbiaknunga, Ramthar Hreichuk
Lalhmingmawii, Armed Veng South leh
Rebek Vanlalnunpuii, Thingsulthliah te an in lana,
A zan hnihna ah hian
Lalnunpuii, Bungkawn
Lalbiakfela, Bethlehem Vengthlang
Lalhriatkimi, Chaltlang
Michael CR Lalpianfela, Bungkawn leh
Vanlalduhsaka, Tumpui Kolasib ten intihsiakna an nei thung a ni.
Pentecost Fak Zai top 10 intihsiakna hi Zonet Bawhbel chuan May 21, Inrinni zan dar 8:00-ah a zan khatna a tichhuak ang a, May 22, Pathianni zan dar 8:00-ah vek zan hnihna a pek chhuah bawk ang.
Pentecost Fak zai Top 10 intihsiakna result hi vawiin Inrinni hian GPYD YouTube channel kaltlanga puan a ni dawna, heta tlingte hian Grand Finale May ni 27 Zirtawpni zan dar 8:00-a Dawrpui Multipurpose Centre a neih turah intihsiakna an nei ang.
Pentecost Fak zai Grand Finale hi Zonet Zawlbuk leh GPYD YouTube channel-ah live telecast a pek chhuah a ni dawn a ni.
Chaw nghei tawngtai
Kum 2021 PYD General Inkhawmpui lian aiawh General Board ro rèl "Kum 2022 chhung hian General PYD huaihawtin 'Ruihhlo ngaite pualin chaw nghèi ṭawngṭai' neih ni rawh se" tih chu, General PYD Executive Board chuan bawhzuiin "May ni 22 (Pathianni) tlai chu a ruata, bial tin PYD-te 'Ruihhlo ngaite puala chaw nghèi ṭawngṭaina hun hmang theuh turin a ngen a ni.
