General Treasurer Rev PB Lalhmuliana chu August ni 2 Zirtawpni khan Ruantlang Bial Seminar cum Revival, Melbuk hmuna neih tur hmanpui turin a zin chhuak.
General Treasurer hi Pathianni thleng a cham dawn a, August ni 5 Thawhtanni ah Aizawl a lo let leh ang.
Rev B. Lalchhanhima Secretary, General SS Dept chuan Headquarters Bial SS inkhawmpui August ni 3 leh ni 4 Pathianni hmanga Headquarters kohhrana neih tur a hmanpui ang.
ATI
ATI Board chu August ni 31 Nilaini khan General Headquarters Office Conference hall-ah an thu khawm a, Board Chairman Upa Dr. Saingura’n kaihruaiin Mizoram UPC Puipa Upa C.Lalropianga Executive Chairman leh
Rev Saienga Sailo, General Secretary ten an ho.
ATI Board chuan Silver Jubilee khárna leh Graduation day neih hun atan October ni 27 Ningani an ruat a, ATI Admission fee leh mess fee tihsan an rel bawk. Hei hi session thar aṭanga hman tan tur a ni. Heng bakah hian English section chu November ni 1, 2022 aṭang hian chhunzawm leh nise an ti a, zirlai ni sa te puala session hi kal pui tur a ni.
ATI Board chuan meeting-ah hian Kum 2023-2024 Budget an ruahman bawk a ni.
ASSEMBLY CENTRE
Assembly Centre Committee chu August ni 31 Nilaini khan an thu khawm a, Mizoram UPC Puipa Rev Thangliansanga General Superintendent leh Rev PB Lalhmuliana General Treasurer ten hovin, meeting hi Chairman Tirhkoh Liansangkiman a kaihruai.
Meeting hi Main office Building Conference Hall, Assembly Centre- hmuna sak mekah neih a ni a, Main Office Building sak mekte thlirhovin, hmalak zel dan turte an sawihova, Assembly Centre main gate leh kawngpui inkar kawng siam that dan turte chu an thurel langsar zualte a ni.
