General Superintendent Rev Thangliansanga chu November ni 4 Zirtawpni khan Hmarthlang District inkhawmpui November ni 4-6 chhunga Kolasib venglai a neih tur hmanpui turin a zin chhuak. General Superintendent hian Thawhtanni khian Kawrthah kohhran a tlawh anga, Thawhlehniah Aizawl a lo let leh ang.
General Treasurer Rev PB Lalhmuliana pawh Ramthar District inkhawmpui hmanpui turin November ni 2 Nilaini khan Dona, Meghalaya pan in a zin chhuak a. A cham chhung hian Rongmen Biak in hmun leh Jowai-a kohhran hmun hmate a tlawh bawk ang. General Treasurer hi November ni 7 Thawhtanni hian Aizawl a lo let leh ang.
Rev T. Laldingliana Secretary General Missions Dept chu Manipur District inkhawmpui hman pui turin November ni 3 Ningani khan Imphal panin a zin chhuak. General Missions Dept Secretary hi November ni 7 Thawhtanni thleng a cham anga, Manipur Field survey neiin Bishnupur a tlawh bawk ang.
Rev B. Lalchhanhima, Secretary General SS Dept chu November ni 4 Zirtawpni khan Tripura District Conference hmanpui turin Kanchanpur panin a zin chhuak a. November ni 8 Thawhlehni ah Aizawl a lo let leh ang.
Area Secretary Rev PC Parliana chuan Siaha District inkhawmpui Novemebr ni 6 Pathianni hmanga Cheural kohhrana neih tur a hmanpui dawn a. November ni 7 Thawhtanni hian Cheural kohhran Biak In hawnna a nei bawk ang. Area Secretary hian a tuk ni 8 Thawhlehni hian Niawhtlang kohhran a tlawh leh dawn a ni.
L&PB
Mizoram UPC Literature & Publication Board-in Lengkhawm hla (Khuangpui leh Khuangte nen) a sak theih tur Inneih hla inphuahsiak a buatsaih chu October ni 30 Pathianni chawhnu khan, Result puanna leh Lawmman semna inkhawm Bazar kohhran Biak In ah neih a ni.
Hla inphuahsiak lawmman semna inkhawm hi L&PB Chairman Rev. C. Liansanga’n a kaihruai a. Hun serh Rev. Gospelthanga, Bazar Bialtu chuan hmangin, Hla inphuahsiak buatsaih chhan Upa R. Lallawmzuala, Member, L&PB hnen atangin ngaihthlak a ni.
Inneih hla inphuahsiak ah hian hla 11 lutin, Lawmman pakhatna dawngtu hi H. Zahmingliani, Bazar a ni a. Top 3 chin te hnenah lawmpuina Citation leh sum fai hlan an ni.
L&PB buatsaih hla inphuahsiaka Top te leh an hla phuah te chu.
- Inneihna thuthlung
Phuahtu - H. Zahmingliani, Chhinga veng
- Pathian dan thianghlima inneihna
- Phuahtu - Lalchhungpuii, Phunchawng
- Hmangaihna lo par vul zel se
Phuahtu Lalhminghlua, Ṭhiak
- Hmanah Eden huanah, Lalpa Pathianin
- Phuahtu - Lairokima Tlau, Ruantlang
- Inneihna hi
- Phuahtu - Tk. Lalawmpuia Sailo, Keifang te an ni.
L&PB programme buatsaih-ah hian zaia rawngbawlna Jenet Vanlalhruaitluangi, Bazar leh Lalhmingmawii Armed Veng South ten annei a. He hun hi Rev PB Lalhmuliana General Treasurer Mizoram UPC chuan a ho a ni.
Assembly Pandal
Mizoram UPC inkhawmpui lian ber General Assembly neihna tur Pandal sak tan a ni. Kum 2022 General Assembly hi December ni 9 atanga ni 11 Pathianni hmang hian Assembly Centre Zonuamah neih a ni dawn a.
Kumin hian Chawlhhmun Bial chuan thlengin. Inkhawmpui Organizing Committee kaihhruaina hnuaiah hian October ni 29 Inrinni khan Pandal sak tan a ni a. Pandal sak leh thiah mawhphurhna changtu Govt Complex kohhrante chu chhun leh zanah hnatlangin, tunah hian Pandal ban pui tun zawh tawh a ni a. A dung ft 150 leh a vang ft 100 a lian a sak a ni.
GENERAL PYD
General PYD Executive Board Meeting Vawi 205-na chu September ni 28 Zirtawpni zan khan Treasurer Rebecca Lalrinpuii Sailo-te in Bungkawn Vengthar-ah neih a ni a.
GPYD President Upa Vanneia Pudaite chuan kaihruaiin, PYD Inkhawmpui Lian Vawi 26-na neih zawh tak thlir letna neih a ni a.
Meeting-ah hian Organising Committee aṭangin report ngaihthlak a ni a, Inkhawmpui lian neih zawh anih tak avangin PYD Inkhawmpui Lian Organising Committee chu ṭhiah nghal a ni.
Executive Board-ah hian PYD Inkaihhruaina Bu, Revise & Enlarge rel a ni a. Dilkawn Bial PYD Revival December Ni 2 atanga ni 4 chhunga neih tur chu hmanpui ni se an ti bawk. Genenral PYD Executive Board meeting hi Mizoram UPC Puipa Rev.PB. Lalhmuliana, General Treasurer chuan a ho a ni.
