General Headquarters hruaitute rawngbawlna:
General Treasurer Rev PB Lalhmuliana chu August ni 14 Pathianni chawhnu leh zan hmang hian Bawngkawn kohhranah thuhril rawngbawlna a nei ang.
Tirhkoh Ch.Lalhmingmuana Chairman Gen SS Dept. chu August ni 12 Zirtawpni khan Kawrthah bial SS Seminar neih pui turin a zin chhuak a, Pathianni a cham a nga, August ni 15 Thawhtanni hian Aizawl a lo let leh ang.
Bethani Childrens Home
Bethani Children's Home Society Board chu August ni 12 Zirtawpni chawhnu khan thu khawmin he hunah hian Home Motor thar (Maruti Eeco Van) chu Pathian hnen a hlanna neih a ni.
Bethani Society Board meeting-ah hian mipa Dormitory thawm that chungchang chu thu rel langsar zual a ni a, Board Chairman Upa Lalvuana’n a kaihruai a, T.Upa Lalnunthara, Secretary-in report a pe bawk.
Bethani Children’s Home motor thar hlanna hun hi Rev. Thangliansanga General Superintendent-in a nei a, he hun hi Mizoram UPC Puipa bakah sawm bik ten an telpui a ni.
L&PB
L&PB chuan August ni 9 Thawhlehni khan lehkhabu workshop, Conference Hall Mizoram UPC Office ah an nei a, he hunah hian ‘Thil ti thei Isua hminga baptisma chan’ tih lehkhabu Pastor K. Lalhmingsangzuala ziak chu en dik a ni.
Workshop hi L&PB Secretary T.Upa Misael Lalremtluanga hova neih a ni a, Rev. B. Lalchhanhima, T. Upa Lalthlamuana, leh T. Upa Dr. Zonunmawia ten Lehkhabu en dik hna hi an thawk a ni.
Pandal Structure Committee
Mizoram UPC Pandal Structure Committee chu August ni 9 Thawhlehni zan khan an Treasurer Upa Lalbulliana te chenna in, Armed Veng South-ah an ṭhu khawm a, Chairman Upa V.Lalthangchuanga’n a kaihruai.
Meeting-ah hian General huap inkhawmpui lo thleng tur atan a inbuatsaihna leh hmalakna kalpui dan tur an sawi hova, Pandal Structure rawng hnawih thar chungchang leh Rangva leh thingzai lei belh chungchangte relin,
Meeting hi Mizoram UPC Puipa Rev Saienga Sailo General Secretary-in a ho a ni.
