General Headquarters hruaitute rawngbawlna:
Mizoram UPC General Superintendent Rev Thangliansanga chu May ni 27 atanga ni 29 Pathianni hmanga, Bazar Bial Missions Department-in Armed Veng South kohhran Biak ina Revival Programme an neihah Speaker a ni a, Zirtawp zan aṭang khan thu hril rawngbawlna a nei tan a ni.
General Treasurer Rev PB Lalhmuliana chu vawiin Inrinni hian Bairabi Bial Pastor Quarters sak mek enfiah turin langin a zin chhuak bawk.
Upa Andrew Laldingliana Chairman, General SS Dept chu May ni 25 Nilaini khan Tezpur Field hawng turin a zin chhuak.
Chairman General Missions Dept hian May ni 29 Pathianni hian Tezpur Field hawnna leh Pathian hnena hlanna Mazaparra ah a nei dawna, a cham chhung hian Upper Assam Field leh Arunachal Field-te a tlawh bawk ang.
Upa Andrew Laldingliana hi Executive Board Member Upa K. Lalzarliana’n a tawiawm a, June ni 1 hian Aizawl a lo let leh dawn a ni.
Rev T. Laldingliana, Secretary General Missions Dept chuan May ni 29 Pathianni hmanga Chawlhmun bial inkantawn programme, Central Jail veng kohhrana neih turah hun a hmag dawna,
Missions Campaign a nei bawk ang.
Rev B. Lalchhanhima, Secretary General SS Dept chu May ni 27 Zirtawpni khan Lungpho Bial ah SS Campaign leh Seminar nei turin a zin chhuaka, Tirhkoh C.Lalramngaia leh Tirhkoh V.L Hmangaiha ten an tawiawm.
General SS Dept Secretary hi Thawhtanni hian Aizawl a lo let leh ang.
Area Secretary Rev PC Parliana chuan May ni 28 atanga ni 29 Pathianni zan thleng hian Hnahthial bial Sunday School Dept. buatsaih Doctrinal Day camp leh revival programme, Electric veng kohhran biak in a neih tur chu a hmanpui dawna, May ni 28 Inrinni atang hian Revival inkhawmah thu hril rawngbawlna a nei anga, Pathianni zan thleng he hun hi hman a ni ang. Area Secretary hi Lalmuanawmi Lunglei farm veng chuan a tawiawm a, zai rawngbawlna a nei dawn a ni.
L&PB
Mizoram UPC L&PB chuan May ni 24 Thawhlehni khan Kum 2023 Puitling Sunday School zirbu tur 'Exodus' chu endikin workshop an nei. He workshop hi Mizoram UPC Office Conference Hall, Tuikhuahtlangah neih a ni a, Kum 2023 PTSS zirbu Exodus hi Dinthar Bialtu Rev. HC. Lalthlamuana ziak a ni.
Gen LAD
General LAD hruaitute chuan May ni 7 & 8 Pathianni hmang khan Churachandpur Bial LAD te Rengkai kohhranah seminar cum revival an hmanpuia, May ni 15 Pathianni hmang vek khan Siaha Bial LAD te
Amotlah kohhranah Seminar an hmanpui bawk.
May ni 22 Pathianni hmang khan General LAD Secretary Laltanpuii, GLAD Treasurer Lalthansangi,leh Executive Board Member mi 3 te chuan N.Khawlek Bial LAD te Khawlian kohhranah seminar an neih pui leh a ni.
May ni 29 Pathianni hmang hian General LAD President Lalchhandami, Vice President PL Lalrinmawii leh Executive Board Member mi pahnih te chu Hnahlan Bial LAD Seminar neih pui turin an kal a, Asst Sectetary Lalthlamuani leh EBM mi pathumte pawh Thenzawl Bial LAD Seminar neih pui turin an kal bawk.
GENERAL PYD
General PYD Executive Board chu May ni 24 (Thawhlehni) zan khan Bethlehem Vengthlang Kohhran Committee Room-ah an thukhawma, Upa Vanneia Pudaite, President, GPYD chuan kaihruaiin,
Kum 2022 General PYD inkhawmpui hman dan tur chu thu rel langsar zual a ni.
Meeting-ah hian General PYD Treasurer Rebecca Lalrinpuii Sailo chuan Financial report a pe a, Committee peng hrang hrang, Pentecost Meichher, Social wing Committee, Documentation Committee leh Literature Committee aṭangin an hma chhawp te leh hma an lak mekte ngaihthlak a ni bawk.
General PYD Executive Board chuan Kum 2022 GPYD Inkhawmpui lian September ni 23 atanga ni 25 Pathianni hmanga Mizoram UPC Assembly Centre, Zonuam hmuna neih turah, hun hmang tur leh mawhphurhna nei turte hetiang hian a ruat.
Pathian Biak inkhawm kaihruai turin Upa Vanneia Pudaite President General PYD leh Upa F. Vanlalchama, Vice President, General PYD Inkhawmpui hlantu: Rev. PB Lalhmuliana, General Treasurer, MUPC.
Palai lawmna : T.Upa B. Lalbiakdika, Asst Secretary, GPYD
Thuhriltu turte
Zirtawp zanah Tk.J.Rinnaliana, Meidum; Bairabi bial
Inrinni zanah Pastor K.Lalawmpuia Champhai Bialtu
Pathianni chawhmaah Rev. Saienga Sailo, General Secretary, MUPC
Pathianni chawhnuah Rev.C.Liansanga, Lecturer, ATI leh
Pathianni zanah Upa Vanneia Pudaite, President, GPYD te an ni dawna,
Fak zai intihsiakna a Top 3 te bakah ruat bik zai thiam ten zai rawngbawlna inkhawm apiangin an nei bawk ang.
Heng bakah hian General PYD inkhawmpui ro rel inkhawm hlanna Upa C. Lalropianga, MUPC Executive Chairman-in a nei anga, Missions pual thawhlawm appeal-na hun Rev T.Laldingliana Secretary General Misisons Dept in Pathianni chawhma inkhawmah a nei bawk ang.
General PYD inkhawmpuiah hian Pentecost Meichher Campaign leh kohhran thuvawn sawi rualna neih a ni dawna, Home Missions pual, Foreign Missions pual, Agra PYD leh Gen PYD pual thawhlawm lakkhawm a ni bawk ang.
General PYD Inkhawmpuiah hian khuangpu atan
1) Tk. Pc. Malsawmtluanga, Hnahlan Bial.
2) Upa H.Lalrinmawia, Sairang Bial.
3) Ramengmawia, Bawngkawn Bial leh
4) Lalhriatpuia, Zemabawk Bial te ruat an ni a,
1) Sualhnehzeli, Ruantlang Bial leh
2) Lalruatpuii, Dinthar Bial te chu Hla hriltu atan ruat an ni bawk.
General PYD Executive Board chuan kum 2022 General PYD Inkhawmpui lian Organising Committee Office Bearer tur a ruat bawka, Chairman ah Upa F.Vanlalchama, Vice President, GPYD. Secretary ah F.Lalrinliana, EBM; GPYD Treasurer atan Rebecca Lalrinpuii Sailo, Treasurer; GPYD te an ni a, August ni 15, 2022 ral hmaa Report form thehlut tur leh August ni 31 ral hmaa Agenda thehlut turin Bial tinte a ngen bawk a ni.
General PYD Inkhawmpui pual hian ram pum huap chawnghei ṭawngṭai meeting chuan neih an rel bawka, September ni 18 September, Pathianni tlai chu a hun atan an ruat a ni.
General PYD Executive Board meeting-ah hian May ni 1 Pathianni hmanga General PYD rawngbawla an fehchhuahna hrang hrang report ngaihthlak a ni bawka, tluang taka an nei zo thei chu lawmawm an tiin, hlawkthlak an ti hle a ni.
Fak zai
Mizoram UPC L&PB leh General PYD Literature Committee tangkawpa buatsaih Pentecost Fak zai intihsiakna chu zawh fel a ni ta.
Pentecost Fak zai Top 5 intihsiakna Grand Finale hi May ni 27 Zirtawp zan khan Dawrpui Multipurpose Centre-ah neih a ni a, Host Lalrindiki leh Catherine Lallawmpuii ten an kaihruaia, Rev Saienga Sailo, General Secretary chuan hunserh hmangin, programme Pathian hnena hlanna a nei a, intihsiakna tan anih hmain zaihona te neih a ni.
Fak zai intihsiakna Grand Finale-ah hian Top 5
K.Lalnunpuii, Bungkawn
Lalhriatkimi, Chaltlang
Michael CR Lalpianfela, Bungkawn
Rebek Vanlalnunpuii, THingsulthliah leh
Vanlalduhdakaa, Tumpui Kolasib te inlanin,
Track leh Live Music hmangin intihsiakna an neia,
Kar tawp news buatsaih lai hian result hriat hman a nilo a ni.
He Pentecost Fak zai Grand Finale-ah hian Guest Artist T.Upa K.Vanlalhnema,T.Upa Rodingliana leh Ngurthangvela ten fakna hla sain hun an hmang bawka, John Zothansanga, Chairman Literature Committee, General PYD in lawm thu sawina neiin, Rev T.Laldingliana, Secretary General Missions Dept chuan tawngtaina in hun tawp a siam a ni.
