General hruaitute programme:
General Superintendent Rev Thangliansanga chu June ni 10 Zirtawp zan aṭang khan Bazar bial Ramthar kohhrana Pathian chawimawnaah speaker a ni a, Pathianni zan thleng hian thuhril rawngbawlna a nei ang.
General Secretary Rev Saienga Sailo chu June ni 10 Zirtawpni khan Vairengte Headquarters kohhran Biak In Pathian hnena hlanna leh hawnna nei turin a zin chhuak. Biak In hawnna inkhawm hi vawiin Inrinni hian neih a ni dawna, General Secretary hi Thawhtanni hian Aizawl a lo let leh ang.
Tirhkoh Ch.Lalhmingmuana, Chairman General SS Dept. chuanJune ni 10 leh ni 11 Zirtawp zan leh Inrinni hian Sairang Bial SS Zirtirtute training cum seminar Sairang kohhranah a neih pui ang.
Rev B.Lalchhanhima, Secretary General SS Dept chu June ni 10 Zirtawpni khan Khawzawl vengthar kohhrana Pathian chawimawina hmanpui tur leh SS campaign nei turin a zin chhuak.
Rev B.Lalchhanhima hian Pathian chawimawina inkhawmah hian thuhril rawngbawlna a nei dawna, Pathianni zan thleng hun a hmang ang.
Foreign Missions Board
Mizoram UPC Foreign Missions Board chu June ni 8 Nilaini khan Conference Hall, General Headquarters Office-ah an thu khawma, Chairman Rev Thangliansanga, General Superintendent chuan a kaihruai.
Foreign Missions Board meeting-ah hian Field hmalakna tur pawimawh tak tak sawiho a ni a, Nepal Field Pastor lakna Personal Interview neih a ni bawk.
Nepal Field Pastor tur atan hian Board meeting chuan Tirhkoh K. Vanlalhmangaiha, a pa K. Rehena, Siaha, Bihar Field Kursanda hmuna Fixed Pay-a thawk mek chu an la a, a thlahna programme hi July ni 3 ah neih an rel bawk a ni.
General Missions Dept
General Missions Dept Executive Board chu Chairman Upa Andrew Laldingliana kaihhruaina hnuaiah, June ni 9 Ningani zan khan Dinthar Kohhran Committee Room-ah an thu khawma General Missions Dept. hmalakna tur pawimawh tak tak an sawiho.
General Missions Dept Executive Board chuan Field hrang hranga Biak in sak mek chhunzawmna tur sum sanction nise an ti a, Tezpur Field hawn tharah Mazapara kohhran leh Doghoria kohhran Biak In sak mekte, North Bengal Field, Dangapara kohhran Biak In, Upper Assam Field-a Tadunia kohhran, Mesaki kohhran leh Pam kohhran Biak In sak mekte leh Karbi Anglong Field, Klurdung kohhran Biak In te chu sak chhunzawm turin ruahmanna an siam a ni.
Heng bakah hian Upper Assam Field Pastor Quarters leh Guwahati field Area Supervisor Quarters mamawh hrang hrangte lei nise an ti bawk. General Misisons Dept Executive Board hi Mizoram UPC Puipa ten an ho a ni.
Gen LAD
GLAD hruaitute chuan June ni 2 (Ningani) khan Bethani Childrens' Home enkawlna Cheng nuaili (₹ 4,00,000/-) leh Home puala Member pakhatah ₹ 30/- zel an khawn tling khawm cheng nuai khat ( ₹ 1,00,000)
a vaiin cheng nuainga (₹ 5,00,000/-) chu Bethani Childrens' Home ah kalin thawktute hnenah an hlan.
He mi ni vek hian ATI puala LAD member pakhatah ₹ 20/- zel khawn tling khawm cheng singruk(₹ 60,000/-) chu ATI Dean Rev Zoramthara hnenah an hlan bawk.
General LAD hruaitute hi June ni 2 vek hian Sairangah kalin, kum 2022 General LAD Inkhawmpui lian Pandal sakna hmun turte an en fiaha, Sairang Pastor Quarter ah Inkhawmpui Organising Committee hruaitute nen inkawm ho na an nei a ni.
