General Headquarters hruaitute rawngbawlna:
General Superintendent Rev Thangliansanga chuan Bethlehem Bial chhunga kohhran Committee-te chu August ni 27 Inrinni hian Zoar kohhran Biak In, Republic Vengthlangah Seminar a neih pui ang.
General Secretary Rev Saienga Sailo chu Khawlian Ramthar kohhran Biak In Pathian hnena hlanna leh hawnna nei turin August ni 26 Zirtawpni khan a zin chhuak. Vawiin ni 27 hian biak in hawnna hi neih a ni dawn a, Pathianni zan thleng revival inkhawmah General Secretary hian thuhril rawngbawlna a nei bawk ang. Rev Saienga Sailo hi Thawhtanni hian Aizawl a lo let leh dawn a ni.
General Treasurer Rev PB Lalhmuliana chu August ni 26 Zirtawpni khan NC Hills Bial Saron kohhran Biak in leh SS Hall lei minin a tih chhiat A hmun a enfiah turin a zin chhuak. General Treasurer hi Pathianni a cham dawn a, Halflong kohhranah hun hmangin Thawhtanni ah Aizawl a lo let leh ang.
Rev. T. Laldingliana Secretary, General Missions Dept. chu August ni 28 Pathianni chawhma hian Mission Campaign neiin Thuampui kohhranah hun a hmang dawn a, Pathianni zan hian Bawngkawn kohhranah Mission Campaign hi a nei leh ang.
Rev. PC Parliana Area Secretary chu August ni 28 Pathianni hmang hian Thaizawl Lunglei South Bial tlawhin a zin chhuak bawk.
EDUCATION BOARD
Education Board Mizoram UPC Education Board chu August ni 25 Ningani khan Chairman Upa Lalnuntluanga Chhangte kaihhruaina hnuaiah General Headquarters Office Conference Hall-ah an thu khawm a Sihhmui a School building sak mek chungchang chu an thu rel langsar zual a ni. Meeting-ah hian Kumin chhung a School hmunhma siam thatte, Building sak chhunzawmna tur atan a budget ruahman te leh Sihhmui khua leh a chheh vel a catchment survey neihte sawiho a ni a. Heng bakah hian Naisingpara sikula zirtirtu harsatna tawk mekte Tanpuina sum board chuan pek an rel bawk.
Mizoram UPC Education Board thutkhawm hi Puipa ten an ho a ni.
