United Pentecostal Church
of Mizoram

Mizoram UPC Executive Chairman Upa C. Lalropianga chuan November ni 13 Pathianni hmanga Zemabawk kohhran Biak In a Hmarchhak District inkhawmpui neih tur chu a hmanpui dawn a. Pathianni chawhma inkhawmah thu hril rawngbawlna a nei ang.

General Superintendent Rev Thangliansanga chuan November ni 13 Pathianni hmanga Dinthar kohhran Biak in a Khawthlang District inkhawmpui neih tur a hmanpui dawn a. Pathianni chawhma inkhawmah

thuhril rawngbawlna a nei bawk ang.

General Secretary Rev Saienga chu November ni 11 Zirtawpni khan Serchhip District inkhawmpui, N. Vanlaiphai Headquarters kohhran Biak In a neih tur hmanpui turin a zin chhuak a. General Secretary hian Pathianni chawhmaah thuhril rawngbawlna a nei ang.

General Treasurer Rev PB Lalhmuliana pawh November ni 11 Zirtawpni khan Lunglei District inkhawmpui, Hnahthial Electric Veng kohhran Biak In a neih tur hmanpui turin a zin chhuak a. General Treasurer hian ni 12 Inrinni zingah District chhunga Tirhkohte Seminar a neih pui anga.

Pathianni chawhma inkhawmah thuhril rawngbawlna a nei bawk ang.

Lunglei District inkhawmpui hi Area Secretary Rev PC Parliana’n a hmanpui bawk dawn a. Pathianni zan inkhawmah Area Secretary hian thuhril rawngbawlna a nei dawn a ni.

Press Board

Mizoram UPC Press Board chu Board Chairman Tirhkoh K.Vanlalhluna kaihhruaina hnuaiah November ni 9 Nilaini khan General Headquarters Office Tuikhuahtlang-ah an thu khawm a. Puipa Rev Saienga Sailo General Secretary leh Rev PB Lalhmuliana General Treasurer ten an ho.

Press Board thut khawmah hian Mizoram UPC Press hmalakna tur pawimawh tak tak rel a ni a. Ro relna sang zawka thlen tur Printer leh Binder Post Create-te, property mamawh lei dil chungchangte chu an thu ngaihtuah langsar zual a ni.

Bethani Board

Bethani Children’s Home Society Board chu November ni 9 Nilaini khan General Headquarters Office Tuikhuahtlangah an thu khawm a. Board Chairman Upa Lalvuana’n Meeting hi kaihruaiin, Mizoram UPC Puipate

Rev Saienga Sailo General Secretary leh Rev PB Lalhmuliana, General Treasurer ten an ho.

Bethani Board chuan kum 2023 Budget Estimate an thlir hova. Ro relna sang zawk Planning & Financial Board-a thlen turin cheng nuai sawmli leh pakua, singkua sangli (Rs 49,94,000/-) an ruahman a.

Children’s Home-a Thawktute hamthatna chungchang an sawiho bawk.

Bethani Childrens Home Society Board meeting chuan kum 2022 orphanage sunday November Pathianni vawithumna chu Tualchhung tin Kohhrante mahni remchan dan anga hmang turin a ngen a. Orphanage pual thawhlawm pawh Bialtu Pastor tinte kaltlanga lakkhawm nise an ti a ni.

Tun dinhmunah Bethani Childrens home-ah hian naupang 24 (Mipa – 15 leh Hmeichhia – 9) enkawl mek an ni a.Tthawktu hi mi 11 an awm bawk a ni.

Assembly Centre Committee

Assembly Centre Committee chu November ni 11 Zirtawpni khan Assembly Centre Committee room, Zonuamah an thu khawm a Kum 2023 Budget Estimate an thlirho. Meeting hi Committee Chairman Tirhkoh Liansangkima’n a kaihruai a Assembly Centre-a kohhran hmalakna kal mek bawhzui zel dan tur rawtna te chu an thu rel langsar zual a ni a.

Assembly Centre Committee hi General Superintendent Rev Thangliansanga’n a ho a ni.

Tripura district

Tripura district inkhawmpui chu November ni 4 atanga ni 6 Pathianni hmang khan Kanchanpur bial Khasnampara-ah tluang taka hman zawh a ni a, Rev B. Lalchhanhima, Secretary General SS Dept chuan a hmanpui.

Tripura District inkhawmpui ro relna chuan kum 2023 District inkhawmpui chu Sabroom bial ah a nghat a. District revival Darchawi bial ah neih an rel bawk. Kum 2023 ah District hmalakna a Bial tin ah Seminar buatsaih nise an ti a. Kum 2023 District budget an ruahman bawk a ni.

Tripura District inkhawmpui neih chhung hian Inrinni zan inkhawmah Rev B Lalchhanhima’n mi thar Mi 16 te chu kohhran dang atangin Mizoram UPC-ah a lawm lut a. Inkhawmpui hi Pathianni zan khan a tiak a ni.

Manipur District

Manipur District inkhawmpui vawi 17-na chu tluang taka hman zawh a ni. November ni 4 atanga ni 6 Pathianni hmang khan L.Phaikot, Imphal Bial ah Manipur District inkhawmpui hi neih a ni a. Rev T. Laldingliana Secretary, General Missions Dept chuan hmanpuiin, Thuhril rawngbawlna bakah District chhunga Evangelist-te Seminar a neih pui bawk.

Manipur District inkhawmpuiah hian Tk. Marshall S.Mangminthang, Imphal. Pastor Vanlalfela, Saikawt Bialtu te hnen atangin Pathian thu chah ngaihthlak a ni bawk a. Inkhawmpui chhung hian Home Mission pual leh Foreign Mission pual Thawhlawm lakkhawm a ni.

Manipur District inkhawmpui ro relna chuan kum 2023 District Inkhawmpui chu Senvon-ah a nghat a. Kum 2023 District Budget an ruahman bawk. Manipur District inkhawmpui hi revival nen hlim taka hman niin November ni 6 Pathianni zan khan a tiak a ni.

RAMTHAR DISTRICT

Ramthar District inkhawmpui vawi 12-na November ni 4 atanga ni 6 chhunga Dona kohhran Biak in, Meghalaya a neih chu tluang taka hman zawh a ni a. Rev PB lalhmuliana General Treasurer in a hova, Rev H. Lalrawnkima. Headquarters Bialtu leh General Headquarters atangin Staff 3 in an tawiawm a ni.

Inkhawmpui hi revival nena hlim taka hman niin, Inkhawmpui Thupui atan ”Kei leh ka chhûngte erawh hi zawngin LALPA rawng a ni kan bâwl dâwn ni” Joshua 24:15 chu thlan a ni a. thupui thlan bik hmang hian Tirhkoh Basan,  Pailapool, Pastor C. Lalbelhliana, NC Hills Bialtu, Rev PB Lalhmuliana, Gen. Treasurer leh Pastor K. Rohmingthanga Jiri Bialtu ten thuhril rawngbawlna an nei a. Pathianni chawhnuah District Superintendent Rev. W. Amenthanga’n Sacrament rawngbawlna a nei bawk.

Ramthar District inkhawmpui ro relna chuan General Assembly-a ngaihtuah atan NC Bial hming chu Halflong Bial-a thlak rawtna an pass a. Kum 2023-ah Ramthar District chhunga Tirkoh zawng zawngte tan seminar neihte, Kum 2023 chhungin District Rivival Crusade neihte an pass bakah Kum 2023 Ramthar District Conference vawi-13 na chu Jiri Bialah an nghat a ni. Heng bakah hian kum 2023 District budget an ruahman bawk.

Ramthar District inkhawmpuiah hian Foreign Mission's Home Missions leh Bethany childrens Home pual thawhlawm te lakkhawm a ni a. Inkhawmpui hi November ni 6 Pathianni zan khan revival nen tluang taka hman zawh a ni.

SIAHA DISTRICT

Siaha District Inkhawmpui vawi - 25na Cheural kohhrana November ni 4 atang ni 6 Pathianni hmanga neih chu tluang taka hman zawh a ni.

Siaha District Inkhawmpui hi Rev. PC Parliana Area Secretary chuan hmanpuiin Inkhawmpui neih chhung hian a hnen atangin Pathian thu chah ngaihthlak thin a ni.

November ni 5 Inrinniah ro rel inkhawm an nei a. Kum 2023 Inkhawmpui chu Niawhtlang bialah nghah a ni. Kum 80 chin chunglam inkhawmpui palaite hnenahchawimawina thil pek hlante. Siaha District Crusade Committee hnuaia rawngbawltu rawih dan inkaihhruaina ennawn rawtna te an rel a.

Heng bakah hian ro relna sang zawka thlen tur. Mizoram UPC Southern zone Area Secretary post hian Pastoral board member nihna ken tel tir ve nise tih rawtna te. Mizoram chhung kohhran la din lohna khuate hi

Home Missions Field ah General Headquarters hian dah ve rawh se tihte. Kum 2023 chhung hian Mizoram chhim lamah rawngbawlna chak leh zuala kalpui nise tih rawtna te a tel a.

Kum 2023 Budget an ruahman bawk. Siaha District inkhawmpui ro rel ni hian Ro rel lo inkhawm buatsaih a ni bawk a. Tk Lalrosanga - Amotlah chuan thu hril rawngbawlna a nei a ni.

Siaha District inkhawmpui neih chhung hian Pathianni Chawhma inkhawm banah Baptisma rawngbawlna buatsaih a ni a. He hunah hian Rev PC Parliana’n Mi 2 Lalpa Isua hmingin baptisma a chan tir a.

Pathianni tlaiah mual inkhawm buatsaih niin, Tirhkoh Lalnunthara hnen atangin Pathian thu chah ngaihthlak a ni bawk.

Pathian biak inkhawm neih apiangin Speaker tawiawmtu K. Lalkhumtiri, C. Lalmuanawmi te bakah District chhunga zai miten zai rawngbawlna an nei thin a. Siaha District inkhawmpui hi Pathianni zan khan a tiak a ni.

Siaha District Inkhawmpui tiah tuk November ni 7 Thawhtanni khan Cheural kohhran biak In thar Pathian hnena hlanna inkhawm neih zui a ni a. Area Secretary Rev PC Parliana’n he hun hi hmanpuiin, Biak In thar hlanna leh hawnna Lalpa Isua hmingin a nei a ni.

Biak In hawnna Inkhawm hi District inkhawmpui palai, Bial chhung leh Cheural Village Council member te bakah NGO hrang hrang ten an hmanpui a. Tlai lamah Biak In thar lawmna ruai an kilho bawk a ni.

Thawhtan zan hian kohhran hoten Pathian biak inkhawm an neih chhunzawm a. Area Secretary chuan thuhril rawngbawlna neiin, kohhran hoten revival nen hlim takin he hun hi an hmang bawk a ni.

Mizoram UPC hnuaia District hrang hrang inkhawmpui neih chhoh mek zel a ni a. District 13 zinga paruk (6) te chuan inkhawmpui nei zo tawhin. Tun Pathianni November ni 13 hmang hian  Khawthlang District, Hmarchhak District, Lunglei District leh Serchhip District ten an nei veleh dawn a, Khawthlang District inkhawmpuiah hian Rev Thangliansanga General Superintendent, Rev Biakchuailo Kawrthah Bial, Upa R. Thangseia W.Phaileng Bial, Rev HV Lalzamlova Chawlhhmun Bial leh Pastor Rualthanmawia Lengpui Bial ten thuhril rawngbawlna an nei dawn a.

 Hmarchhak District inkhawmpuiah hian Upa C. Lalropianga Executive Chairman Tirkoh Lalsanglura, Chaltlang Rev Zoramthara, Dean ATI, Upa H. Lalrintluanga, Bawngkawn leh Pastor Laltholeha, N. Khawlek ten thuhril rawngbawlna an nei bawk ang. Serchhip District inkhawmpuiah hian Rev Saienga Sailo General Secretary, Pastor KC Ramnunmawia, Thingsulthliah Bial Pastor C. Lalramnghaka, Keifang Bial Pastor Vanlalruata, N Mualcheng Bial  Pastor Lalnunzama, Lungpho Bial leh Tirhkoh Lalmuansanga ten thuhril rawngbawlna an nei dawn a.

Lunglei District Inkhawmpuiah Rev.PB Lalhmuliana, General Treasurer, Pastor HV Lalzuithanga (Thingsai Bialtu), Tk.Lalnuntluanga, Tk.TC Lalchhawnzauva (District Treasurer), Pastor RT Lalṭanpuia (District Superintendent) leh  Rev.PC Parliana (Area Secretary) ten Pathian thu hrilna hun an hmang dawn a ni.