General Superintendent Rev Thangliansanga chu September ni 9 Zirtawp zan atang khan Reiek Bialtu Rev R. Lalnghaksangate chhungkua Pathian chawimawina ah Speaker a ni a. Inrinni zan thleng hian thu hril rawngbawlna a nei ang.
General Secretary Rev Saieng Sailo chu Serchhip Bial chhunga rawngbawltu nupuite Seminar neih pui turin vawiin Inrinni hian ( 10 September) Serchhip panin a zin chhuak. General Secretary hi Inrinni vek hian Aizawl a lo let leh ang.
Rev T. Laldingliana, Secretary General Missions Dept chu September ni 11 Pathianni hmang hian Lengte kohhran a tlawh dawn a, rawngbawlna a nei ang.
Rev B. Lalchhanhima, Secretary General SS Dept chu September ni 9 Zirtawpni khan Khawzawl Vengthar Bial SS Dept inkhawmpui hmanpui turin a zin chhuak. General SS Secretary hi Thawhtanni ah Aizawl a lo let leh ang.
Puipa Committee
Mizoram UPC Puipa Committee chu September ni 6 Thawhlehni khan General Headquarters Office Conference hall-ah an thu khawm a, General Assembly programme te duangin Mizoram UPC hnuaia District 13 te inkhawmpui hmanpui dan turte an ruahman.
Puipa Committee chuan General Assembly-a thuhril rawngbawlna nei turin heng mite hi a ruat a. December ni 9 Zirtawpni zan inkhawmah Rev R. Lalparvula, North vanlaiphai Bialtu, Inrinni zanah Rev HC Lalthlamuana, Dinthar Bialtu, Pathianni chawhmaah ALJC palai, Pathianni chawhnuah Rev HT Vanlalengmawia, Aibawk Bialtu leh Pathianni zanah Rev PB Lalhmuliana, General Treasurer te an ni ang.
General Assembly Pathian biak inkhawm hi Rev Thangliansanga General Superintendent-in a kaihruai anga, Executive Chairman Upa C. Lalropianga’n ro rel inkhawm a kaihruai thung ang.
General Assembly neih chhung hian Recording Secretary atan Upa R. Lallawmzuala, Editor Pentecostal Jubilee chu ruat a ni bawk.
Puipa Committee chuan District 13 te inkhawmpui hmanpuitu turte hetiang hian an ruahman bawk a. North Mizoram District inkhawmpui September ni 30 atanga Reiek kohhrana neih tur hmanpui turin
General Secretary Rev Saienga Sailo. Tuichangral District inkhawmpui October ni 7 atanga Khawbung kohhrana neih tur hmanpui turin General Superintendent Rev Thangliansanga.
November ni 4 atanga District inkhawmpui nei turte Hmarthlang District Kawnpui Venglai kohhranah – hmanpui turin General Superintendent Rev Thangliansanga Manipur District Imphal kohhranah – hmanpui turin Rev T. Laldingliana, Secretary General Missions Dept Ramthar District Shillong kohhranah – hmanpui turin General Treasurer Rev PB Lalhmuliana. Siaha District Cheural kohhranah – hmanpui turin General Secretary Rev Saienga Sailo. Tripura District Kanchanpur kohhranah – hmanpui turin Rev B. Lalchhanhima, Secretary General SS Dept.
November ni 11 atanga inkhawmpui nei turte Hmarchhak District Zemabawk kohhranah – hmanpui turin Executive Chairman Upa C. Lalropianga Khawthlang District Dinthar kohhranah – hmanpui turin
General Superintendent Rev Thangliansanga Lunglei District Hnahthial kohhranah – hmanpui turin General Treasurer Rev PB Lalhmuliana. Serchhip District N Vanlaiphai kohhranah – hmanpui turin
General Secretary Rev Saienga Sailo leh November ni 18 atanga neih tur Lawngtlai District inkhawmpui Lawngtlai kohhrana neih tur General Superintendent Rev Thangliansanga ten an hmanpui dawn a ni.
Mizoram UPC Puipa Committee-ah hian kohhran hmalakna tur pawimawh tak tak engemaw zat rel tel a ni.
Press Board
Mizoram UPC Press Board chu September ni 6 Thawhlehni khan Chairman Tirhkoh K. Vanlalhluna kaihhruaina hnuaiah an thu khawm a, Puipa ten an telpui. Press Board thutkhawmah hian Mizoram UPC Press hmalakna tur pawimawh tak tak sawiho a ni a. Property thar leite, budget siam rem chungchangte leh Press Board hnuaia MR a rawih mek thawktu chungchangte chu an thu rel langsar zualte an ni.
ATI
Apostolic Theological Institute zirlaite chuan September ni 8 Ningani khan An Silver Jubilee pualin Synod Hospital Durtlang a hman tur thisen an pe.
Thisen pek inkhawm hi ATI Campus-ah neih niin, he hun hi Dean Rev Zoramthara’n Pathian hnenah hlanin hunserh a hmang a, Synod Hospital thawktute hian a hmunah hian kal chilhin, Zirlai 36 ten Thisen unit 36 an pe a ni.
Motor hlanna
General Headquarters motor thar Mahindra Bolero chu September ni 9 Zirtawpni khan General Superintendent Rev Thangliansanga’n Pathian hnenah hlanna a nei. Motor thar hlanna hunserh hi General Headquarters Office Conference Hall-ah neih a ni a, he hunah hian Puipa, Department Secretary te bakah Office Staff-te an tel a ni.
GENERAL PYD
General PYD Executive Board Meeting Vawi 204-na chu September ni 6 Thawhlehni zan khan John Zothansanga EBM tec henna in Durtlang mel-5ah neih a ni a. Upa Vanneia Pudaite, President, GPYD chuan kaihhruaiin,
General Superintendent Rev.Thangliansanga’n a ho. Meeting-ah hian Treasurer report bakah General PYD hnuaia committee peng te atangin report leh hmachhawp an neihte ngaihthlak a ni a, inkhawmpui Organising Committee atangin report ngaihthlak a ni bawk.
General PYD Executive Board chuan kum 2022 inkhawmpui neihna tur Pandal hming atan ‘Beerla hai roi’ an thlang a, General PYD Inkhawmpui lian chu Cable Tv Zonet leh General PYD Youtube Channel-ah Live a pek nise an ti, Heng bakah hian Bial hrang hrang atanga inkhawmpui Agenda lo lutte thlirhona leh sawmna an dawnte an ngaihtuah bawk.
General PYD executive board meeting-ah hian General PYD hmalakna leh rawngbawlna report hrang hrang enlet niin harsatna awm lova programme an neihte an tihlawhtling thei chu lawmawm an ti hle a ni.
