United Pentecostal Church of Mizoram

General Headquarters thu thar | 8 July, 2022

General Hruaitute programme:

General Secretary Rev Saienga Sailo chu July ni 8 Zirtawp zan atang khan Upa Lalzirliana te chhungkua Pathian chawimawina, Chanmari West kohhranah Speaker a ni a, Pathianni zan thleng thu hril rawngbawlna a nei ang.

Rev PC Parliana Area Secretary chu July ni 10 Pathianni hmang hian Mualthuam N bial a tlawh dawn a, Inrinni zan leh Pathianni chawhmaah Mualthuam kohhranah hun a hmang anga, Pathianni zanah Kanghmun South kohhranah thu hril rawngbawlna a nei thung ang. Area Secretary hi Bialtu Pastor Rt Laltanpuia leh T upa C Lalawmpuia ten an tawiawm a ni.

Nepal Pastor thlahna

July ni 3 Pathianni chawhnu dar 1:30 khan Mizoram UPC Foreign Mission Board hnuaia Nepal Field Pastor atana lak, Pastor K. Vanlalhmangaiha thlahna inkhawm Dinthar kohhran biak inah neih a ni.

Thlahna Inkhawm hi Rev Saienga Sailo, Secretary Foreign Mission Board chuan a kaihruaia, Rev PB Lalhmuliana, Treasurer Foreign Mission Board-in Foreign Mission Field report a pe a, Rev Thangliansanga, Chairman Foreign Mission Board chuan thlahna hun hmangin fuihna thuchah a sawi a, Pastor K. Vanlalhmangaiha tawngtai sakna hun a hmang bawk a ni.

He hunah hian Pastor thlah tak K.Vanlalhmangaiha hnen atangin thu sawi ngaihthlak a ni bawka, Nepal Field-a rawngbawl thei tura kawng a in hawng chu lawmawm a tih rualin, kohhran hote chu tawngtaina a hre reng tur leh nasa leh zuala Pathian hnena dil pui turin a sawm a ni.

Nepal Field-ah hian tun dinhmunah kohhran pahnih Kalkate leh Danabari kohhran a awm meka, Kalkate kohhranah hian member 54 vel awmin, he kohhran hi boral ta Pastor Santa Rai enkawl ṭhin kha a ni a, Danabari kohhranah hian Noel Chamling hovin member 60 vel an awm mek bawk a ni.

Nepal Field Pastor K.Vanlalhmangaiha hi July ni 6 Nilaini khan Aizawl chhuahsanin Nepal a pana, Birtamode hmunah in bengbelin rawngbawlna atan dawn a ni.

Mizoram UPC Foreign Mission Board hnuaiah hian

Field paruk (6) awmin, thawktu mi 15 an awm mek a,
Bangladesh Field - Thawktu 8
Shan Field, Myanmar – Thawktu 2
Matupui Field, Myanmar – Thawktu 1
Cambodia Field – Thawktu 1
China Field – Thawktu 1 leh
Nepal Field-ah Thawktu 2 an awm mek a ni.

Gen Missions Dept

General Missions Dept Executive Board chu July ni 7 Ningani zan khan Chairman Upa Andrew Laldinglianate In ah an thu khawma, Mizoram UPC Puipa Rev Saienga Sailo General Secretary leh Rev PB Lalhmuliana General Treasurer ten an ho.

General Missions Dept Executive Board meeting chuan Home Mission Field-a thawktu Pastor engemaw zat an awmna Hetiang hian a sik sawia, Pastor LK Dongliana Nagaland Field Meluri a post mek chu North Bengal Field Birpara-ah, Pastor Nelson Laltanpuia Karbi Anglong Field Manja a post mek chu Nagaland Field, Meluri-ah sawn a ni a, Pastor Lalhmangaihzuala, Guwahati Field Beltola a post mek chu Arunachal Field Itanagar-ah,

Pastor Lalmuanpuia Vaiphei Sikkim Field Darjeeling a post mek chu Karbi Anglong Field Manja-ah sawn a ni bawk.

Sikkim Field Pastor Lalmuanpuia transfer a nih tak avangin General Missions Dept Executive Board chuan thu leh awm hma atan Pastor Joel Thapa chu Sikkim Field Pastor atan a ruat a, Guwahati Field, Pastor Lalhmangaihzuala chhuahsan tur pawh Area Supervisor Andrew L Singson-in lo hmui mai se an ti a, North Bengal Field Pastor LK Dongliana chu Area Supervisor hna chelh kawp tura ruat a ni bawk.

Heng Pastor sawn kualte hi July thla chhunga an Post thleng vek turin Executive Board chuan a ngen a ni.

Heng bakah hian General Missions Dept Executive Board chuan Missionary te leh thawktu Quarters mamawh hrang hrang an sawiho bawka, Upper Assam Field a tui lian tuarte tanpui nan Rs 35000/- pek chhuah an rel bawk a ni.

Live Crusade

Mizoram UPC M&PB buatsaih ZORAM LIVE CRUSADE

Chu July ni 11 Thawhtan zan dar 8 atang hian neih tan a ni dawna,

Rev Thangliansanga, General Superintendent chu Speaker a ni ang.

Zoram Live Crusade hi ruahman ang chuan July ni 17 Pathianni zan thleng

Neih tur a ni a, he mi hun chhunga zai rawngbawlna nei turin

Lalthazuali

Lalhriatkimi

Michael CR Lalpianfela

Malsawmdawngliani

Vanlalduhsaka

Shion Lalbiaknunga

Joseph Lalhruaitluanga te an ni ang.

M&PB Zoram Live Crusade hi YouTube lamah Pautu Thangliansanga Channel leh Mizo Official Channel bakah LPS 5 leh Zonet Bawhbel ah te Live a pek chhuah a ni dawn a ni.

Kum chanve Audit

July ni 7 leh ni 8 khan Mizoram UPC sum, kum chanve Audit nihnih awh chu General Headquarters Office Conference Hall-ah neih a ni.

Ni khatna ah hian Rev PB Lalhmuliana General Treasurer chuan hunserh hmangin

Hun hman turte Pathian hnena hlanna a nei a, heng Account hrang hrang