General hruaitute programme
General Superintendent Rev Thangliansanga chu June ni 17 Zirtawp zan atang khan Falkland kohhrana Pathian chawimawinaah thu hril rawngbawlna a nei a, Pathianni zan thleng hian hun a hmang ang.
General Secretary Rev. Saienga Sailo pawh June ni 17 Zirtawp zan atang khan Bungkawn kohhrana Pathian chawimawina inkhawmah Speaker a ni a, Pathianni zan thleng hian thuhril rawngbawlna a nei ang.
General Treasurer Rev PB Lalhmuliana chu June ni 13 Thawhtanni khan Thingsai Bial Pastor Quarters sak mek a hmunah kalin a enfiaha, Bualpui H kohhran Biak in sak mek a tlawh bawk. General Treasurer hi Thawhlehni khan Aizawl a lo let leh a ni.
Rev PB Lalhmuliana chuan June ni 18 Inrinni hian Salem veng kohhran Biak In, Bethlehem bial chu Pathian hnena hlanna leh hawnna a nei dawn a, zan lam thlengin Pathian biak inkhawmah thuhril rawngbawlna a nei ang.
General SS Dept Secretary Rev B.Lalchhanhima chu June ni 16 Ningani khan Manipur District Childrens Meet, Rengkai hmuna June ni 20 Pathianni hmanga neih tur, hmanpui turin a zin chhuaka, Rev. C.Ramsangvawra, Gen SS Dept Executive Board Member in a tawiawm.
Rev B.Lalchhanhima hi June ni 20 Thawhtanni hian Aizawl a lo let leh ang.
ATI
Apostolic Theological Institute Board chu June ni 17 Zirtawpni khan Conference Hall, Mizoram UPC Office-ah an thukhawma, Chairman Upa Dr. Saingura’n a kaihruaia, Mizoram UPC Puipa ten an ho.
He meeting-ah hian report ngaihthlak anih bakah ATI Silver Jubilee hman zawh tak thlir letna te an neia, harsatna awm lova tluang taka an nei thei chu lawmawm an ti hle a ni.
ATI Board thu khawm chuan Grik leh Hebrai tawng zirtu tur thlan chungchangte ATI zir chhuakte degree pek chungchangte an sawiho a, ATI kawmthlang retaining wall leh Tui zem siam dan turte an rel bawk a ni.
SOUTHERN ZONE AREA
Southern Zone Area-a Pastor te chu June ni 16 Ningani zan khan Chanmary kohhran Biak Inah an thukhawma, Rev. PC. Parliana, Area secretary chuan meeting hi a kaihruaia, fuihna thu chah leh Financial report a hnen atang hian ngaihthlak a ni.
He meeting-ah hian southern zone area chhunga rawngbawlna sawt zawka kalpui a nih theih dan tur sawiho a ni a, bial enkawlna kawnga infuih tharna te neiin, Pastor rammut thla hman dan tur te, District joint revival buatsaih chungchangte leh thil ṭul leh pawimawh tak tak an sawiho a ni.
Gen PYD
General PYD buatsaih QUIZ Prelims chu June ni 14 Thawhleh zan khan Conference Hall, Mizoram UPC Office-ah neih a ni.
He intihsiaknaah hian Tualchhung leh Bial aiawhTeam 21 in lanin intihsiakna neih a nih hma hian hunserh hman hmasak a ni a, Rev Hc. Lalthlamuana, Dinthar Bialtu chuan programme hlanna a nei.
General PYD Quiz Prelims round-ah hian Genesis leh Exodus bu hmanga intihsiakna neih a ni a
Heng mite hian Last 16 an lut.
Bungkawn Tualchhung PYD.
Bazar Tualchhung PYD.
Bethlehem Vengthlang Tualchhung PYD.
Chanmari West Tualchhung PYD.
Bungkawn Bial PYD.
Headquarters Bial PYD.
Thingsulthliah Tualchhung PYD.
Ramhlun Sport Complex Tualchhung PYD.
Chawlhhmun Tualchhung PYD.
Chawlhhmun Bial PYD.
ITI Tualchhung PYD.
North Vanlaiphai Bial PYD.
Headquarters Tualchhung PYD.
Chaltlang Tualchhung PYD.
Peniel Tualchhung PYD leh
Govt Complex Tualchhung PYD.
Last -16 intihsiakna hi June ni 21 (Thawhleh ni) zan Dar 8:00ah IGNITE Studio, Khatlaah neih a ni dawna, Isaia leh Jeremia bu hmangin Quiz hi neih a ni thung anga General PYD YouTube Channel-ah Live a pek chhuah a ni dawn a ni.
