General Headquarters hruaitute programme:
Rev Thangliansanga General Superintendent chu July ni 30 Inrinni hian South Lungpher Kohhran tlawh a biak in hawng turin a zin chhuak a, Rev PC Parliana Area Secretary leh Rev Gospelthanga, Bazar Bialtu ten an tawiawm a, Pathianni a cham ang. General Superintendent hian Thawhtanni ah Mizoram UPC Sub Office, Lunglei a tlawh a nga thawktute bakah Southern Zone Area-a Pastor te leh kohhran hruaitute nen inkawmna hun an nei bawk ang.
Rev. PB Lalhmuliana General Treasurer chu July ni 30 Inrinni hian Thenzawl Vengpui kohhran tlawhin a zin chhuak a, Pathianni chamin Thawhtanni ah Aizawl a lo let leh ang.
P&PB
Planning & Financial Board chu July ni 27 Nilaini khan Mizoram UPC Office Conference Hall-ah an thu khawm a Chairman Upa Lalzirliana’n kaihruaiin, Puipa ten an ho.
P&FB thutkhawmah hian Mizoram UPC hmalakna tur hrang hrang sawiho a ni a, an thurel langsar zual zingah Darlawn Bial Pastor Quarters hmun tur lei nise tihte, Cheural Bial South Lungpher kohhran Biak in hmun tur leite a tel a, kohhran 25 hnenah Biak in sak tanpuina pek an remtih bakah Pastor Quarters sak tanpuina Bial 11 hnenah pek nise an ti a, heng bakah hian Bethani Childrens Home mamawh leina leh Bulding chei thatna atan Sum sanction nise an ti a, P&FB meeting-ah hian Dept./Board mamawh hrang hrangte sawiho a ni bawk a ni.
L&PB
Mizoram UPC Literature & Publication Board chuan July ni 26 Thawhlehni khan Workshop an nei a, General LAD thupui zirbu ‘Chhungkuaah leh kohhran a nu mawhphurhna’ Rev. R. Laldawngliana ziak chu en dik a ni.
Workshop-ah hian Zirbu hi chhuah theih tur a en dik fel a ni a, kum 2022 General LAD inkhawmpuiah tlangzarh a ni ang.
