General Headquarters hruaitute rawngbawlna:
General Superintendent Rev Thangliansanga chu June ni 3 Zirtawp zan atang khan, Bawngkawn kohhrana Upa K.Vanlalvena te chhungkua Pathian chawimawina ah Speaker a ni a, Pathainni zan thleng hian thu hril rawngbawlna a nei ang.
General Secretary Rev Saienga Sailo chu June ni 3 Zirtawpni khan Tlangpui kohhrante Pentecost Day hmanpui turin a zin chhuak. General Secretary hian Thawhtanni ah Tlangpui kohhran rawngbawltute,
Seminar & Training a neihpui dawna, Thawhtan zan hian Biate kohhran a tlawh bawk ang. Rev Saienga Sailo hi June ni 7 Thawhlehni hian Aizawl a lo let leh dawn a ni.
General Treasurer Rev PB Lalhmuliana chu May ni 31 Thawhlehni khan Thingsulthliah Bial, Sakawrdai bial leh Darlawn Bialte tlawhin a zin chhuaka, Thingsulthliah Bial Pastor Quarters sak mek a hmunah enfiahin, Sakawrdai Bial Pastor Quarters leh Sakawrdai kohhran Biak in hmun tur bakah Darlawn Bial Pastor Quarters repair ngaite a hmunah a tlawh bawk.
General Treasurer hi Financial Board member Rev Gospelthanga’n a tawiawma, bial pathum hruaitute hian lo dawngsawngin, inkawm hona te an neia, zan lamah Pathian biak inkhawm an neihpui bawk.
General Treasurer hi June ni 1 Nilaini khan Aizawl a lo let leh a ni.
General Missions Dept Secretary Rev T. Laldingliana chu June ni 3 Zirtawpni khan Kolasib Venglai Bial Revival inkhawmpui hmanpui turin a zin chhuaka, Pathianni zan thleng Pathian biak inkhawmah thu hril rawngbawlna a nei ang.
Area Secretary Rev PC Parliana chuan June ni 5 Pentecost Day chu Cheural kohhrante a hmanpui dawna, Thawhtanniah Sangau kohhran a tlawh bawk ang.
ATI
Mizoram UPC Pathian thu zirna, Apostolic Theological Institute chuan June ni 2 Ningani khan an kum 25 tlin cham an lawm a, ruai nen awm ni khamin a lawmna hun an hmang.
ATI Chapel, Durtlanga ATI Silver Jubilee lawmna hi ATI principal Rev. P. Lalrinawma chuan a kaihruai a, General Treasurer Rev PB Lalhmuliana’n hunserh hmangin, Dean Rev Zoramthara hnen atangin ATI report ngaihthlak a ni a, ATI Silver Jubilee lung phun hawnna Upa Dr. Saingura Sailo, Chairman, ATI Board chuan a nei a, ruat bikten jubilee dar an vaw bawk.
He hunah hian Mizoram UPC General Superintendent Rev. Thangliansanga chuan thu sawiin, " ATI-in silver jubilee hial a lawm ta chu Pathian mal sàwmna leh hruaina vang liau liau a ni, a ti a, Rajya Sabha MP Upa K. Vanlalvena pawhin he hun hi hmanpuiin, Mizoram UPC Pathian thu zirna ATI-in kum 25 hmel a hmu chu lawmawm a tih thu a sawi bawk.
ATI kum 25 tlin lawmnaah hian Pentecost Fak Zai intihsiaknaa top three C. Lalhriatkimi, Chaltlang, Rebek Vanlalnunpuii, Thingsulthliah leh Vanlalduhsaka, Kolasib Ṭumpui ten zaiin mipui kal khawm an âwi a ni.
Apostolic Theological Institute hian June 2, kum 1997 khan Registration day hmangin, Durtlang lal M. Suaka in luah hawhin Durtlang Mual vengah bul an ṭan a, He mi kum vek hian tuna ATI campus, M. Suaka Veng, Dutlanga mi hi lei fel niin, kum 1998 aṭanga vawiin thleng hian zirna in atan hman zui a ni ta a ni.
Tun dinhmunah ATI-ah hian zirlai 49 awm mekin, an zinga 44 chu mipa an ni a, hmeichhia panga an awm mek a ni.
