General Headquarters hruaitute Programme:
General Superintendent Rev.Thangliansanga chu June ni 25 leh ni 26 Pathianni hmang hian Keifang Bialtu Pastor C.Lalramnghaka te chhungkua Pathian chawimawinaah Speaker a ni dawna, vawiin Inrinni hian Aizawl a chhuahsan.
General Superintendent hian Pathian zan thleng thuhril rawngbawlna a nei dawna, Thawhtanni ah Aizawl a lo let leh ang.
General Treasurer Rev PB Lalhmuliana chuan vawiin June ni 25 Inrinni hian Zemabawk kohhran Biak in Pathian hnena hlanna leh hawnna a nei dawna, Inrinni zan atanga Pathian zan hun thleng, Zemabawk kohhranin revival programme an neih turah thuhril rawngbawlna a nei bawk ang.
General SS Dept Chairman Tirhkoh Ch.Lalhmingmuana chu June ni 25 Inrinni hian Kawnpui kohhrana Pathian chawimawinaah Speaker a ni dawna, Pathianni thleng a cham anga, SS Campaign a nei nghal dawn a ni.
PUIPA Committee
Mizoram UPC Puipa Committee chu June ni 21 Thawhlehni khan Conference Hall, General Headquarters Office-ah an thukhawma, Kohhran kal zelna tur atana tul leh pawimawh tak tak an sawiho.
Meeting hi Executive Chairman Upa C.Lalropianga’n a kaihruaia, Kum chanve sum Audit neih hun turte relin, a hun atan July ni 7 leh ni 8 chu an ruat a, Kum chanve Executive Committee June ni 29 a neih tur tlirhona te neiin, he mi atana thil tul leh pawimawh tak tak an sawiho bawk a ni.
P&FB
Mizoram UPC Planning & Financial Board chu Chairman Upa Lalzirliana kaihhruaina hnuaiah June ni 20 Thawhtanni khan Conference, General Headquarters Office-ah an thu khawma, Meeting hi Puipa ten an ho.
P&FB chuan Mizoram UPC hmalakna tur hrang hrang sum sanction-na tur engemeawzat an rela, thu ngaihtuah langsar zual zingah Assembly Centre a Hall sak dan turte, Camping Centre-a hma lak chhoh zel dan turte a tela, Pastor Quarters repair fund bial 4 hnena pek leh Biak in sak ṭanpuina kohhran 7 hnena pekte P&FB chuan a remtih bakah Vehicle Board in motor thar lei an dilna an remtihsak bawk a ni.
General Missions Dept.
General Missions Dept. Executive Board chu June ni 17 Zirtawpni khan Conference Hall, General Headquarters Office-ah an thukhawma, Mizoram UPC Puipa Rev PB Lalhmuliana, General Treasurer in a ho.
General Missions Dept Executive Board meeting hi Chairman Upa Andrew Laldingliana’n a kaihruaia General Missions Board neih hun atan October ni 12 (Nilaini) an ruat.
Heng bakah hian Field hrang hrang-ah kum chanve Audit, Area Supervisor kaihhruaina hnuaiah July thla chhunga neih nise tihte, North Bengal Area huam chhunga Field-te Audit neih pui turin General Missions Dept Chairman Upa Andrew Laldingliana an ruat bawk.
General Missions Dept Executive Board meeting-ah hian Secretary report ngaihthlak a ni a, Home Missions Field-a hmalakna tur pawimawh tak tak sawiho a ni.
General PYD
General PYD buatsaih Quiz chu neih chhoh mek zel a ni a, June ni 21 Thawhlehni khan Ignite Studio-ah Last 16 intihisakna neih zawh a ni.
General PYD Quiz hi Lalmuankimi’n a kaihruaia Rev. T.Laldingliana, Secretary General Mission Dept chuan hovin, Intihsiakna tan anih hmain Programme Pathian hnena hlanna a nei a, Last 16 intihsiak zanah hian
Quarters Final lutte puan nghal a ni.
June ni 24 Zirtawp zana neih tur Quiz Quarter Final-ah hian
Bethlehem Vengthlang
Thingsulthliah PYD
Chawlhhmun PYD
Govt Complex PYD
Chawlhhmun Bial PYD
Chanmari West PYD
Bungkawn Bial PYD leh Penial PYD ten intihsiakna an nei leh dawna, Group inthen dan pawh fel nghal a ni.
Group 1-ah Chawlhhmun PYD leh Govt. Complex PYD
Group 2-ah Thingsulthliah PYD leh Chawlhhmun Bial PYD
Group 3-ah Chanmari West PYD leh Peniel PYD
Group 4-ah Bethlehem Vengthlang PYD leh Bungkawn Bial PYD te an awm dawn a ni.
General PYD Quiz hi June ni 28 Thawhlehni khian Semi Final neih a ni dawna, ruahman ang chuan June ni 30 ah Final neih a ni anga Semifinal leh Final hi General PYD YouTube channel bakah Zonet Zawlbuk channel-ah Live a pek chhuah a ni ang.
